Hitzetik Hortzera
Oihana Bartra eta Gari Otamendi parez pare, Hitzetik Hortzeran
2022/01/13Binakako elkarrizketei ekingo die Hitzetik Hortzerak aurten, eta lehen saioan parez pare jarriko dira Oihana Bartra bertsolaria eta Gari Otamendi dantzari eta musikaria Bilboko BIRA espazioan. Beraien jardun artistikoen bidegurutzeez, txapelketez, gorputzaz eta beste hainbat gairi buruz arituko dira solasean. Hitzetik Hortzera, larunbatean, ETB1en, eta igandean errepikapena.
Hitanoa eta bertsolaritza eskutik helduta Hitzetik Hortzeran
2022/01/05Azken urteetan hitanoaren erabilera bultzatzen ari dira hainbat herritan, tartean bertso saioak antolatuz. Besteak beste, "Ingo Xonau" ekimena abiatu zuten iaz Oñatin, bertako hitanoa biziberritzeko asmoz. Aste honetako programan, proiektu horren bultzatzaileetako birekin elkartuko gara proiektuaz gehiago jakiteko. Hitzetik Hortzera: larunbatean eta igandean ETB1en.
Bizkaiko Bertsolari Txapelketako finalean izango da Hitzetik Hortzera
2021/12/16Larunbat arratsaldean jokatuko da Bizkaiko Bertsolari Txapelketako finala Bilbao Arenan. Biharamunean urteko azken programa berezia izango dugu, finaleko bertsoaldiak eta txapeldunaren hitzak bilduko dituena. Igandean, 15:00etan, ETB1en.
Bizkaiko txapelketako finalaren atarian Hitzetik Hortzera
2021/12/09Abenduaren 18an jokatuko da Bilbon 2021eko Bizkaiko Bertsolari Txapelketako finala; eta aste honetako programan, denboran atzera egin eta finalerdietako bertsoaldien hautaketa eskaintzeaz gain, Moises Enbeita eta Joseba Etxebarria aurtengo txapel-emaileekin elkartuko gara. Hitzetik Hortzera: larunbatean, ETB1en.
Gaztelumenditarren bidean, Hitzetik Hortzera
2021/12/02Adi, asteburu honetan bi programa izango dira. Larunbat iluntzean, "Bidea da borroka" izeneko komikiaz arituko gara solasean Beñat eta Unai Gaztelumendi sortzaileekin. Igandean, berriz, Nafarroako Bertsolari Txapelketako finaleko bertsoaldiak eta txapeldunaren hitzak batuko dituen Hitzetik Hortzera berezia ere eskainiko dugu. Hitzetik Hortzera, ETB1en.
Sebastian Lizasorekin solasean, Hitzetik Hortzeran
2021/11/25Laster 50 urte beteko dira Sebastian Lizaso bertso plazetan hasi zenetik, eta ordutik, zenbatezinak dira egin dituen saioak. Berarekin elkartuko gara aste honetako programan, eta urte hauetako guztietako oroitzapen eta bertsoaldirik gogoangarrienak aletuko ditugu elkarrekin. Hitzetik Hortzera: larunbatean, ETB1en.
Nafarroako Bertsolari Txapelketaren finalaren ataria Hitzetik Hortzeran
2021/11/19Azaroaren 28an jokatuko da Iruñean 2021eko Nafarroako Bertsolari Txapelketako finala. Aste honetako programan finalerdietako bertsoaldien hautaketa eskaintzeaz gain, Estitxu Arozena aurtengo txapel-emailearekin elkartuko gara. Hitzetik Hortzera: larunbatean, ETB1en.
XILABA Bertsulari Txapelketako finala, Hitzetik Hortzera
2021/11/11Larunbat arratsaldean jokatuko da Xiberoa, Lapurdi eta Baxenabarreko txapelketaren azken saioa Donibane Lohizuneko Jai Alain. Biharamunean finaleko bertsoaldiak eta txapeldunaren hitzak bilduko dituen Hitzetik Hortzera bereziaz gozatzeko aukera izango dugu. Igandean, 15:00etan, ETB1en.
XILABAko finalaren atarian, Hitzetik Hortzera
2021/11/04Azaroaren 13an jokatuko da Donibane Lohizunen 2021eko XILABAko finala, eta aste honetako programan, Maule-Lextarren, Bardozen eta Izpuran jokatutako finalaurrekoen hautaketa eskaintzeaz gain, Andoni Iturrioz aurtengo txapel-emailea ezagutuko dugu. Hitzetik Hortzera: larunbatean, ETB1en.
Bertso otorduak bueltan, Hitzetik Hortzera
2021/10/28Aste honetako programan, urte eta erdi luzeren ondotik, bi bertso otordutan izango gara: Errezilgo bertso afarian eta Zaldibiako Zapi Janztean. Mahai inguruko bertso saioen pixkanakako itzuleraren lekuko izan eta Errezilgo saioko protagonistekin batuko gara. Hitzetik Hortzera: larunbatean, ETB1en.
