Albisteak
Xabier Terrerosek irabazi du Etxarri Aranazko finalaurrekoa, eta zuzenean sailkatu da finalera
2019/03/09Martxoaren 23an Iruñeko Anaitasuna kiroldegian jokatuko den finalerako txartela lortu du Lesakako bertsolariak, Etxarri Aranatzen gaur izandako finalaurrekoan 360,5 puntu eskuratu eta saioa irabazi ostean. Herriko Kultur Etxean bildu dira 200 entzule inguru, saioa bertatik bertara jarraitzeko.
Bertso Udalekuetako izen-ematea abiatuko da astelehenean
2019/03/07Bost txanda izango dira aukeran. Muxikako txanda bertan behera geratu da eta Elgoibarko Aubixa aterpetxean egingo da haren ordezkoa. 10:00etan hasiko da izen-ematea eta bertso eskolako kide direnek edota gurasoetako bat Bertsozale Elkarteko bazkide dutenek eman ahal izango dute izena lehen epe honetan.
Mahai bueltako bertso jarduna, igandeko Hitzetik Hortzeran
2019/03/07Otorduen aitzakia oso baliagarria zaigu elkartzeko, eta bertsolaritzak berak ere askotan baliatu izan du egokiera hori. Gastronomia izango du bertsoak lagun aste honetako programan, eta, horretarako, bien arteko tandema inork baino hobeto ezagutzen duen Agin Laburu bertsolaria elkarrizketatuko dugu Ipintza sagardotegian.
Asteburu honetan jokatuko dira azken bi finalaurrekoak, Etxarri Aranatzen eta Lesakan
2019/03/07Bi saioetako irabazleek zuzenean eskuratuko dute martxoaren 23ko finalerako postua. Igandean bertan osatuko da finalisten zerrenda, Lesakako saioa bukatu eta batera.
Legution jokatuko da Arabako Bertsolari Txapelketako 1.finalerdia
2019/03/07Larunbat honetan jokatuko da Txapelketako 1.finalerdia Legution.
Gipuzkoako bertso-eskoletako gazteen egonaldia Lasturren egingo da
2019/03/05Gipuzkoako bertso-eskoletako gazteentzat egonaldirako izen ematea zabalik dago
Eneko Lazkozek irabazi du Atarrabiako finalaurrekoa, eta zuzenean sailkatu da finalera
2019/03/03Martxoaren 23an Iruñeko Anaitasuna kiroldegian jokatuko den finalerako txartela lortu du Etxarri Aranazko bertsolariak, Atarrabian gaur izandako finalaurrekoan 399 puntu bildu eta saioa irabazi ostean. 250 bertsozale inguru elkartu dira herriko Kultur Etxean, saioa bertatik bertara jarraitzeko.
Historiako emakume bertsolarien pausoei jarraika, Hitzetik Hortzeran
2019/02/28Igandeko programan historiako emakume bertsolarien pausoei jarraituko diegu. Leku publiko askotan kantatu zutela ikusiko dugu, baita txapelketak irabazi ere. Alaia Martinek eta Oihana Iguaranek emango digute orduko bertsolari haien berri. Bertsoaldiak ez dira faltako.
Astelehenean amaituko da hezitzaileen izen-ematea
2019/02/28Bertso Udalekuetan begirale, zuzendari edo sukaldari lanetan aritu zein begirale praktikak egin nahi dituztenek telefonoz edo Bertsozale Elkartearen webgunean eman beharko dute izena.
Atarrabian jokatuko da txapelketako lehen finalaurrekoa, igandean
2019/02/27Irabazlea zuzenean sailkatuko da martxoaren 23ko finalera. Zortzi bertsolari izango dira finalean, finalaurrekoetan ariko diren 18tatik.
