V. BEE - Azkoitia (2009)

Bosgarren aldiz ospatu zen Apirilaren 26an Azkoitian, Gipuzkoako bertso eskolen eguna. 250 haur inguru batu ziren Azkoitiko kaleetan euripean, baina giro ederrean.

Denak 2.jpg

Goizean, jolasak izan genituen. Jinkana antolatu genuen, haurrek, Markoxen txerria aurkitu behar zuten kaleetan zehar. Hara eta hona ibili ziren, herritarren parte hartzea lagungarri izan zutelarik, bat baino gehiagori igande goiza alaituz.

Bazkaldu ondoren, poniak eta txahalak arduratu ziren haur eta helduak gozarazten. Jolasak egin genituen berriz ere Azkoitiko Oteizaren frontoien azalera aprobetxatuz.

Arratsalde partean, bostak aldera, Baztartxo antzokian, Bertso eskoba antzezlan ikusgarriaz gozatzeko aukera izan genuen. Tartean izan ziren Porrotx, Ramon Agirre, Andoni Egaña… Algara eta txalo zaparradak jotzera behartu gintuzten partaideen ateraldi ezberdinek. Arratsaldeko 6ak aldera bukaera eman genion egun lainotsu baina entretenigarriari.

Berriz ere, motibazio izugarriz bertso eskolen 6.egunari heltzeko ilusioz gelditu ginen.

Agenda

2017-11-21 Errenteria Berezia

"Adin adin" egitasmoa. Bertso tailerra

2017-11-22 Usurbil Berezia

"Adin adin" egitasmoa. Bertso tailerra

2017-11-22 Azpeitia Berezia

Erradikalak gara. Bertsoa eta bakarrizketa

2017-11-23 Donostia Plaza librea

Sinnergiak. Bertsolariak

2017-11-24 Zestoa Berezia

"Adin adin" egitasmoa. Bertso tailerra

Agenda osoa

BDB gaur

2004-11-19 Donostia

Amaia Agirre, Andoni Egaña, Jon Martin, Aitor Mendiluze

A. Agirre:
Ni neu katu zolia
ez da berriketa
nunahi nabil xirikan
eta ezin neka
azkazalak zorroztu
berri dauzkat eta. (bis)

A. Mendiluze:
Konturatu al zera
zakurra naizela?
Ta nerekin daukazu
arrisku itzela
azkazalak dauzkazu
nik hortzak bezela. (bis)

A. Egaña:
Ta nere desgrazia
oraintsu hasten da
hortxe ibiltzen bainaiz
ni ezin irtenda
ordenagailu bati
lotu ninduten-da. (bis)

J. Martin:
Katu eta txakurra
bikote itzela
xagua're hor dago
galduta bezela...
neri iruditzen zait
txoria naizela. (bis)

A. Agirre:
Nik biak jango ditut
ondo badakizu
ta atzetik zerorrek
ni jaten banauzu
digestioa egiten
kosta behar zaizu. (bis)

A. Mendiluze:
Hainbeste digestio
hainbeste histori...
ez zaiozu sinistu
katu, edonori
txakurrek dena jaten
duteneko hori. (bis)

A. Egaña:
Ba xagu gizajoa
ez dago hain lasai
aurreko pantaila hortan
aspaldi hontan ai!
Gaztaik ez dute jartzen
eta sagarrak bai. (bis)

J. Martin:
Jan nahi nauten kontuak
neri zenbat grazi!
Hemen hiruretatik
dakidala kasi
inorrek ez du hegan
egiten ikasi. (bis)

A. Agirre:
Nahiz ta mintzatu zeran
txori oso errez
kaiolan edo libre
hautatu mesedez
nik erabakitzeko
jan edota jan ez. (bis)

A. Mendiluze:
Baina ze txori mota
ote dago hemen?
Inork daki tarina
edo okila den?
Xagu, inoiz kantari
entzun al zenuen? (bis)

A. Egaña:
Nik nagusia daukat
maiz aldamenean
ehun metro egin nitun
aidez zuzenean
pantaila bapatean
itzali zenean. (bis)

J. Martin:
Animaliei atera
nahi aina etekin
nahiko nahastuta nabil
ordutegiekin
sarri nahasten naute
saguzar batekin. (bis)

A. Agirre:
Begirada joan zait
xaguan atzera.
Sinistu nahi det baina
posible ote da?
bi metroko isatsa
disko gogorrera. (bis)

A. Mendiluze:
Ni nagusiarekin
nago amorruan
horri antzeman diot
lehenengo orruan:
oilar bat jarri dute
kaiola barruan. (bis)

A. Egaña:
Katua ote dabil
xaguakin bero?
Nik huts egiterikan
ez zazu espero
azpiko bola goxo
igurtzi ezkero. (bis)

J. Martin:
Xaguari beiratu
diot berehala:
bi metroko buztana
omen du, aibala!
Horrek esan nahiko du
metrosexuala. (bis)

A. Agirre:
Barka xagua zabiltz
bastante aldrebes
bola ikutzen ez naiz
hasiko hain errez
birusa sartu'iozu
baina katuai ez. (bis)

A. Mendiluze:
Uste det neuk ipini
behar det bakea
hobe belarrondoan
denei ematea
eta hauek utzi ta
pentsutik jatea. (bis)

A. Egaña:
Zerbait kontatzea're
nunbait komeni zan
denok kontatu degu
hitzekoak izan...
txori kantatu zerbait
despedida gisan. (bis)

J. Martin:
Kantatu beharko dut
agurra propio;
berak eskatu dit ta
ze erremedio!
Hau bukatzera doa
guztiei apio. (bis)

Mitxelena, Manuel Jose "Eperra"

Hil 1906-11-19

Maria Gabriela Bengoetxea Arzak-ekin ezkondua (1851) "Eperra agure zar bat zan, bañan ijito-planta alakoa. Zakur batekin eskean ibiltzen zan. Emen, Errenterian, askotan izaten zan. Aiendola baserria a...

Egun on Euskal Herria

Unai Iturriagak bost aldiz erabili du 2005eko Txapelketa Nagusian. Finaleko agurrean kantatu zuen bertso hau.