Hitzetik Hortzera
Luzia Goñi gertutik, Hitzetik Hortzeran
2020/03/18Bertsolari basaburuarra ezagutuko dugu igandeko programan. 91 urte ditu, eta bere bertsoak eta bizi esperientziak kontatu dizkigu Tirapuko bere etxetik. Gainera, Andoaingo, Irungo, Legazpiko eta Pasaiako saioak eskainiko ditugu. Igandean, 15:00etan, Hitzetik Hortzera ETB1en.
Bertsolaritzari buruzko marrazki bizidunak, Hitzetik Hortzeran
2020/03/12Datorren programan, gutako askoren haurtzarora bidaiatuko dugu. Lazkao Txikiren, Pernando Amezketarraren eta Txirritaren marrazki bizidunak ekoizten ziren garaiaz ariko gara Koldo Izagirrerekin. Igandean, 15:00etan, ETB1en.
Bertsolaritza feminismotik, Hitzetik Hortzeran
2020/03/05Ane Labakarekin eta Miren Artetxerekin elkartu da Eider, "Bertsolaritza feminismotik (bir)pentsatzen" argitalpena tarteko. Asteasuko Mikaela eta Joxepa Inaxi Elizegi eta Zizurkilgo Plazida Otaño bertsolariak ezagutuko ditugu, eta Andoainen, Arrasaten, Lasarte-Orian eta Iruñean izandako saioetako bertsoaldiak ere eskainiko ditugu igandeko programan.
Oholtza gaineko maskarak eta biluzteak, Hitzetik Hortzeran
2020/02/27Sarri oholtzan beste batzuen ahotsetik kantatzen duten arren, izen eta abizenez ezagutzen ditugu bertsolariak; beraiek eta baita beren bizitza eta iritzi pertsonalak ere. Oholtza gaineko maskarez eta biluzteez ariko gara Julio Sotorekin eta Uxue Alberdirekin. Hitzetik Hortzera, igandean, 15:00etan, ETB1en.
Estitxu Arozenaren bertso ibilbidea, Hitzetik Hortzeran
2020/02/20Aurten 25 urte beteko dira Estitxu Arozenak lehenengoz Nafarroako txapela jantzi zuenetik, eta urteurrenaren aitzakian berarekin elkartuko gara Lesakan, bere ibilbideaz eta orduko oroitzapenez hitz egiteko. Eta, beti bezala, bertsoaldien hautaketa: Astigarraga, Iruñea, Lasarte-Oria eta Senpere. Igandean, 15:00etan, ETB1en.
Historiako emakume bertsolariak, Hitzetik Hortzeran
2020/02/18Zazpi ataletan jorratuko dugu gaia: garaiko emakume bertsolariek osatutako bertso bilduma zabala eta erreferentzia historikoak eskainiko ditugu igandeetako hitzorduan. Igande honetan, otsailaren 23an, izango da lehena.
Deustuko Aferak bertso dinamika, Hitzetik Hortzeran
2020/02/13Hiru urte daramatza martxan Aferak bertso dinamikak. Deustuko Elorri bertso-eskolaren eta herriko tabernaren artean antolatutako bertso saio bereziak dira, eta aste honetako programan gertuagotik ezagutuko dugu egitasmoa; baita Mikel Astarloza txirrindulariaren bertsoaldi kuttuna ere. Hitzetik Hortzera, igandean, 15:00etan, ETB1en.
Rapa eta bertsoa, Hitzetik Hortzeran
2020/02/06Euskaraz errimatzen eta inprobisatzen duten guztiak ez dira bertsolariak. Igandeko programan Haizea Alonso, Iñaki Viñaspre eta Odei Barroso rapeatzaileekin elkartuko gara. Ohiko bertso saioen hautaketa ere ekarriko dizuegu: Pasaiako eta Bilboko saioak. Hitzetik Hortzera, igandean, 15:00etan, ETB1en.
Joxepa Antoni Aranberri "Xenpelar", Hitzetik Hortzeran
2020/01/29Elixabete Perez Gaztelu ikertzailearen eskutik murgilduko gara Joxepa Antoni Aranberri "Xenpelar" bertsolariaren bizitzan, eta Getariako eta Latasako bertso saioetako alerik onenak ere ikusgai eta entzungai izango ditugu igandeko programan. Hitzetik Hortzera, 15:00etatik aurrera, ETB1en.
