VIII. BEE - Zumaia (2012)

2012ko Bertso Eskolen Eguna Zumaian ospatu zen, maiatzaren 6an, igandearekin. Egun osoan eguraldia lagun izan zen.

bertso_eskolen_eguna_b.jpg

Egitaraua:

  • 10:30ean, Zumaiako plazan batu.
  • 10:45ean, lip-duba grabatzeari ekin.
  • 13:30ean, bazkaria, norberak etxetik ekarria. Ondoren, Jon Urbieta DJ zumaiarra.
  • 16:00etan, bertso trama Josu Goikoetxea, Beñat Gaztelumendi, Maialen Lujanbio, Jon Maia eta Aitor Sarriegiren eskutik (Maria eta Jose ikastetxeko aretoan). Ekitaldiaren amaieran, goizean grabatutako bideoa ikusi genuen.
  • 18:00etan, agurra.

300 haur inguru batu ziren Zumaian ospatu zen Gipuzkoako Bertso Eskolen VIII. Egunean. Goizeko hamarretarako, Eusebio Gurrutxaga plazan kolore gorria nagusitu zen, gorria izan baitzen 2012ko kamisetaren kolorea, olagarro baten irudia daramana. Lehen unetik, giro ederrean joan zen Bertso Eskolen Eguna. Lipduba grabatzea izan genuen lehen egitekoa. Taldetan banatu ziren haurrak eta gaztetxoak Zumaiako kaleetan, eta aldez aurretik propio prestatuta zekarten abesti bat dantzatzeari ekin zioten. Talde bakoitzak bere koreografia prestatu zuen, ondoren kamera iristean gauzatu zutena. Bapo bazkaldu ondoren, Jon Urbieta DJak dantzan jarri zituen hainbat neska-mutil. Arratsaldeko lauretan, Maria eta Jose ikastetxean batu ginen Josu Goikoetxeka gidatutako bertso trama entzuteko. Maialen Lujanbio, Jon Maia, Beñat Gaztelumendi eta Aitor Sarriegi aritu ziren bertsotan. Saio bizia eta umoretsua izan zen.

Eguna baino lehen ere izan zen zer prestatua. Gipuzkoako Bertsozale Elkarteko Transmisio Sailak Ze esatek taldearen abesti bati hitzak aldatu zizkion, eta ondoren Urnietako bertso eskolako neskekin grabatu zuten abestia Villabonako Subijana etxean dagoen grabazio estudioan.

Agenda

2019-05-19 Errezil Txapelketa

Gipuzkoa Bertsotan. Sailkapen saioa

2019-05-19 Legorreta Txapelketa

Gipuzkoa Bertsotan. Sailkapen saioa

2019-05-19 Hernani Jaialdia

Bertso-trans-saioa

2019-05-22 Tolosa Berezia

"Jakinduriek mundue erreko dau" #bertsozientzia emanaldia

Agenda osoa

BDB gaur

2012-05-19 Urretxu

Igor Elortza, Unai Iturriaga

I. Elortza

Garai batean hogei zerbeza
hustutzen genituen maiz
orain oroitu bakarrik eta
ja mozkortu egiten naiz. 

Glu, glu, glu, glu.

U. Iturriaga

Bai Igorrek ta baita nik ere
bina alaba ditugu
pitxerrak ahaztu ta orain alabek
eiten digute glu glu glu.

Glu, glu, glu, glu.

I. Elortza

Baina orduan bai kriston parrandak
guk egiten genituen
ta gogoan dut biharamunean
buruak nola eiten zuen.

Glu, glu, glu, glu.

U. Iturriaga

A ze egoera kaskar txarrean
gauden bi adiskideak!
Eskerrak Jonek eiten dituen
zureak eta nireak! 

Glu, glu, glu, glu.

I. Elortza

Baina orain ere irtetzen gara
fakultaderik ez sobra
hiru zurito hartzen ditugu
ta hor hasten da motorra.

Glu, glu, glu, glu.

U. Iturriaga

Garai batean hasten bai baina
amaitzen ezin zan jakin
konbertsazio hoixe euki nuen
justu nik ertzain batekin. (bis)

Glu, glu, glu, glu.

I. Elortza

Baina orain ere bizitza ospatzen 
Unai behar dugu jakin
gaur gauez topa egingo dugu
alaben biberoiekin.

Glu, glu, glu, glu.

U. Iturriaga

Behintzat mozkortu gura baduzu
ez zaite heldu nire bila
utzi nituen kotxe bat eta 
belauna ta orkatila.

Glu, glu, glu, glu.

I. Elortza

Zahartu gara igual bai baina
honetan pakean gaude
mundu honetatik ez gara joango
parrandarik egin gabe.

Glu, glu, glu, glu.

U. Iturriaga

Umeak beti ez dira ume
ta etxea ez da iglu
egun batean bueltauko gara
guk hori ondo dakiglu. 

Glu, glu, glu, glu.

Etxamendi, Manex

Jaio 1873-05-19

21 urterekin Ameriketara joan zen, Wyoming eskualdera. Hango oihanetan aritu zen lanean anaia batekin. Geroxago, Manexek Nevadara jo zuen han artzain izateko. 1899 urtean itzuli zen Ezterenzubira, ait...

Imaz, Manuel Antonio "Altzoko Imaz"

Jaio 1881-05-19

"Manuel Antonio Imaz Garaialde, Gipuzkoako Altzo herrian, Legarre baserrian bizi izan zen. Ezkondu zen urtean, 1836an, pago landare bat aldatu zuen eta geroztik izugarrizko arretaz kontu egin zion. Ge...

Eguna pasa nekean eta

Doinua noski ez dabil berdin iturri desberdin horietan, askotan ohi den eran. Merezi du konparaketak egitea beste kasu guztietan bezala. Askotan ez da erreza jaso duzun doinua zein aldakitan jarri. Neri behintzat hala gertatu zait doinu honekin ere. Hainbeste bide zidor daude norabide berdinerako ! Xenpelarren bertsuok (asko aldatuak) Andre Madalen doinuan datoz Senpereko kantu xaharrak liburuan 56 orrian. Arantzazuko kanta zaharretan ere doinu joku ugari egiten ditu Ai artzaitxoa izeneko erromantzea kantatzerakoan edo Ipiñeburu leku altuan izenekoan ere bai.