Albisteak
Urriaren 2an hasiko da 2021eko Nafarroako Bertsolari Txapelketa, Izaban
2021/09/1129 bertsolarik eman dute izena, eta behin aurre-kanporaketak igarota, 24 izango dira Nafar Pirinioan abiatuko den ibilbidean. Guztira, lau final-laurden, hiru finalaurreko eta finalak osatuko dute txapelketa. Iruñeko Anaitasunan jokatuko da finala, azaroaren 28an.
Joxe Urroz Arrastio hil da, urteetan epaile eta antolatzaile izandakoa
2021/09/0378 urterekin zendu da, Baztanen. Oizen sortua, Iruritan eman zuen bizitzaren parterik handiena. Nafarroako bertso epaile izan zen urte luzez, eta baita saio askotako antolatzaile ere.
Ireki da epea Nafarroako bertso eskoletan izena emateko, 2021-2022 ikasturterako
2021/09/02Irailaren 2tik 24ra bitartean izango da aukera izena emateko, webgune honen bitartez. Haur zein helduentzako 37 talde eskainiko ditu Nafarroako Bertsozale Elkarteak, herrialdeko hainbat herri eta bailaratan. Urriaren 4ko astean abiatuko dira eskolak.
Aurrekanporaketak bukatuta, 13 bertsolarik lortu dute Nafarroako Txapelketarako txartela
2021/06/21Asteburuan jokatu dira 2021eko Nafarroako Bertsolari Txapelketarako hiru aurrekanporaketak, Igantzin, Garesen eta Iruritan. 18 bertsolarik hartu dute parte, eta horietatik 13 sailkatu dira urrian abiatuko den txapelketarako. Beste 11 bertsolarirekin elkartuko dira han, dagoeneko sailkatuta daudenak.
Nafarroako emakume bertsolarien ahotsak, disko batean bilduta
2021/06/07Nafarroako Bertsozale Elkarteak bultzatutako 'Gure Aldetara. Nafarroako emakume bertsolariak' egitasmoak herrialdeko emakume bertsolarien sortak jaso ditu, bakarka zein taldean eginiko 14 kantetan. Bertso idatziei bultzada emateaz harago, Nafarroako emakume bertsolariei ahotsa ematea du helburu proiektuak, elkarren arteko sarea sendotuz. Ostiralean aurkeztuko dute egitasmoa jendaurrean, Barañainen eginen duten ekitaldian.
Ekainaren 18, 19 eta 20an jokatuko dira 2021eko Nafarroako Bertsolari Txapelketako aurrekanporaketak
2021/06/0318 bertsolarik hartuko dute parte Igantzin, Garesen eta Iruritan egingo diren hiru saioetan. Horietatik, hamabik lortuko dute urriaren 2an abiatuko den txapelketan parte hartzeko txartela.
Beñat Astizek irabazi du 2021eko Nafarroako Eskolartekoa
2021/05/29Lesakan jokatu da Nafarroako Eskolarteko Txapelketaren 35. edizioa, Nafarroako Bertso Eskolen Egunaren baitan. 11 bertsolari gaztek hartu dute parte txapelketan, eta horietatik, Barañaingo Beñat Astizek jantzi du txapela. Txapeldunorde, berriz, Eki Mateorena izan da. Biak izanen dira Nafarroako ordezkari Euskal Herriko Eskolartekoan.
Sakanan aritzeko bertsolaritza irakasle baten bila ari da Nafarroako Bertsozale Elkartea
2021/05/272021/2022 ikasturterako lan deialdia zabaldu du Nafarroako Bertsozale Elkarteak, Sakanako hainbat ikastetxe eta Bertso Eskoletan ariko den bertsolaritza irakaslea bilatzeko. Lanaldi erdia eskaintzen da, ordutegi moldagarrian. Ekainaren 10era bitarte bidali ditzakete interesdunek curriculuma eta motibazio gutuna.
2021eko Nafarroako Eskolarteko Bertsolari Txapelketa maiatzaren 29an jokatuko da, Lesakan
2021/05/2414 eta 18 urte bitarteko hamaika bertsolari gaztek hartuko dute parte maiatzaren 29an Lesakan jokatuko den Nafarroako Eskolarteko Bertsolari Txapelketako 35. edizioan. Lesakako Harriondoa Kultur Etxean izanen da saioa, 17:00etatik aurrera, doako sarrerarekin. Aretoaren edukiera %50ekoa izanen da.
Martxan da Iruñeko II. Bertsopaper Lehiaketa
2021/05/05Iaz abiatutako bidetik, aurten ere antolatu dute Iruñeko Bertsopaper Lehiaketa Iruñeko Udalak eta Nafarroako Bertsozale Elkarteak. Irailaren 30era bitarte izango da lanak aurkezteko epea, hiru kategoriatan.