Hitzetik Hortzera

Hitzetik Hortzerako albisteak
Bizkaiko Bertsolari Txapelketa eta Taldekako Xilaba, igandeko Hitzetik Hortzeran

Bizkaiko Bertsolari Txapelketa eta Taldekako Xilaba, igandeko Hitzetik Hortzeran

2018/12/05

Igandeko programan Ipar Euskal Herriko hiru probintzietan jokatu den Taldekako Xilabako finala eta Bizkaiko Bertsolari Txapelketako finalaurrekoetako bertsoaldiak entzungo ditugu. Finaleko zortzikoaren berri ere emango dugu.

Bizkaiko Bertsolari Txapelketa eta Taldekako Xilaba, igandeko Hitzetik Hortzeran - Gehiago irakurri

Bertsoaroa, Iruñeko bosgarren urtaroa igandeko Hitzetik Hortzeran

Bertsoaroa, Iruñeko bosgarren urtaroa igandeko Hitzetik Hortzeran

2018/11/29

Nafarroako hiriburuan hilabete berezia da azaroa eta bertsolaritzak egiten du berezi, Bertsoaroa tarteko. Igandeko programan gehiago jakingo dugu egitasmoaren inguruan: lehen hazia erein zutenekin elkartuko gara Iruñean eta aurtengo saioetako bertsoaldiak ere bilduko ditugu.

Bertsoaroa, Iruñeko bosgarren urtaroa igandeko Hitzetik Hortzeran - Gehiago irakurri

Bertso ahobiziak eta belarriprestak Hitzetik Hortzeran

Bertso ahobiziak eta belarriprestak Hitzetik Hortzeran

2018/11/22

Arrate Illaro bertsolari eta Euskaraldiko koodinatzailearekin egongo gara igandeko programan; baita AEK-ko irakasle eta ikasle banarekin ere. Euskara gai hartuta entzungo ditugu bertsoak.

Bertso ahobiziak eta belarriprestak Hitzetik Hortzeran - Gehiago irakurri

Iritzi sortzaileak igandeko Hitzetik Hortzeran

Iritzi sortzaileak igandeko Hitzetik Hortzeran

2018/11/15

Bertsolarien hitzak sekulako indarra izaten du, bai plazan eta baita handik kanpo ere. Igandeko programan Onintza Enbeitarekin elkartuko gara: plazan ez ezik, irratian, telebistan eta prentsan aritzen den iritzi-emailearekin. Bertsoak ez dira faltako eta Gernika-Lumoko, Beasaingo eta Errenteriako bertsoaldiak entzungo ditugu.

Iritzi sortzaileak igandeko Hitzetik Hortzeran - Gehiago irakurri

Balkoitik balkoira bertsotan, igandeko Hitzetik Hortzeran

Balkoitik balkoira bertsotan, igandeko Hitzetik Hortzeran

2018/11/08

Bertsolariek batzuetan balkoira igota kantatzen dute eta eskailera maila igo eta lurretik zenbait metrora kokatzen direnean zer gertatzen den jakingo dugu igandeko programan. Haritz Mujikarekin Asteasuko udaletxeko balkoira igoko gara eta Pello Errota bertsolariaren heriotzaren ehungarren urteurrenari buruz gehiago jakingo dugu. Bertsoaldiak ez dira faltako eta bertsolariak balkoitik balkoira bertsotan entzungo ditugu Saran, Oñatin eta Algortan.

Balkoitik balkoira bertsotan, igandeko Hitzetik Hortzeran - Gehiago irakurri

Arabako ekosistema, Hitzetik Hortzeran

Arabako ekosistema, Hitzetik Hortzeran

2018/10/31

Bertsolaritzaren maparen aurrean kokatu eta ertzak zabaldu beharrean ingurune jakin batean sakonduko dugu igandeko programan. Araba izango da lurraldea eta bertako bertsolaritza nola dagoen galdetuko diegu bertakoei; ez hori bakarrik, Gasteizen eta Aramaion botatako aleak ere entzungo ditugulako.

