VII. BEE - Legazpi (2011)

Gipuzkoako Bertso Eskolen VII. Eguna 2011ko apirilaren 10ean ospatu zen, Legazpin (Goierri). Aurrez, gure trenak geldialdia egina zuen Villabonan (Tolosaldea), Oiartzunen (Oarsoaldea), Oñatin (Debagoiena), Usurbilen (Buruntzaldea), Azkoitian (Urola-Kosta) eta Eibarren (Debarrena).

DSC_0296.JPG

Helburua, urtero bezala, Gipuzkoako Bertso Eskolen arteko harremanak sendotzea eta elkar ezagutzea izan zen. Era berean, urtean zehar egiten den lana ere gogoratu nahi izan genuen egun horretan.

Egunaren antolaketa lanetan herriko hainbat taldek egin zuten bat Gipuzkoako Bertsozale Elkartearekin: Legazpiko Bertso Olariak, Legazpiko Batukada, Goiz-Deia txistulari taldea, Sustraiak dantza taldea, Korosti dantza taldea, Doinua musika eskola eta Legazpiko trikitilari gazteak.

Gipuzkoa osoan ,110 bertso eskola inguru daude, eta haietatik 71 haurren bertso eskolak dira. Gutxi gorabehera, bertso eskolen erdiek hartu zuten parte ospakizunean. Guztira, 400 haur eta gaztetxo elkartu ziren Legazpin.

Egun osoko jaia izan zen Legazpin apirilaren 10ean. Eguraldia ez zen lagun izan eta ekitaldi gehienak estalpean egin ziren. Goizeko 10:30ean iritsi ziren Gipuzkoako txoko guztietako haur eta gaztetxoak, eta Bertso Eskolen Egunerako diseinatutako nikiak banatu ziren. Ondoren, taldeko argazkia atera zen Legazpiko plazan. Korosti eta Sustraiak dantza taldeek ongietorriko aurreskua dantzatu zuten.

11:15 aldera taldeko jolasari ekin genion. Parte hartzaileak bi zirkuitutan banatu ziren, eta bakoitzean zazpi jolas zeuden.

Ondoren, kalejira egin genuen Legazpiko kaleetan. Bidean, lagun izan genituen Legazpiko Batukada, Doinua Musika Eskola eta Legazpiko Bertso Olariak.

13:30ean bazkaldu genuen, eta, ondoren, zezenak eta ponyeak izan genituen Legazpiko plazan, Legazpiko trikitilari gazteek alaituta.

Arratsaldean, berriz, ikuskizuna izan zen Legazpiko Urbeltz pilotalekuan. Mikel Pagadi eta Jon Iraolaren gidaritzapean, Korosti eta Sustraiak dantza taldeen saioa izan genuen, eta bertsolari adituen naiz hasiberrien saioak ere izan ziren.

18:00 aldera amaitu zen Bertso Eskolen VII. Eguna, eta hurrengo urtera arte agurtu ginen.

Agenda

2019-09-21 Urretxu Berezia

"Errimak bi oinetan" emanaldia. Bertsoa oinarri duen dantza ikuskizuna

2019-09-21 Ordizia Txapelketa

Gipuzkoako Bertsolari Txapelketa. Final-zortzirenak

2019-09-21 Aizarnazabal Jaialdia

Sanmielak. Bertso jaialdia

2019-09-22 Zumaia Txapelketa

Gipuzkoako Bertsolari Txapelketa. Final-zortzirenak

Agenda osoa

BDB gaur

2016-07-30 Algorta

Amets Arzallus, Arrate Illaro Etxebarria, Sebastian Lizaso, Iker Zubeldia

S. Lizaso
Bertsolaria saio denetan
ahalegintzen da benetan
urtean zehar eta udaran
haseran buruhaustetan
ta sentimendu bikoitza ohi da
sarri herriko festetan:
osagarriak gera batzutan
betegarriak bestetan. (bis)

A.Illaro
Baina festetan gauza politak
izaten dira gehienak
nik estimatzen ditut aurrean
izaten ditugun denak
baina badira pertsona batzuk
nire ustetan onenak
kriston ajea izanda ere
huts egiten ez dutenak. (bis)

I. Zubeldia
Etxetik irten goizean eta
abitzen naiz tirri-tarra
badakizue bizimodu hau
degula golfo xamarra.
Igo oholtzara eta agurra
hor sortzen da zoritxarra
bertsoarekin nahiko lan ez ta
mikroai heldu beharra. (bis)

A. Arzallus 
Eta batzutan tonbolaren  bat
panpin eta erregali
beste batzutan petardo batzuk
haur batzuk goruntz bidali.
Bertsolariak isiltasuna
nahi du bertsotan irauli
isiltasunik ez dagonean
ezin da ezer itzuli. (bis)

S. Lizaso
Gaur bezelaxe nunahitan ohi da
entzule talde fidela
beste batzuek gelditzen dira
paseatzen doazela.
Nahiz eta ohartu gure esanik
ulertzen ez digutela
guri begira gelditzen dira
hontza trenari bezela. (bis)

A.Illaro
Joan eta inork ez entzutea
badakit zer den ondo nik
eta badakit nor egoten den
sarri egin barik lorik.
Lehenengo rondan gauza onik nik
ez dut ez entzun askorik
baina Algortan ez da izaten
kexatzeko motiborik. (bis)

I. Zubeldia
Gauza txarrak dauzka ta gauza onak
nola bata ta bestea
dena ez degu beti alaia
ta dana ez da tristea
ez da erreza errepidean
honuntzaino iristea
baina ederra da etorri ta zai
zaudetela ikustea. (bis)

A. Arzallus 
Festa giroak arretarekin
badu arazo sakona
kolapsatuta daude gainera
Bilbo, Donosti, Baiona
aipatu dugu paseokoen
geldirik ezin egona.
Hainbeste gauz txar ta gu bertsotan
zerbait badu oso ona. (bis)

Lekuona, Manuel

Hil 1987-07-30

Baliarrainen eman zien hasiera apaizbideko ikasketei (1904). Gasteizko apaizgaitegian burutu zituen bere ikasketak 1915ean. 1916an eman zuen meza berria. Gasteizko Apaizgaitegiko euskara irakaslea iz...

Zabaleta Lekuona, Juan (1894-1950)

Hil 1950-07-30

Monika Galarragarekin 1922an ezkondua. Eskolan bi urte besterik ez zituen egin, baina ikasteko izugarrizko gogoa ekarri zuen txikitandik. Mahaian ere irakurtzen jarduten zen. Belar-txortenak hautsi e...

Maitatua sobera I / Uharte jauregia I

Bertso hauek UMORE EDERRIAN izeneko doinuan ere kantatu izan dira Ikus. Mariya 31; Unatua heldu naiz¿dakar izenburu Pedro Joan Etxamendi luzaidetarrak Auspoa 288 doinu bildukako 60 garrenean.