Xiberoa, Lapurdi eta Baxenabarre
Albisteak
Hiru lan deialdi atera berri ditu Bertsularien Lagunak Elkarteak
2022/01/20
Koordinatzaile orokorra, hezkuntza eragilea eta administrazio teknikaria behar dira.
Xanti Iparragirre zendu da
2022/01/02
87 urterekin joan zaigu Xanti Iparragirre Perurena (Errenteria, 1939). Hileta elizkizuna urtarrilaren 4an izango da, 19:00etan, Eskoriatzako San Pedro parrokian. Aretxabaletako tanatorioan izango da beila, urtarrilaren 3an, 11:00etatik 13:00etara eta 16:00etatik 18:00etara.
Haizea Dator ekimen arrakastatsua Hendaiako Enbata Gaztetxean
2021/12/13
Haizea Dator ekimenaren harira egindako bertso saioan Hendaiako Enbata gaztetxea bete zen bertsolari gazteak entzuteko.
Amets Arzallus txapeldun
2021/11/12
1.200 lagun inguru bildu dira larunbat hontan Donibane Lohizuneko Jai Alain. Entzule eta ikusle asko izan dira ere irratiz, telebistaz zoin internetez saioa segitu izan dutenak. Amets Arzallusek jantzi du aurtengo Xiberoa, Lapurdi eta Baxenabarreko Bertsolari txapelketako txapela, buruz burukoan Miren Artetxerekin aritu ondoren. Ondotik sailkapenean gelditu dira hurrenez hurren Odei Barroso, Maddalen Arzallus, Patxi Iriart eta Maddi Ane Txoperena. 2022. urteko Euskal Herriko Txapelketa Nagusirako sailkatu diren bertsulariak, Miren Artetxe Sarasola, Odei Barroso Gomila eta Maddalen Arzallus Antia dira. Jadanik sailkatuta daude, Amets Arzallus Antia eta Sustrai Colina Akordarrementeria.
Makean abiatutako XILABA, datorren larunbatean Donibane Lohizuneko helmugara iritsiko da
2021/11/11
2021eko XILABA Bertsulari Txapelketa larunbatean amaituko da, Kanpos Berri Jai Alain jokatuko den finalarekin. Bertan, Amets Arzallus, Odei Barroso, Maddalen Arzallus, Miren Artetxe, Maddi Ane Txoperena eta Patxi Iriart bertsulariak neurtuko dira. Aurten, Andoni Iturriozek jantziko dio txapela txapeldun berriari. Saioa 17:00etan hasiko da.