Arabako ekosistema, Hitzetik Hortzeran - Gehiago irakurri

Nazioarteko inprobisatzaileak igandeko Hitzetik Hortzeran

Nazioarteko inprobisatzaileak igandeko Hitzetik Hortzeran

2018/10/24

Urriaren 9tik 14ra Nazioarteko Inprobisatzaileen Bira egin da. Argentinako Araceli Argüello payadorea eta Kubako Tomasita Quiala repentista izan dira gurean bertsolariz inguratuta; guztira, sei emanaldi eskaini dituzte. Igandeko programan Tomasita eta Araceli hobeto ezagutzen saiatuko gara, eta Iruñeko eta Donostiako emanaldietako bertsoaldiak entzungo ditugu.

Nazioarteko inprobisatzaileak igandeko Hitzetik Hortzeran - Gehiago irakurri

Unai Iturriagarekin asteburu pasa, Hitzetik Hortzeran

Unai Iturriagarekin asteburu pasa, Hitzetik Hortzeran

2018/10/18

Bertsolarien bizitza, kanpotik begiratuta behintzat, ezegonkor ikusten da eta, era berean, abentura eta misterio puntu bat ere badu, nahitaez. Igandeko programan Unai Iturriaga, bertsolari durangarrarekin joango gara Oñatiko eta Iurretako saioetara. Bertsolarien bizitza barrutik ezagutuko dugu; eta horrekin batera, Oñatiko eta Iurretako bertsoaldiez gozatu.

Unai Iturriagarekin asteburu pasa, Hitzetik Hortzeran - Gehiago irakurri

Hitzetik Hortzera, plazako zirrikituetan barrena

Hitzetik Hortzera, plazako zirrikituetan barrena

2018/10/11

Bertsolaritzan berebiziko garrantzia izan du beti plazak. Baina zeri deitzen diogu plaza? Zer da plaza on bat? Hainbat bertsolariren ahotik ezagutuko ditugu bertsoaren eta plazaren artekoak. Horrez gain, Miren Urquijo UPV/EHUko antropologia irakaslearekin hitz egingo dugu plazaren esanahiaz. Eta noski, bertsoaldiak ez dira faltako: Loiuko Lauroeta auzoko eta Urnietako sanmigeletako bertsoak entzungo ditugu.

Hitzetik Hortzera, plazako zirrikituetan barrena - Gehiago irakurri

Hitzetik Hortzera itsasoan murgilduko da igande honetan

Hitzetik Hortzera itsasoan murgilduko da igande honetan

2018/10/04

Aspaldikoa da bertsolaritzak itsasoarekin duen harremana. "Balearen bertsoak" dira horren froga ezagunenetako bat. Bigarren programan Oriora joango gara eta bertan itsasoa eta bertsolaritza ondo uztartzen dituen Ibai Esoain ezagutuko dugu. Horrez gain, Bermeoko saioko bertsoaldiak entzungo ditugu.

Hitzetik Hortzera itsasoan murgilduko da igande honetan - Gehiago irakurri

Hitzetik Hortzera saioak Donostian abiatuko du denboraldi berria

Hitzetik Hortzera saioak Donostian abiatuko du denboraldi berria

2018/09/27

Bertsolaritzaren ekosistema osatuko dugu aurtengo ikasturtean. Bertsoa urrutitik zein gertutik ikusteko leku aproposa da Gipuzkoako hiriburua eta bertan gertatzen dena arakatzera joango da aste honetan Eider Perez aurkezlea.

Hitzetik Hortzera saioak Donostian abiatuko du denboraldi berria - Gehiago irakurri

Bertsolaritzaren mapa osatuko du Hitzetik Hortzera saioak

Bertsolaritzaren mapa osatuko du Hitzetik Hortzera saioak

2018/09/13

Formatu berriarekin dator Hitzetik Hortzera. Eider Perezek egingo ditu aurkezle-lanak eta astez aste bertsolaritzaren mapa osatuko du collage baten bidez. Irailaren 30ean eskainiko da lehen atala eta, hortik aurrera, igandero 15:00etan izango dute bertsozaleek zita ETB1en.

Bertsolaritzaren mapa osatuko du Hitzetik Hortzera saioak - Gehiago irakurri

Taldekako txapelketei buruzko Hitzetik Hortzera, igandean

Taldekako txapelketei buruzko Hitzetik Hortzera, igandean

2018/03/30

Taldekako bi ekimen izan dira martxan azkeneko hilabeteotan: Bardoak Nafarroan eta Bertso Kuadrilla Artekoa Araban. Bi ekimenek emandako onena jasoko du denboraldi honetako azkeneko Hitzetik Hortzera programak. Igande honetan Gasteizen eta Lekunberrin egindako finaletako bertsoaldi onenak eskaintzeaz gain talde txapeldunetako kideei egindako elkarrizketak ere jasoko ditu telebista saioak.