Ikus-entzunezkotik irrati uhinetara, Hitzetik Hortzeran
2020/01/23Ataria Irratiko estudioetan murgilduko gara, eta bertsolaritzari buruzko irratsaioa gidatzen duen Imanol Artolarekin hitz egingo dugu. Tolosaldeko Atariak antolatutako bertso saioko momenturik onenak eskainiko dizkizuegu, baita Aramaion egin zen Bertso Egunekoak ere.
Bertsolaritzaren presentzia mediatikoa aztergai, Hitzetik Hortzeran
2020/01/16Antxoka Agirre ikertzailearen doktore tesia aletuko dugu igandeko programan. 1823-2018 urte bitartean, bertsolaritzak komunikabideetan izan duen bilakaera ikertu du eta baita mugimenduaren eragiletzaren historia ere. Bertsoaldiak ez dira faltako: Elgoibarren, Elizondon, Ondarroan eta Oiartzunen izandako saioak entzungo ditugu. Igandean, 15:00etan, ETB1n.
Ahalduntze Bertso Eskola igandeko Hitzetik Hortzeran
2020/01/09Bost ikasturte daramatza martxan Ahalduntze Bertso Eskolak, bertsolari eta gai-jartzaile emakumeak trebatzeko hilean behin elkartzen den bilguneak. Aste honetako programan, zenbait partaidek han bizitakoak eta ikasitakoak kontatuko dizkigute. Igandean, 15:00etan, ETB1en.
Jotaren bilakaera aztergai, Hitzetik Hortzeran
2020/01/02Bat-bateko kopla zirikatzaileak izatetik, buruz ikasiak eta kantatuak izatera igaro ziren Nafarroako jotak; igandeko programan, Jose Maria Esparza adituak azalduko digu bitarte horretan gertatutakoa. Bertsoaldiak ez dira faltako.
2019ko bertsoaldien bilduma, Hitzetik Hortzeran
2019/12/26Urte berriari gogotsu ekiteko, urtarriletik abendura bitarteko une ederrak gogoratuko ditugu. Urteko azken programan, 2019ak utzitako bertsoaldi aipagarrienen errepasoa egingo dugu.
Maialen Lujanbioren bertso ibilbidea, Hitzetik Hortzeran
2019/12/19Bertsolari hernaniarra izango da igandean programako protagonista. Ia 30 urte bete ditu plazaz plaza kantuan, eta egindako ibilbideaz, mugarriez eta asmoez arituko gara berarekin. Bertsoaldiak ez dira faltako, eta grabatutako bere ale esanguratsuenen errepasoa egingo dugu.
Gipuzkoako Bertsolari Txapelketako finala hitzetik hortzera
2019/12/12Larunbatean izango da 2019ko Gipuzkoako Bertsolari Txapelketako azken saioa Donostiako Illunben. Biharamunean Hitzetik Hortzeran ikusi eta entzun ahal izango ditugu oholtzan eta oholtzatik kanpo jazotakoak. Igandean, 15:00etan, ETB1en.
Euskaltzaindia eta bertsolaritza, Hitzetik Hortzeran
2019/12/05Euskaltzaindiaren mendeurreneko historian zehar bidaiatuko dugu. XX. mende bukaerako bertsolari txapelketen antolatzaile izan zen, eta orduko loraldi hura oroituko dugu Joxe Mari Iriondoren eskutik. Gipuzkoako txapelketako azken finalaurrekoa eta Joxepa Antoni Xenpelarren bertso sorta ere entzungo ditugu, besteak beste, igandean, 15:00etan, ETB1en.
Unibertsitateko bertso giroa, Hitzetik Hortzeran
2019/11/28Bertsolaritza unibertsitatean ere bizi da. Horregatik, Gasteizko ikasle giroan murgilduko gara datorren programan, Bittor Altube, Haizea Arana eta Maddi Aiestaran bertsolari gazteen eskutik; Ahostegunak ekimena ere ezagutuko dugu. Igandean, 15:00etatik aurrera, ETB1en.
Taldekako Xilaba, igandeko Hitzetik Hortzeran
2019/11/21Izturitzen jokatutako finalean izan da Hitzetik Hortzera, eta txapelketako hiru parte-hartzailerekin aritu gara solasean: Elixabet Etxandi, Maindi Murua eta Xan Alkhat. Finaleko bertsoaldirik onenak eta Gipuzkoako txapelketako lehen finalaurrekoak emandakoak ere eskainiko dizkizuegu igandean.
