Hitzetik Hortzera
2020 urteko bertsoaldien bilduma, Hitzetik Hortzeran
2020/12/31Ez da agian gogoratzeko moduko urtea izan, baina utzi du bertsoaldi gogoangarririk. Horiek ekarriko ditugu asteburu honetako programara.
Kopla Barik zirkuituak emandakoa, Hitzetik Hortzeran
2020/12/24Lau bertso saio berezi antolatu dira Bizkaian udazkenean, eta azkenengoan izan da Hitzetik Hortzera, Bizkaiko bertsolari txapeldunen saioan. Larunbatean eta igandean, ETB1en.
Plazatik bizitzea: bertsolaritzaren B aldea, Hitzetik Hortzeran
2020/12/17Aste honetako programan askotan aipatzen ez den bertsolaritzaren alderdi bati begiratuko diogu: lan-arloari. Zer da plazatik bizitzea? Zein bizi baldintza izan ditzake bertsolari autonomo batek? Miren Amurizarekin eta Andoni Egañarekin elkartu gara, plazatik bizitzeak zer esan nahi duen hobeto jakiteko. Hitzetik Hortzera: larunbatean eta igandean, ETB1en.
Anjel Mari Peñagarikanorekin solasean, Hitzetik Hortzeran
2020/12/1040 urte inguru igaro dira albizturtarra bertso-plazetan hasi zenetik, eta amaigabea da ordutik agendan apuntatutako saioen zerrenda. Denborak emandakoari eta eramandakoari buruz aritu gara Anjel Mari Peñagarikanorekin. Haren bertsoaldi batzuk ere gogora ekarriko ditugu aste honetako programan: igandean, 15:00etan, ETB1en.
Zapia, entzulearen miresmenaren ikur gisa
2020/12/03Txapelketaz betetako gure historian, Zaldibiak garaipenaren sinbolo berri bat ekarri du bertsolaritzara: zapia. Duela 4 urte antolatu zuten lehenengo Zapi Janztea, eta dagoeneko finkatu da bertsozaleen artean. Haren inguruan gehiago jakingo dugu asteburu honetako Hitzetik Hortzeran: larunbatean eta igandean, ETB1en.
Bertsoaroaren 30.urteurrena, Hitzetik Hortzeran
2020/11/26Iruñea bertsoz, musikaz eta hitzaldiz bete du 30 aldiz Bertsoaroak, eta egindako ibilbideari begira jarriko gara. Larunbatean eta igandean, Hitzetik Hortzera ETB1en.
XILABAko finaletako bertso bilduma, Hitzetik Hortzeran
2020/11/19Seigarren edizioa zuen aurtengo banakako XILABAk, Lapurdi, Baxenabarre eta Zuberoako bertsolari txapelketak. Tamalez, pandemiak ez dio utzi asteburu honetan izan behar zuen finaleraino iristen. Orain arteko XILABAko finaletan izandako zenbait bertsoaldi eta berezitasun eskainiko dizkizuegu asteburu honetako Hitzetik Hortzeran. Oroitzea ere gauza ederra baita!
Itxaro Bordarekin solasean, Hitzetik Hortzeran
2020/11/12Idazleak harreman estua du bertsoarekin. Hainbat bertso sorta, kopla eta olerki argitaratu izan ditu, eta plazan ere kantatu izan du, nahiz eta bere alderdi hori ez den hain ezaguna. Berarekin izandako solasaldia eta plazak emandako onena eskainiko dizkizuegu asteburuan, ETB1en: larunbatean 21:00etan, eta igandean, 15:00etan.
Bertso jarriak protagonista, Hitzetik Hortzeran
2020/11/05Historiako gertakari asko bertsopaperei esker egin dira ezagun; baina zenbat dakigu bertsopaperen inguruan, eta zein funtzio betetzen dute gaur egun? Unai Agirreri galdetuko diogu horri buruz, eta Eñaut bere anaiarekin batera sortutako emanaldiaren inguruan ere arituko gara. Larunbatean, 21:00etan, Hitzetik Hortzera ETB1en; eta igandean bigarren aukera, 15:00etatik aurrera.