Taldekako txapelketei buruzko Hitzetik Hortzera, igandean - Gehiago irakurri

Igandean bukatuko da Hitzetik Hortzeraren denboraldia

Igandean bukatuko da Hitzetik Hortzeraren denboraldia

2018/03/28

2017ko irailaren 24tik 2018ko apirilaren 1era bitarte, 27 atal izan ditu aurtengo denboraldiak. Udazkenean Bertsolari Txapelketa Nagusiko 14 saioen jarraipena egin ondoren, plazako ohiko jarduna ekarri du Hitzetik Hortzerak telebista pantailara. Abendu erditik hasita, beste 23 saiotako bertsoaldiak eskaini dira, 13 gonbidaturen laguntzaz. Orain datorren denboraldira begira jarriko da telebista saioa garatzen duen lantaldea.

Igandean bukatuko da Hitzetik Hortzeraren denboraldia - Gehiago irakurri

Iñaki Murua, Hitzetik Hortzeran

Iñaki Murua, Hitzetik Hortzeran

2018/03/23

13 urtez Euskal Herriko Bertsozale Elkarteko lehendakari izan ondoren, lekukoa zortzikote baten eskuetan utzi berria du Iñaki Muruak. Bere etxera joan da Hitzetik Hortzerako lantaldea bere sentsazioen eta 2005etik hona egindako ibilbidearen berri jakiteko. Eta, bide batez, bere bertsolari ibilbideari ere errepaso bat emango diote, bere bertsoaldi onenak berreskuratuz. Plazako jardunak ere izango du lekurik aste honetako programan, Zegamako jaialdiko ale onenak eskaintzeaz gain Alegia eta Biriatuko bertsoaldi bana ere ekarriko baititu telebista saioak.

Iñaki Murua, Hitzetik Hortzeran - Gehiago irakurri

Elorrion eta Zigoitian ibiliko da igandeko Hitzetik Hortzera

Elorrion eta Zigoitian ibiliko da igandeko Hitzetik Hortzera

2018/03/16

Aste honetan Lara Izagirre zine zuzendari eta gidoilaria gonbidatuko dugu programara eta bertsolaritzaz, zinemaz eta hizkera bisualaz ariko gara berarekin. Bertsoak ere izango ditugu, noski: Elorrion Igor Elortzak eta Maialen Lujanbiok afalosteko saio ederra osatu zuten Txintxarri ikastolaren mende erdia ospatzeko, eta Zigoitian musikarien laguntzaz jardun ziren kantuan Alaia Martin, Oihana Bartra, Oihana Iguaran eta Oihane Perea.

Elorrion eta Zigoitian ibiliko da igandeko Hitzetik Hortzera - Gehiago irakurri

Legazpiko eta Biriatuko bertso onenak eskainiko ditu Hitzetik Hortzerak

Legazpiko eta Biriatuko bertso onenak eskainiko ditu Hitzetik Hortzerak

2018/03/07

Agurtzane Elustondo trikitilaria izango da aste honetako gonbidatua. Euskal Herriko Trikitixa Elkarteko lehendakari da 2011z geroztik. Trikitiaz hizketan jardungo gara berarekin, eta Legazpiko berri ere emango digu, Aitor Sarriegik eta Unai Agirrek afalostean bertan botatako bertso onenak ekarriko baititugu programara. Eta Biriatun Amets Arzallusek, Maialen Lujanbiok, Maddalen Arzallusek, Andoni Egañak eta Unai Agirrek utzitako ale onenak ere eskainiko ditugu aste honetan.

Legazpiko eta Biriatuko bertso onenak eskainiko ditu Hitzetik Hortzerak - Gehiago irakurri

Mikel Labakarekin solasean, Hitzetik Hortzeran

Mikel Labakarekin solasean, Hitzetik Hortzeran

2018/03/01

Realean zazpi denboraldi egin zituen azpeitiarrak jokalari gisa eta gaur egun talde teknikoko kidea da. Futbolaz eta bertsoaz ariko gara berarekin. Eta bertsoz ere oparoa dator aste honetako programa, Alegian, Zarautzen, Aizarnazabalen eta Tolosan entzundako bertsorik onenak ekarriko baititugu pantailara. Igandean izango da hitzordua, 15:00etan.

