Hitzetik Hortzera
Hitzetik Hortzera zapatadun oinetan
2022/10/20Datorren larunbatean jokatuko da finalaurrekoetako lehen saioa Elizondon, eta Hitzetik Hortzera bertan izango da. Hitzordua baliatuta, Harri Arrijuria zapataria izango da programan; bere lanbidearen nondik norakoak azalduko ditu Elizondon duen tailerretik. Ez galdu Hitzetik Hortzera: igandean, 15:00etan, ETB1en.
Hitzetik Hortzera txapelketaren sintonian
2022/10/13Aste honetan, Nerea Erbiti musikari nafarra izango da gure saioko protagonista, bera izan baita 2022ko Bertsolari Txapelketa Nagusiko sintoniaren sortzailea. Hitzetik Hortzera: igandean, 15:00etan, ETB1en.
Hitzetik Hortzera umore fasean
2022/10/06Txapelketaren bosgarren saioa Donostian jokatuko da, eta han izango da Hitzetik Hortzera. Bertsoaldiak eskaintzeaz gainera, Donostian bizi den Aitziber Garmendia aktore eta umoregile goierritarrarekin izango da programa. Ez galdu Hitzetik Hortzera: igandean, 15:00etan, ETB1en.
Hitzetik Hortzera oin puntetan
2022/09/29Gotaine-Irabarnen jokatuko da Bertsolari Txapelketa Nagusiko hirugarren saioa, eta Hitzetik Hortzera bertan izango da. Maika Etxekopar dantzari eta abeslari gotaindarra ezagutuko dugu, eta saioko bertsoaldi onenekin gozatzeko aukera izango da. Ez galdu Hitzetik Hortzera, igandean, 15:00etan, ETB1en.
Hitzetik Hortzera txapelketaren erritmora
2022/09/22Getxon hasiko da 2022ko Bertsolari Txapelketa Nagusia, eta lehen kanporaketako bertsoaldi onenak ikusteko aukera izango da igandeko programan. Afrika Bibang sortzaile getxoztarra ere ezagutuko dugu. Ez galdu igandean, 15:00etan, Hitzetik Hortzera ETB1en.
Hitzetik Hortzera, txapelketaren atarian
2022/09/16Denboraldi berriko lehen programan 2022ko Bertsolari Txapelketa Nagusiko xehetasun guztiak ezagutuko ditugu, Oier Iurramendi txapelketako Talde Antolatzaileko kidearen ahotik. Gainera, udazkenean izango ditugun atal berriak ezagutzeko aukera ere izango da. Igandero, 15:00etan, ETB1en.
Irailaren 18an hasiko du denboraldia Hitzetik Hortzerak
2022/09/08Udazkenean Bertsolari Txapelketa Nagusiari begira ekoitziko da programa. Eider Perez aurkezleak jarraituko du programaren gidaritzan.
Bertsoaren olatua Barakaldotik Iruñera, Hitzetik Hortzera
2022/03/31Denboraldiko azken saioa izanik, larunbateko programarekin datorren udazkenera begira jarriko gara. Aurten jokatuko da Bertsolari Txapelketa Nagusia, eta finala lekuz aldatuko da 12 urteren ondotik. BECen jokatutako lau finaletako antologia txiki bat eta Izpurako Bertso Eguneko bertsoaldiak eskainiko ditu Hitzetik Hortzerak: larunbatean, ETB1en.
Hitzekin mundu bat eraikiz Hitzetik Hortzeran
2022/03/24Larunbateko programa 22.Korrikari eskainiko zaio. Aurtengo kantuaren hitzen egilearekin elkartu da Eider, Sustrai Colinarekin, eta Zigoitiako AEKko kide den Josu Aldamarekin ere bai. Zigoitiako bertso bazkariko eta Mendaroko jaialdiko bertsoaldiak ekarriko ditu pantailara Hitzetik Hortzerak: larunbatean, ETB1en.
"Minbizia, tabuen kutxatik oholtzara" eta Hitzetik Hortzerara
2022/03/17Izan Inurri elkarteko bi kide ezagutuko ditugu larunbateko programan, minbizia jasan duten pertsonei laguntzen eta bertso saioen bidez gaiari ikusgarritasuna ematen diharduen lantaldea. Errenterian antolatu duten jaialdiko bertsoaldiak entzungo ditugu. Hitzetik Hortzera, larunbatean, ETB1en.
Osinalde Sariketa, bertsolari gazteen habi
2022/03/10Gabiriako Osinalde Sariketak 50 urte bete ditu. Bertsolari belaunaldi mordoa igaro da elkarte honetako mahai-ingurutik, eta gazte sariketen artean ezagunenetako bat da. Larunbateko Hitzetik Hortzeran, Eusebio Igartzabal eta Jokin Murua elkarteko kideak ezagutuko ditugu; eta sariketako bertsoaldiez gain, Donostiako eta Getxoko bertsoaldiak entzungo ditugu. Hitzetik Hortzera, larunbatean, ETB1en.