Thomas Ospital musikari inprobisatzailea, Hitzetik Hortzeran
2020/10/22Europan eta mundu mailan aritzen den organo-jotzailea da Ospital. Maialen Lujanbio eta Uxue Alberdi bertsolariekin emanaldia eskaini zuen Irunen, eta hitzordua baliatu dugu bera ezagutzeko. Eta bertsoak ere izango dira, noski. Larunbatean, 21:00etan, Hitzetik Hortzera ETB1en.
Joan-etorriko bidezidorrak, Hitzetik Hortzeran
2020/10/15Denboraldi baterako aldendu ostean, plazan berragertzea erabaki duten bi bertsolarirekin elkartuko gara Lesakan: Erika Lagomarekin eta Xabier Silveirarekin. Larunbatean, 21:00etan, Hitzetik Hortzera ETB1en.
Ingalaterratik bertsotan, Hitzetik Hortzeran
2020/10/08Pantaila bidezko bertso-eskola da ikusiko duguna: Aissa Intxaustik Lekeitiotik botatako bertsoei Dylan Inglisek erantzungo die Ingalaterratik. Eta ezohiko bertso-eskola honetaz gain, plazakoa ere erakutsiko dizuegu, noski. Larunbatean, 21:00etan, Hitzetik Hortzera ETB1en.
Rosi Lazkanorekin solasean, Hitzetik Hortzeran
2020/10/0150 urterekin hasi zen Lazkano Orioko bertso-eskolan, baina ume-umetatik bizi izan da bertsoari eskutik helduta. Gozamena da berarentzat bertsolaritza, eta gozamena izango da aste honetako programa ere: Rosi Lazkanoren bizitza eta bere bertsoak, larunbatean, 21:00etatik aurrera, Hitzetik Hortzeran.
Arrain saltzaileen ahozko tradizioa, Hitzetik Hortzeran
2020/09/24Bazenekien arrain saltzaileen inprobisazio lehiaketak antolatu zituztela duela 90 urte Donostian eta Bilbon? Aztarna horri jarraika joango gara Bilbotik Santurtzira, eta hango azken sardina saltzailea ezagutuko dugu, Begoña Martinez Agirre, Xabi Payaren eta Carlos Glariaren azalpenez lagunduta. Aste honetan igandean izango da Hitzetik Hortzera: 15:00etan, ETB1en.
Joxe Mari Iparragirre gogoan, Hitzetik Hortzeran
2020/09/17200 urte igaro dira Joxe Mari Iparragirreren jaiotzatik. Poeta, bertsolaria, musikaria, erbesteratua, bohemioa... dagoeneko mito bilakatu den gizon honen bizitzaz arituko gara bere bi estatua famatuenen aldamenean: Urretxun, Maialen Akizurekin; eta Onintza Enbeitarekin, Gernikan. Larunbatean, 21:00etan, ETB1en.
Plaza berri baten bueltan, Hitzetik Hortzera
2020/09/10Denboraldi berriaren hasiera plazarentzako garai arraroan dator. COVID-19ak bertsolaritza ere gogor astindu du; horregatik, orain arte bizitakoak eta bizitakoari buruzko bertsolarien hausnarketak ekarriko ditugu lehenengo saiora. Badator Hitzetik Hortzera: orain, larunbatetan, 21:00etan.
Irailaren 12an itzuliko da Hitzetik Hortzera, ordutegi berrian
2020/09/03Denboraldi hasieran behinik behin, larunbatetan eskainiko da bertsolaritza programa, 21:00etatik aurrera.
Amets Arzallusek Txapelketa Nagusia irabazi zuenekoa, igandean
2020/06/182013ko Bertsolari Txapelketa Nagusiko finalaren ondotik osatutako Hitzetik Hortzera berezia eskainiko dugu asteburu honetan, ETB1en.
Xabier Amurizaren ibilbidea, igandean
2020/06/12Andoni Egañak Xabier Amuriza elkarrizketatu zuenekoa berreskuratuko dugu asteburu honetan: Etxanon egindako haurtzaroa, seminarioko garaiak, plazetako bidea… hamaika kontu izan zituzten hizpide Hortzera berezi honetan. Igandean, 15:00etan, ETB1en.