Bertsolaritza Piriniotan biziberritzen
2019/11/14Aste honetako Hitzetik Hortzeran Pirinio inguruetako bertsolaritzaren egoera ezagutuko dugu. Han bertsoa berreskuratzen ari diren zenbait lagunekin elkartuko gara: Aimar Karrika, Karine Etxeberri eta Txentxo Hernandez. Bestalde, Iruñeko Bertsoaroak emandakoa ere izango dugu gozagai. Igandean, 15:00etan, ETB1en.
Bertsolarien etxeko hizkuntza errealitatea, Hitzetik Hortzeran
2019/11/07Gero eta euskaldun gehiago dira euskara etxetik jaso ez dutenak, eta horien artean daude zenbait bertsolari ere. Igandeko programan bi bertsolariren etxeko hizkuntza errealitatea ezagutuko dugu: Aitor Servier eta Aitor Mendiluze. Horrez gain, ikusgai izango dira Durangoko eta Gasteizko saioak, eta baita Gernikan Jon Lopategiri egindako omenaldiko hautaketa ere. Igandean, 15:00etatik aurrera, ETB1en.
Gorputzak oholtzan duen eraginaz, igandeko Hitzetik Hortzeran
2019/10/31Bertsolaritza buru-ariketa da, baina ez hori bakarrik. Bertsolarien gorputzaren presentzia eta horrek kantuan duen eragina ez da txikia; honi buruz hitz egingo dugu Onintza Enbeitarekin eta Sustrai Colinarekin. Eta noski, bertsoaldirik onenak ikusgai.
Bertsolaritza ikasgelan sartzen denean
2019/10/24Ikasle artean murgilduko da Hitzetik Hortzera. Bertsozale Elkartearen hezkuntza proiektua ezagutu nahi izan dugu, eta, horretarako, Abanto Zierbenako Askartza-Isusi eskolako haurrekin elkartu gara, Idoia Anzorandia irakaslearen eskutik.
Argiaren 100 urteak, bertsolaritzaren begietatik
2019/10/17Euskal astekaririk zaharrenari eskainiko diogu aste honetako Hitzetik Hortzera. Argiako Estitxu Eizagirrerekin elkartu gara Lasarte-Oriako erredakzioan, eta Donostian antolatu duten mendeurren festan izan gara.
Zientzia eta bertsoa uztartuta, Hitzetik Hortzeran
2019/10/10Pedro Migel Etxenike zientzialariarekin “Passion for Knowledge” jardunaldien inguruan arituko gara, eta haren baitan antolatutako bertso saioak emandakoa eskainiko dugu. Igandean, 15:00etan, ETB1en.
Gai jartzaileen lana ezagutuko dugu Hitzetik Hortzeran
2019/10/03Maite Berriozabal gai jartzailearekin Eibarko bertso saio musikatua prestatuko dugu, izaten dituen ideiak, zalantzak eta bidezidor posibleak ezagutzeko. Horrez gain, Aitziber Garmendiaren bertsoaldi kuttuna eta atal berri gehiago. Igandean, 15:00etatik aurrera, ETB1en.
Urriaren 6an hasiko da Hitzetik Hortzera
2019/09/26Informazio pilulak izango ditu, eta umoreak ere bere lekua izango du saioro. Eider Perezek josiko ditu atal batetik besterako hari-muturrak, eta ordutegi bera izango du programak: igandeetan, 15:00etatik aurrera, ETB1en.
Jon Lopategi gogoan, azken Hitzetik Hortzeran
2019/04/04Igande honetan agurtuko du bertsolaritza saioa udazkenera arte. Astez aste mapa zabala osatu dugu, hainbat kolore, doinu, historia eta iritzi jasoz. Denboraldi honek kendu ere egin digu: Jon Lopategi joan zaigu aurtengo urtearen hasieran. Horregatik, berari eskainiko diogu udaberriko azken atala.
Arabako finalera eramango gaitu Hitzetik Hortzerak
2019/03/28Larunbatean jokatuko da Gasteizko Principal antzokian 2019ko Arabako Bertsolari Txapelketako finala, eta han jasotako bertsoaldiak eta txapeldunaren hitzak eskainiko ditu igandean telebista programak.
Nafarroako Bertsolari Txapelketako finala, Hitzetik Hortzeran
2019/03/21Anaitasunako giroa, bertsoaldiak, txapeldunaren hitzak eta eguneko une bereziak ekarriko ditugu pantailara. 2019ko Nafarroako Bertsolari Txapelketako finaleko saio berezia eskainiko dizuegu igandeko programan.