Bapatean, bertso bilduma baino gehiago
2022/03/03Aste honetako Hitzetik Hortzeran, Bapatean bertso bildumaren muinak arakatuko ditugu. Plazan sortu berri den bertso bat nola dokumentatzen eta gordetzen den jakin nahi? Eta plazatik, Iruñeko eta Lezoko bertsoaldiak. Hitzetik Hortzera, larunbatean, ETB1en.
Epaileen lana agerian, Hitzetik Hortzeran
2022/02/24Aste honetako programan Bertsolari Txapelketa Nagusiko epaileen lana gertutik ezagutuko dugu. Bertsozale Elkarteak antolatutako ikastaro batean epaile beterano zein gazteekin hitz egin dugu haien bizipenak ezagutzeko. Eta plazatik, Iruñeko Bertsoaroko gazteen jaialdia eta Zornotzako Bertso Derbiko aleak. Hitzetik Hortzera: larunbatean, ETB1en.
Miren Agur Meabe Hitzetik Hortzeran
2022/02/17Idazle lekeitiarrarekin elkartuko gara aste honetako programan. Lasarte-Oriako bertso saio literarioa gidatuko du, eta aitzakia hori baliatuko dugu bere bertsozaletasunaz, poetikaz eta hizkuntzaren geruzez hitz egiteko. Gainera, Ordiziako Tximista sagardotegiko bertso afaria ere eskainiko dizuegu. Hitzetik Hortzera, larunbatean, ETB1en.
"Haizea dator" Hitzetik Hortzerara
2022/02/10Aste honetako programan, Haizea dator ekimena ezagutuko dugu, Lapurdi, Baxenabarre eta Zuberoako bertso-eskoletako ikasleei eta bertsolari gazteei plazak eskaintzea helburu duena. Bertsoaldiei dagokionez, Baionako eta Etxarri-Aranazko saioak entzungo ditugu. Hitzetik Hortzera, larunbatean, ETB1en.
Doinutegiaren aita Hitzetik Hortzeran
2022/02/03Aste honetako programan Joanito Dorronsororekin elkartuko gara, bertso doinutegiaren sortzailearekin. Bere hastapenak zeintzuk izan ziren jakingo dugu, eta bertsolaritzara nola gerturatu zen ere bai. Gaur egun 3.000 doinu baino gehiago dokumentatuta dituen Xenpelar Dokumentazio Zentroa nola gorpuztu zen jakin nahi? Hitzetik Hortzera, larunbatean, ETB1en.
Ainhoa Agirreazaldegirekin solasean, Hitzetik Hortzeran
2022/01/27Aste honetako programan, elgetarraren bertsolari bizitzan zehar bidaiatuko dugu. Ume garaiko oroitzapenak, Aretxabaletako bertso-eskola, urruntzeak eta hurbiltzeak, feminismoa… eta beste hainbat gai aletzeaz gain, Ainhoaren bertsoaldirik gogoangarrienak ere entzungo ditugu. Hitzetik Hortzera, larunbatean, ETB1en.
Doinu berriak plazara, Hitzetik Hortzera
2022/01/20Aste honetako programan, doinu baten sorrera prozesuaz arituko gara Nerea Urbizu musikariarekin eta Julio Soto bertsolariarekin batera. Nolakoa da plazarako doinu baten konposizioa? Hitzetik Hortzera: larunbatean, 21:00etan, ETB1en.
Oihana Bartra eta Gari Otamendi parez pare, Hitzetik Hortzeran
2022/01/13Binakako elkarrizketei ekingo die Hitzetik Hortzerak aurten, eta lehen saioan parez pare jarriko dira Oihana Bartra bertsolaria eta Gari Otamendi dantzari eta musikaria Bilboko BIRA espazioan. Beraien jardun artistikoen bidegurutzeez, txapelketez, gorputzaz eta beste hainbat gairi buruz arituko dira solasean. Hitzetik Hortzera, larunbatean, ETB1en, eta igandean errepikapena.
Hitanoa eta bertsolaritza eskutik helduta Hitzetik Hortzeran
2022/01/05Azken urteetan hitanoaren erabilera bultzatzen ari dira hainbat herritan, tartean bertso saioak antolatuz. Besteak beste, "Ingo Xonau" ekimena abiatu zuten iaz Oñatin, bertako hitanoa biziberritzeko asmoz. Aste honetako programan, proiektu horren bultzatzaileetako birekin elkartuko gara proiektuaz gehiago jakiteko. Hitzetik Hortzera: larunbatean eta igandean ETB1en.