Zizurkilgo Otañotarrak, Hitzetik Hortzera
2021/10/21Aste honetako programan, Plazida Otaño eta Pedro Mari Otaño lehengusuak hobeto ezagutzeko aukera izango dugu. Horretarako, Oihana Iguaran bertsolariarekin eta Patxi Bisquert zinemagile eta aktorearekin elkartuko gara Zizurkilgo liburutegian, esku artean dituzten proiektuak ezagutzeko. Hitzetik Hortzera: larunbatean, ETB1en.
Unai Iturriaga, Igor Elortza eta Josu Zabala, Hitzetik Hortzera
2021/10/14Aste honetako programan, musikak eta bertsoak bat egiten duten proiektu ugarietako bati buruz arituko gara: Unai Iturriaga eta Igor Elortza bertsolariek Josu Zabala musikariarekin egindako ibilbidea xehatuko dugu alez ale. Otxandioko bolatokian elkartuko gara hiru protagonistekin. Hitzetik Hortzera: larunbatean, ETB1en.
Bertsolaritza, komunitatea, erresistentzia... Hitzetik Hortzera
2021/10/07Psikologian graduatuak dira Leire Amenabar eta Ines Huarte, eta beste hiru kiderekin batera egindako graduondokoan bertsolaritza komunitate batentzako erresistentzia tresna bat dela ondorioztatu dute. Bertsolaritza ikertzaileen begiradatik aztertuko dugu aste honetako Hitzetik Hortzeran: larunbatean, 21:00etan.
Bertsotan irakasten, Hitzetik Hortzera
2021/09/30Etxeko gazteenei bertsolaritza irakasteko modurik eraginkorraren bila abiatuko gara aste honetako programan. Mikel Artolak metodologia berri bat probatu eta proposatu du bide horretan, eta berarekin elkartuko gara, gu ere ikasteko prest. Hitzetik Hortzera: larunbatean, ETB1en.
"Azken Bidaia" heriotzari buruzko bertso saioa, Hitzetik Hortzera
2021/09/23"Azken Bidaia" izeneko bertso saioan, heriotza gaitzat hartuta aritu ziren bertsolariak kantuan. Saioko bertsoaldiak entzuteaz gain, kantuak dolu prozesuetan duen garrantziaz ere egin dugu solas Nere Erkiagarekin. Hitzetik Hortzera: larunbatean, ETB1en.
Señora: bertsolaritza eredu berri bat, Hitzetik Hortzera
2021/09/16Aurtengo udaberrian antolatu zuten lehen aldiz Señora Sariketa hainbat bertsolari eta bertsozale feministak elkarlanean. Gaietatik hasi eta saioetan sortutako girora, bertsolaritzaren hainbat arlo eraldatu eta hainbat lege inplizitu hankaz gora jarri nahiaren emaitza izan zen sariketa berri hau. Hitzetik Hortzera: larunbatean, 21:00etan, ETB1en.
Bertso Udalekuak barrutik, Hitzetik Hortzeran
2021/09/09Bertsolaritzaz gozatzeko aukera ugari eskaintzen ditu uda garaiak; tartean, Bertso Udalekuak. Hainbat haur, gazte, begirale eta sukaldari elkartzen dira urtero Bertso Udalekuetako txandetan, eta denboraldiko lehenengo saioan Irañetakoan murgiltzeko aukera izango dugu. Hitzetik Hortzera, larunbatean eta igandean, ETB1en. [OHARRA: Azken momentuko aldaketa tarteko, bertsolaritza programa larunbatean eskainiko da soilik aste honetan]
Bertsolaritzaren mapa, mugez harago
2021/09/0332. denboraldiari ekingo dio bertsolaritza ardatz duen Hitzetik Hortzera telebista programak. Guztira 26 programa izango dira, eta tartean Xilaba eta Nafarroako eta Bizkaiko txapelketetako finalen zuzeneko emisioa. Irailaren 11n, larunbatez, izango da denboraldi berriko lehen programa.
Argazkietatik bertsoetara, Hitzetik Hortzera
2021/03/25Denboraldiko azken programan, argazkilaritza eta bertsolaritza uztartuko ditugu. Sigfrido Koch argazkilariaren lanei kantari aritu ziren aurreko astean Miren Amuriza eta Maialen Lujanbio San Telmo museoan, eta saio hartako gai-jartzailearekin elkartu gara, Danele Sarriugarte idazlearekin. Argazkietatik bertsoetara dagoen bidea ezagutuko dugu berarekin; Hitzetik Hortzera, larunbatean eta igandean, ETB1en.
Bollo bertso saioak, Hitzetik Hortzera
2021/03/18Aste honetako programan bollo bertso saioez edo bertsolari "bolleraz" osatutako bertso saioez hitz egingo dugu Amaia Agirre eta Eli Pagola bertsolariekin. Azken urteotan hainbat bollo saio antolatu dituzte han-hemenka, eta bertako esperientziez eta plazaratzen diren ideiez arituko gara bertsolariekin. Hitzetik Hortzera, larunbatean eta igandean, ETB1en.