Mikel Labakarekin solasean, Hitzetik Hortzeran - Gehiago irakurri

Lander Garro izango da igandeko Hitzetik Hortzeko gonbidatua

Lander Garro izango da igandeko Hitzetik Hortzeko gonbidatua

2018/02/22

Argazkilaria, gidoilaria, bideogilea, idazlea... langintza askotan aritutako sortzaile nekaezinak bertsolaritzarekin ere izan du harremanik, "Bertsoaren Aldagelan" dokumentala eta "Aulki-Jokoa" programa zuzendu baititu. Bere konpainian joango gara Lasarte-Oriara, hain zuzen, berak gidatutako bertso saio literariora.

Lander Garro izango da igandeko Hitzetik Hortzeko gonbidatua - Gehiago irakurri

Etxauziari bertsotan igandeko Hitzetik Hortzeran

Etxauziari bertsotan igandeko Hitzetik Hortzeran

2018/02/15

Azken urteotan ospe handia hartu du Baigorriko Etxauzia gazteluak: inguruko herritar eta eragileek kanpaina erraldoi bat abiatu zuten gaztelua erosi eta eskualdeari eragiteko proiektu bat abian jartzeko. Antton Curutcharry baigorriarra gonbidatu dugu aste honetako programara, gazteluaz aritzeko. Eta bertsoak ere ekarriko ditugu Baigorritik, han aritu baitziren Amets Arzallus, Sustrai Colina eta Jone Uria afalostean. Otordu bueltako bertsoak ekarriko ditugu Errigoititik ere, Xabi Paya eta Onintza Enbeitaren ahotsetan.

Etxauziari bertsotan igandeko Hitzetik Hortzeran - Gehiago irakurri

Samara Velterekin Zarautz ezagutuko dugu Hitzetik Hortzeran

Samara Velterekin Zarautz ezagutuko dugu Hitzetik Hortzeran

2018/02/08

Berria egunkariko kazetaria da Samara Velte. Nazioarteko sailean zebilela Katalunia, Eskozia, Kurdistan eta Kolonbiaren berri eman zuen, besteak beste. Gizarte gaietan dabil gaur egun. Kazetaritzaren nondik norakoak azaltzeaz gain bertsolaritzarekin izan duen harremanaren inguruan ere ariko gara berarekin. Eta, noski, bertsoak beteko du programako zatirik handiena: Zarauzko, Tolosako eta Legutioko bertsoaldi onenak eskainiko ditugu.

Samara Velterekin Zarautz ezagutuko dugu Hitzetik Hortzeran - Gehiago irakurri

Mungian ibiliko da igandeko Hitzetik Hortzera

Mungian ibiliko da igandeko Hitzetik Hortzera

2018/02/01

Ziklo berrian murgildu zen larunbatean Bertso Eguna: ibiltari bihurtu da herriz herri ibiltzeko bokazioz. Mungian izan zuen lehenengo geltokia, eta bertan izan ziren Hitzetik Hortzerako kamerak. Hiru bertso-bazkariek eta jaialdiak emandako bertso onenak eskainiko ditugu igandean, eta Jone Larrinagak eta Ibon Larrazabal "Larra"k herriko bertso-eskolaren nondik norakoak azalduko dizkigute.

Mungian ibiliko da igandeko Hitzetik Hortzera - Gehiago irakurri

Juantxo Arakamarekin Tolosara joango da Hitzetik Hortzera

Juantxo Arakamarekin Tolosara joango da Hitzetik Hortzera

2018/01/25

Glaukoma musika-taldeko abeslaria eta letra askoren egilea da Juantxo Arakama. Musikaz, letragintzaz eta Tolosaz ariko gara berarekin hizketan. Izan ere, aste honetan bertso-saio berezi batek beteko baitu programako tarterik zabalena: Atariaren alde Tolosako Leidor antzokian egin zen saioak. Getariako bertsoaldiak ere entzungai izango ditugu gainera.