Ahalduntze Bertso Eskolara joango gara igandean
2020/06/04Bost ikasturte daramatza martxan Ahalduntze Bertso Eskolak, bertsolari eta gai-jartzaile emakumeak trebatzeko hilean behin elkartzen den bilguneak. Urte hasieran eskainitako Hitzetik Hortzeran eskola gehiago ezagutzeko aukera izan genuen; igandean berreskuratuko dugu saio hori, 15:00etan, ETB1en.
Andoni Egañak Txapelketa Nagusian egindako ibilbidea, igandean
2020/05/291985etik 2009ra ibilbide oparoa egin zuen txapelketan zarauztarrak. Bide horren inguruan 2013an eskainitako programa berezia berreskuratuko dugu asteburu honetan.
Argentinako eta Kubako inprobisatzaileak bertsolariekin kantuan, igandean
2020/05/21Nazioarteko Inprobisatzaileen Bira egin genuen 2018ko udazkenean, eta bira hura ixteko Donostiako Antzoki Zaharrean egindako emanaldia izango da ikusgai igandean, 15:00etan, ETB1en.
Maialen Lujanbioren bertso ibilbidea, igandean, ETB1en
2020/05/14Amaitu berri den Hitzetik Hortzerako denboraldian egin genuen hernaniarraren inguruko saioa berreskuratuko dugu. Ohi bezala, 15:00etan, Euskal Telebistako lehenean.
Plazako bidaiak, Hitzetik Hortzera berezian
2020/05/07Konfinamendu garaiko bat-bateko bertsoak ekarriko ditu igande honetako saioak, Bertsozale Elkarteak Internetez saioak egiteko martxan jarri dituen "Plaza" eta "Bidaiak" ekimenak medio. Elkarren arteko distantzia zainduta, bertsolariak berriz oholtza berean ikusiko ditugu igandean, 15:00etan, ETB1en.
Txapelketaz txapelketa, igandean
2020/04/301967ko Bertsolari Txapelketa Nagusitik hasi eta 2013kora arte egingo dugu ordubetean. Igandean, 15:00etan, ETB1en.
Historiako emakume bertsolariei buruzko programa, igande honetan
2020/04/23Ordubeteko saio berezia ondu dugu, Hitzetik Hortzerako denboraldian atalka landutakoa programa bakarrera ekarrita. Erreferentzia historikoak eta bertso bilduma jasotzen ditu programa berezi honek. Igandean, 15:00etan, ETB1en.
1986ko txapelketari buruzko programa berezia igandean
2020/04/16Txapelketa hartako bertsoak eta finalisten eta beste hainbat protagonistaren iritziak gogoratuko ditugu. Igandean, 15:00etan, ETB1en.
Bertsoak igande arratsaldetan jarraituko du Euskal Telebistan
2020/04/07Bertsolaritza ikuspegitik erakargarriak diren eta ikusmina pizten duten edukiak eskainiko dira datozen asteetan, Hitzetik Hortzerak utzitako hitzorduan.
Igor Elortzaren ibilbidea, Hitzetik Hortzeran
2020/04/02Denboraldiko azken programan, Igor Elortza bertsolariaren ibilbidea errepasatuko dugu. Durangarrak xehe-xehe kontatu dizkigu bere hastapenak, plazako irakaspenak, txapelketako une gogoangarriak… Makina bat plazatan aritu da eta bertsoaldi esanguratsuen bilduma eskainiko dizuegu. Igandean, 15:00etan, Hitzetik Hortzera ETB1en.
Inaxi Etxabe bertsolariarekin solasean, Hitzetik Hortzeran
2020/03/26Bere etxera gonbidatu gaitu Inaxi Etxabe bertsolariak. Duela 87 urte sortu zen Oikiako baserri batean, eta bere ibilbidean hainbat eta hainbat bertso kantatu eta idatzi izan ditu; baita sariketak irabazi ere. Bestalde, COVID-19ak bertso plaza geldiarazi duenez, urteko bertsoaldien bilduma eskainiko dizuegu, bertso berriagoen faltan. Igandean, 15:00etan, Hitzetik Hortzera ETB1en.