Bertsolaritza ikastetxean
Bertsozale Elkartearen oinarri nagusietako bat den proiektua da. Ekimena 1985ean abiatu zen Nafarroan, eta egun euskararen lurralde osoan LHko ikastetxe gehienek hartzen dute parte.
2018-19 ikasturtean ere Euskal Herriko haur eta gaztetxo askok aukera izan dute bertsolaritza eskola orduetan lantzeko. Hain zuzen ere, ikasturte honetan 26.300 bat haur eta gaztetxok landu dute bertsolaritza ikastetxeetan. Osotara, Euskal Herriko 500 ikastetxek baino gehiagok hartu dute parte programan eta Bertsozale Elkarteko 53 irakasle ari dira zeregin horretan lanean.
Proiektuaren oinarri pedagogikoa Bertsolaritzaren curriculuma. Lehen Hezkuntza (Lanku S.L, 2008) lanean biltzen da eta oinarrizko material didaktikoa www.bertsoikasgela.eus atariak eta Mundu bat bertso argitalpenek osatzen dute (Lanku S.L, 2016).