Juantxo Arakamarekin Tolosara joango da Hitzetik Hortzera - Gehiago irakurri

Ximun Fuchs izango da Hitzetik Hortzeran

Ximun Fuchs izango da Hitzetik Hortzeran

2018/01/18

Antzerki-lan ezagun ugaritan parte hartzeaz gain, "Non" filmaren egilea ere bada. Berarekin egindako elkarrizketaz gain Baiona, Amurrio, Elgoibar eta Getariako bertsoaldiak ere eskainiko ditu aste honetako programak. Horrez gain, Getariako bertsoaldi bat aitzakiatzat hartuta, Maialen Lujanbiok Reala-Bartzelona futbol partiduan egindako ohorezko sakea ere gogora ekarriko dugu.

Ximun Fuchs izango da Hitzetik Hortzeran - Gehiago irakurri

Maider Mendizabal izango dugu igandeko Hitzetik Hortzeran

Maider Mendizabal izango dugu igandeko Hitzetik Hortzeran

2018/01/11

Datorren igandean Maider Mendizabal anoetarra izango dugu Hitzetik Hortzeran. Pala-jokalaria da bera eta azkenaldian eskuz jokatzen ere ikusi dugu pilotalekuan. Horrekin batera, Elgoibar, Aretxabaleta, Hernani eta Amurrioko jaialdietako bertsoak ekarriko ditugu. Hitzetik Hortzeran, igandean 15:00etan ETB1en.

Maider Mendizabal izango dugu igandeko Hitzetik Hortzeran - Gehiago irakurri

Edurne Azkarate izango da gonbidatu Hitzetik Hortzeran

Edurne Azkarate izango da gonbidatu Hitzetik Hortzeran

2018/01/02

Txapelketa Nagusia atzean utzi eta urtarrilaren 7an itzuliko da Hitzetik Hortzera ohiko formatuan. Bertsolarien jarduna ez da geratuko eta plazaz plazako lana biltzen eta bertsozaleei eskaintzen jarraituko dugu, igandero-igandero apirilera arte.

Edurne Azkarate izango da gonbidatu Hitzetik Hortzeran - Gehiago irakurri

Maialen Lujanbio txapelduna eta finaleko bertso onenak Hitzetik Hortzeran

Maialen Lujanbio txapelduna eta finaleko bertso onenak Hitzetik Hortzeran

2017/12/21

Igandean jokatu zen Bertsolari Txapelketa Nagusiko finala Barakaldoko BECen. Maialen Lujanbiok jantzi zuen txapela Aitor Mendiluzerekin buruz burukoa jokatuta. Finaleko bertso onenekin batera, Maialen Lujanbio eta Aitor Mendiluzeri egindako elkarrizketak ikusgai izango dira igandeko Hitzetik Hortzeran, 15:00etan, ETB1en.

Maialen Lujanbio txapelduna eta finaleko bertso onenak Hitzetik Hortzeran - Gehiago irakurri

Txapelketa Nagusiko finalistak, Hitzetik Hortzeran

Txapelketa Nagusiko finalistak, Hitzetik Hortzeran

2017/12/07

Amaitu da Txapelketa Nagusiko finalaurrekoen fasea eta badakigu zein zortzi bertsolari igoko diren BECeko oholtzara. Finalerako astebete falta denean beraiekin egon da Hitzetik Hortzera, eta euren iritzi eta sentipenak jaso ditu. Hitzetik Hortzera, igandean 15:00etan, ETB1en.

Txapelketa Nagusiko finalistak, Hitzetik Hortzeran - Gehiago irakurri

Iruñeko bertsoaldi onenak, Hitzetik Hortzeran

Iruñeko bertsoaldi onenak, Hitzetik Hortzeran

2017/11/30

Larunbatean jokatuko da Bertsolari Txapelketa Nagusiko azken finalaurrekoa Iruñean. Saioko bertsoaldien hautaketa eskainiko da igandeko Hitzetik Hortzeran, 15:00etatik aurrera, ETB1en.

Iruñeko bertsoaldi onenak, Hitzetik Hortzeran - Gehiago irakurri

Amurrioko bertsoak, Hitzetik Hortzeran

Amurrioko bertsoak, Hitzetik Hortzeran

2017/11/23

Igande arratsaldeko plana osatzeko, Bertsolari Txapelketa Nagusiko saioa eskainiko da zuzenean ETB4n Donibane Lohizunetik.

Amurrioko bertsoak, Hitzetik Hortzeran - Gehiago irakurri