Nafarroa
Albisteak
Otsaila izango da aurten bertsoaren aroa Iruñean
2022/01/27
Nafarroako Bertsolari Txapelketa udazkenean jokatzeak Bertsoaroa zikloa egutegian mugitzea ekarri du. Hiriari egiten zaion bertsolaritza eskaintza orekatu nahi izan dute horrela antolatzaileek, Nafarroako Bertsozale Elkarteak eta Iruñeko Udalak. Otsailaren 10etik 24ra ospatuko da, beraz, Bertsoaroaren 31.edizioa.
Bigarren lauhilekorako Bertso Eskola berriak eskainiko ditu Nafarroako Bertsozale Elkarteak
2022/01/10
Otsailean hasi eta maiatza bukaera bitarte, Bertso Eskola talde berrietan parte hartzeko aukera izanen da, Nafarroako hainbat tokitan. Urtarrilaren 10etik 28ra bitarte izanen da izena emateko epea, webgune honetan bertan.
Atzeratu egin dira Nafarroako Bertso Negulekuak. Egonaldiak ekainean egingo dira
2021/12/27
Nafarroako Bertso Negulekuak abenduaren 28tik 29ra egitekoak ziren. Izena emandako hainbat ikaslek joateko ezintasuna erakutsi dute azken egunetan. Gainera, Nafarroako osasun egoerak nabarmenki egin du okerrera eta Nafarroako Gobernuak neurri berriak iragarri ditu hurrengo egunetarako. Aipatutakoa kontuan harturik, Nafarroako Bertsozale Elkarteak egitasmoa atzeratzea erabaki du.
Abenduaren 28 eta 29an izango dira Nafarroako Bertso Negulekuak, Goizuetan eta Izaban. Izena emateko epea ireki da
2021/12/01
2020an pandemiaren ondorioz egitasmoa bertan behera utzi behar izan bagenuen ere, Nafarroako Bertso Eskoletako haur zein gazteek egonaldia egingo dute 2021eko abenduan, azken urteetako ohiturari eutsiz. Aurten, abenduaren 28tik 29ra izango da egonaldia, aldi bereko bi txandetan. Lehen Hezkuntzako ikasleak Goizuetara joango dira, eta DBHko ikasleak Izabara. Nafarroako Bertsozale Elkarteak egitarau oparoa antolatu du haientzat. Izen-ematea internet bidez egingo da, eta epea abenduaren 1etik 17ra bitarte egonen da zabalik.
Saioa Alkaiza da 2021eko Nafarroako txapelduna
2021/11/25
Lehen aldiz finalera iritsi eta txapela jantzi du Saioa Alkaizak, Eneko Lazkozekin buruz burukoa jokatu eta gero. Bertsolaritzaren alde ekarpen handia egin duen Estitxu Arozenak jantzi dio txapela irabazleari.