Nafarroako Bertsolari Txapelketa gogoan, Hitzetik Hortzeran
2021/03/112021eko urte hasieran zen jokatzekoa Nafarroako Bertsolari Txapelketa, baina egoerak ez du horretarako baldintzarik eskaini. Hala ere, aitzakia horri tiraka, orain arte egindako bideari begira jarri nahi izan dugu aste honetako programan. Hitzetik Hortzera, larunbatean eta igandean, ETB1en.
Bertsolari gazteen hasierak, Hitzetik Hortzera
2021/03/04Bost bertsolari gazteekin elkartuko gara aste honetako programan, eta bertsolari gazte izateak dituen aukerei eta mugei buruz ariko gara solasean eurekin. Horretarako, Algortan antolatutako Abra Jaialdian izango gara. Hitzetik Hortzera, larunbatean eta igandean, ETB1en.
Eskolatik Plazara ekimena, Hitzetik Hortzera
2021/02/25Iazko Euskal Herriko Eskolarteko Txapelketa amaitu gabe geratu zen pandemiaren ondorioz, eta, hori dela eta, finalistak eta plazan dabiltzan bertsolari nagusiagoak elkartuta saio bereziak antolatu dira. Saio horietako bertsoaldiak eta bizipenak ezagutuko ditugu aste honetako programan. Hitzetik Hortzera, larunbatean eta igandean, ETB1en.
Bertsolari aldizkariak 30 urte, Hitzetik Hortzera
2021/02/1830 urte beteko ditu aurten Bertsolari aldizkariak. Aldizkariaren sortzaile izan zen Joxean Agirre eta gaur egun edizioan dabilen Beñat Hach Embarek elkartuko ditugu aste honetako programan, 30 urte hauetako bitxikeriez, aldaketez eta askoz gehiagoz solasteko asmoarekin. Hitzetik Hortzera, larunbatean eta igandean, ETB1en.
Etxepare Rap proiektuaz, Hitzetik Hortzera
2021/02/11Aste honetako programan, Imanol Epelde zarauztarrarekin elkartuko gara. Bera da Etxepare Rap proiektuaren sortzailea eta, besteak beste, proiektuaren hastapenez, helburuez eta abestien sormen prozesuaz ariko gara solasean berarekin. Hitzetik Hortzera, aste honetan larunbatean soilik ETB1en, eta ondoren, edonoiz, EITB Nahieran atarian.
ALBEk 40 urte, hitzetik hortzera
2021/02/041980. urtean sortu zen ALBE, Algortako Bertsolari Eskola, eta geroztik lan handia egin du Algorta zein Uribe Kosta bertsozaletzen eta bertsolaritzen. Aste honetako programan Jone Uria eta Unai Mendiburu albekideekin elkartu gara, eta iazko urteurrenaz eta ALBEren ibilbideaz solasteko aukera izan dugu. Hitzetik Hortzera, larunbatean eta igandean, ETB1en.
Oihane Perearekin solasean, Hitzetik Hortzeran
2021/01/2830 urte daramatza bertsogintzan murgildurik Oihane Pereak, eta Arabako bertsolaritzaren azken urteetako garapenaren lekuko eta eragile izan da. Azken urte hauetako ibilbideari begira jarriko gara aste honetako programan eta bere bizitokian, Zalduondon, elkartu gara protagonistarekin. Hitzetik Hortzera, larunbatean eta igandean, ETB1en.
Umeen neurrirako bertsoak, Hitzetik Hortzeran
2021/01/21Aste honetako programan, Aissa Intxausti eta Eneko Arrate bertsolari eta antzezleekin batuko gara. Umeentzako antzerkiak egiten dituzte han eta hemen, bertsoa, kantua eta bat-batekotasuna ezinbesteko oinarri dituztela. Orain "Urpekakariak" emanaldiarekin dabiltza herriz herri, eta Munitibarko ikuskizunaren aurretik jarri dugu beraiekin hitzordua. Hitzetik Hortzera, larunbatean eta igandean, ETB1en.
Plateruenari azken agurra, Hitzetik Hortzeran
2021/01/14Euskara eta euskal kultura erdigunean jartzeko asmoz abiatu zen Durangoko Plateruenaren proiektua orain dela ia 18 urte, baina irailaren amaieran Plateruenak ateak itxiko zituenaren albistea iritsi zen. Erika Lagoma bertako bazkide eta bertsolariarekin elkartu gara, urteko azken bertso saioaren egunean. Hitzetik Hortzera, larunbatean eta igandean, ETB1en.
Oier Lakuntza bertsolariarekin solasean, Hitzetik Hortzeran
2021/01/07Oier Lakuntza bertsolari eta kimikari nafarra izango da aste honetako programan. Wolfram sindromea diagnostikatu zioten Oierri oso gaztetan, eta horrek ikusmenean, entzumenean eta beste hainbat gaitasunetan eragiten dio. Oholtza gaineko esperientzia nola bizi duen ezagutuko dugu. Hitzetik Hortzera: larunbatean eta igandean, ETB1en.