Albisteak
XILABA 2020 Sohütara iritsiko da larunbatean
2020/10/19Larunbatean jokatuko da XILABA txapelketaren bigarren final hereneko saioa. Sohütako baliatze anitzeko gelan izanen da arratsaldeko 17:00etan. Beñat Larory gai emailearen erranetara arituko dira bertsulariak. Arrazoi pertsonalengatik Maddalen Arzallus Antia bertsularia ez da bertan izanen eta haren lekua Mizel Mateok beteko du.
Irati Alcantarilla Urdanpilletak irabazi du Final Herenetako lehen saioa
2020/10/18XILABA Bertsulari Xapelketako Final Herenetako lehen saioa jokatu da Senperen. Aitor Servier Etxexurik eta Miren Artetxe Sarasolak egin dute bigarren eta hirugarren, hurrenez hurren. 200 bertsuzalek bete dute Senpereko LARREKO gela. Datorren larunbatean fase berri huntako bigarren saioa jokatuko da Sohütako Herriko gelan.
Kerman Diaz nagusitu da Larzabaleko saioan
2020/10/11XILABA Bertsulari Xapelketako laugarren kanporaketa jokatu da Larzabalen, eta Final Herenetako saioak nola osatuak izanen diren erabakita gelditu da. Xan Alkhatek eta Mizel Mateok egin dute bigarren eta hirugarren, hurrenez hurren. 180 bertsuzalek, giro ederrean bete dute Larzabaleko Herriko gela. Datorren larunbatean bigarren faseko lehen saioa jokatuko da Senpereko "LARREKO" gelan.
Maddi Ane Txoperena Iribarren nagusitu da Ainhoako saioan
2020/10/04XILABA Bertsulari Xapelketako hirugarren kanporaketa jokatu da Ainhoan. Xumai Murua Berra eta Ramuntxo Christyk egin dute bigarren eta hirugarren, hurrenez hurren. 160 bertsuzalek bete dute Ainhoako Elkarteen gela. Datorren larunbatean Larzabalen laugarren saioa jokatuko da, eta aldi berean fase huntako azken saioa.
XILABA 2020 Ainhoara iritsiko da larunbatean
2020/10/01Larunbatean jokatuko da XILABA txapelketaren hirugarren sailkapen saioa. Ainhoako elkarteen gelan izanen da arratsaldeko 17:00etan.
Maddi Sarasua Laskarai nagusitu da Muskildiko saioan
2020/09/27XILABA Bertsulari Xapelketako bigarren kanporaketa jokatu da Muskildin. Patxi Iriart eta Maindi Murua Berrak egin dute bigarren eta hirugarren, hurrenez hurren. Giro ederra bizi izan dugu Muskildiko Posonpesenea aretoan. Datorren larunbatean Ainhoan iraganen da hirugarren saioa.
Aitor Servier Etxexuri nagusitu da Hiriburuko saioan
2020/09/20XILABA Bertsulari Xapelketako lehen kanporaketa jokatu da Hiriburun. Egoitz Zelaiak eta Irati Alcantarilla Urdanpilletak egin dute bigarren eta hirugarren, hurrenez hurren. 150 bertsuzalek bete dute Hiriburuko La Perle aretoa. Datorren larunbatean Muskildin iraganen da bigarren saioa.
Abian da XILABA 2020 Bertsulari Txapelketa
2020/08/27Irailaren 19an Hiriburuko La Perle aretoan hasiko da 2020. urteko Xiberoa, Lapurdi eta Baxenabarreko Bertsulari Txapelketa. Azaroaren 21ean, Donibane Lohizuneko Jai Alai ezker paretan jokatuko da finala.
XILABA 2020 KANPORAKETAK!
2020/08/03Ekainean XILABA 2020 Bertsulari Xapelketaren berri eman ondoren, Bertsularien Lagunak elkarteak xapelketako kanporaketak non izanen diren eta hauetan zein bertsularik parte hartuko duen jakitera ematera dator.