Bizkaiko Bertsolari Txapelketako finalean izango da Hitzetik Hortzera
2021/12/16Larunbat arratsaldean jokatuko da Bizkaiko Bertsolari Txapelketako finala Bilbao Arenan. Biharamunean urteko azken programa berezia izango dugu, finaleko bertsoaldiak eta txapeldunaren hitzak bilduko dituena. Igandean, 15:00etan, ETB1en.
Bizkaiko txapelketako finalaren atarian Hitzetik Hortzera
2021/12/09Abenduaren 18an jokatuko da Bilbon 2021eko Bizkaiko Bertsolari Txapelketako finala; eta aste honetako programan, denboran atzera egin eta finalerdietako bertsoaldien hautaketa eskaintzeaz gain, Moises Enbeita eta Joseba Etxebarria aurtengo txapel-emaileekin elkartuko gara. Hitzetik Hortzera: larunbatean, ETB1en.
Gaztelumenditarren bidean, Hitzetik Hortzera
2021/12/02Adi, asteburu honetan bi programa izango dira. Larunbat iluntzean, "Bidea da borroka" izeneko komikiaz arituko gara solasean Beñat eta Unai Gaztelumendi sortzaileekin. Igandean, berriz, Nafarroako Bertsolari Txapelketako finaleko bertsoaldiak eta txapeldunaren hitzak batuko dituen Hitzetik Hortzera berezia ere eskainiko dugu. Hitzetik Hortzera, ETB1en.
Sebastian Lizasorekin solasean, Hitzetik Hortzeran
2021/11/25Laster 50 urte beteko dira Sebastian Lizaso bertso plazetan hasi zenetik, eta ordutik, zenbatezinak dira egin dituen saioak. Berarekin elkartuko gara aste honetako programan, eta urte hauetako guztietako oroitzapen eta bertsoaldirik gogoangarrienak aletuko ditugu elkarrekin. Hitzetik Hortzera: larunbatean, ETB1en.
Nafarroako Bertsolari Txapelketaren finalaren ataria Hitzetik Hortzeran
2021/11/19Azaroaren 28an jokatuko da Iruñean 2021eko Nafarroako Bertsolari Txapelketako finala. Aste honetako programan finalerdietako bertsoaldien hautaketa eskaintzeaz gain, Estitxu Arozena aurtengo txapel-emailearekin elkartuko gara. Hitzetik Hortzera: larunbatean, ETB1en.
XILABA Bertsulari Txapelketako finala, Hitzetik Hortzera
2021/11/11Larunbat arratsaldean jokatuko da Xiberoa, Lapurdi eta Baxenabarreko txapelketaren azken saioa Donibane Lohizuneko Jai Alain. Biharamunean finaleko bertsoaldiak eta txapeldunaren hitzak bilduko dituen Hitzetik Hortzera bereziaz gozatzeko aukera izango dugu. Igandean, 15:00etan, ETB1en.
XILABAko finalaren atarian, Hitzetik Hortzera
2021/11/04Azaroaren 13an jokatuko da Donibane Lohizunen 2021eko XILABAko finala, eta aste honetako programan, Maule-Lextarren, Bardozen eta Izpuran jokatutako finalaurrekoen hautaketa eskaintzeaz gain, Andoni Iturrioz aurtengo txapel-emailea ezagutuko dugu. Hitzetik Hortzera: larunbatean, ETB1en.
Bertso otorduak bueltan, Hitzetik Hortzera
2021/10/28Aste honetako programan, urte eta erdi luzeren ondotik, bi bertso otordutan izango gara: Errezilgo bertso afarian eta Zaldibiako Zapi Janztean. Mahai inguruko bertso saioen pixkanakako itzuleraren lekuko izan eta Errezilgo saioko protagonistekin batuko gara. Hitzetik Hortzera: larunbatean, ETB1en.
Zizurkilgo Otañotarrak, Hitzetik Hortzera
2021/10/21Aste honetako programan, Plazida Otaño eta Pedro Mari Otaño lehengusuak hobeto ezagutzeko aukera izango dugu. Horretarako, Oihana Iguaran bertsolariarekin eta Patxi Bisquert zinemagile eta aktorearekin elkartuko gara Zizurkilgo liburutegian, esku artean dituzten proiektuak ezagutzeko. Hitzetik Hortzera: larunbatean, ETB1en.
Unai Iturriaga, Igor Elortza eta Josu Zabala, Hitzetik Hortzera
2021/10/14Aste honetako programan, musikak eta bertsoak bat egiten duten proiektu ugarietako bati buruz arituko gara: Unai Iturriaga eta Igor Elortza bertsolariek Josu Zabala musikariarekin egindako ibilbidea xehatuko dugu alez ale. Otxandioko bolatokian elkartuko gara hiru protagonistekin. Hitzetik Hortzera: larunbatean, ETB1en.