Gipuzkoa

IX. BEE - Pasai Donibane (2013)

Lehenengo aldiz, bertso eskolen bi egun antolatu ziren 2013an. Bata, 14 urtetik gorakoentzat; eta bestea, gazteagoentzat. Orain artean, denentzat egun bakar bat antolatzen zen, baina haurrentzat antolatutakoa ez zen beti ondo doitzen gaztetxoen beharretara. Horregatik, eskaintza berezitua prestatu zen hain haurrak ez zirenentzat, eta 14 urtetik gorakoak Segurako aterpetxean elkartu ziren asteburu pasa, otsailaren 16 eta 17an.

5007dd37-05cd-4632-a316-2cd7fb7c89fd.jpg

Arrosaz tindatu zen Pasai Donibane, hori izan baitzen kamisetentzat hautatutako kolorea.

Festa giroarekin batera, kamiseta bat diseinatzen da urtero. Juanba Berasategik diseinatu zuen 2013koa. Bide luzea egin duen ilustratzaile sanjuandar horrek karramarroa hautatu zuen egunaren sinbolo moduan. Karramarroak atzeraka ibiltzen direnez, eta bertsoaren sortze prozesua ere atzekoz aurrerakoa denez, egokia zen sinboloa oso.

Egitaraua

Itsasoa izan zuen gai nagusi 2013ko bilkurak, eta goizetik arratsalderainoko egitarau oparoa antolatu genuen. Eguraldiaren iragarpena ona ez izan arren, eguraldi txukuna izan genuen azkenean.

  • 10:30ean iritsi ziren haurrak Pasai San Pedrora, eta txalupaz pasatu zire Pasai Donibanera. Han, eguneko kamisetak banatu ziren.
  • 10:45ean taldeko argazkia atera, eta, zanpantzarrekin batera, ibilaldia egin genuen herriko kaleetan.
  • 11:00etan, goizeko saioa izan zen. Lur Korta ipuin kontalariak itsasoari buruzko ipuinak kontatu zizkien haurrei, eta bertsolari gazteek (Paul Beitia, Beñat Azaldegi eta Jon Gurrutxaga) bertso musikatuak kantatu zituzten. Gipuzkoako bertso eskoletan osatutako bertsoei ahotsa eta musika jarri zieten.
  • 13:00etan, Bazkaria
  • 14:00etan, piraten jinkana. Haurrek, mapa bati jarraituz, hainbat proba egin behar izan zituzten.
  • 17:00etan itzuli ginen denak etxera.

300 haur inguru batu ziren Pasaian ospatu zen Gipuzkoako Bertso Eskolen IX. Egunean. Goizeko hamarretarako iritsi ziren autobusak Pasai San Pedrora. Autobusetatik jaitsi, taldetan banatu, eta kaira gerturatu ziren bertako motora hartu eta Donibanera iristeko.

Herriko plazan elkartu ginen, eta bertan banatu zitzaien egun horretarako egindako kamiseta bana. Ondoren, herriko bertso eskolak prestatutako ongietorria egin ziguten. Gerturatutako guztiei Agurra dantzatu zien herriko neska gazte batek.

Udaletxe zaharreko balkoitik, bertso eskolako gazte batek bertso bat bota zuen, eta, ondoren, zanpantzarrekin batera, zinema zaharreko aretora abiatu ginen herria zeharkatuz.

Lur Korta ipuin kontalariak, “Carmen” arrantzalearen emaztea  ipuina kontatu zien haurrei, eta ipuinaren inguruan Gipuzkoako bertso eskoletan osatutako bertsoei ahotsa eta musika jarri zieten Paul Beitia, Beñat Azaldegi eta Jon Gurrutxaga bertsolari gazteek.

Ekitaldi hori amaitu zenean, berriro denak plazan elkartu ginen, eta bertan elkarrekin bazkaldu genuen, bakoitzak etxetik ekarritako ogitartekoa.

Eguerdiko 14:00etan hasi genuen piraten jinka jolasa. Haurrek, mapa bati jarraituz, zenbait proba egin behar izan zituzten herriko hainbat puntutan.

Agenda

2018-05-27 Donostia Sariketa

XVI. Orixe Saria. Bazkaria eta bertso saioa

2018-06-02 Beasain Lagun-artekoa

Elkartasun eguna: bertso-bazkaria

2018-06-03 Azkoitia Plaza librea

Aittolako jaiak. Bertsolariak

2018-06-03 Gabiria Jaialdia

Loiolako auzipetuen aldeko bertso jaialdia

Agenda osoa

BDB gaur

1989-05-27 Oiartzun

Joxe Lizaso, Mikel Mendizabal

J. Lizaso
Galdera hori egin didazu
o(r)ain Mendizabal gaztea,
kontu hoietan ari dirade
hemen bata ta bestea
aitondu naiz ta ez zait komeni
neri jokoan hastea,
nik pentsatu det nere lekua
gaztetxoari uztea.
Mendizabal
Zeure denboran bertso ederra
izan dezu errezena,
oraindik ere bete-betea
dago zure almazena,
ta txapelketara joatea
litzake gauza zuzena,
semearekin ez bai dago ziur
Lizasoren abizena.
J. Lizaso
Berrogei urte paseak ditut
herri batetik bestera,
oraindik ez naiz mututu baina
laister nijua uztera,
semeak ere txapel bikaina
ekarri zigun etxera,
orain zertako joan behar det
semea endredatzera.
Mendizabal
Txapelketako lantegi hori
utzia dezu erabat,
hirurogeitabi urte eta
horregatikan batipat,
baina hala (e)re joango bazina
jardungo zinan zirt (e)ta zart,
estimatzeko gauza genduke
errespetozko gizon bat.
J. Lizaso
Txapelketatik aparte dabil
Lizasoren historian,
azkenerako nora joko zun
hasieratik banekian,
aitona zaharra nolakoa dan
ba(da)kite Euskal Herrian,
oraindik ere botatzen ditut
ni maite nauten tokian.
Mendizabal
Zeure denboran izandu zera
sendoa eta trebea,
eta lanari aurre egiteko
kupirarikan gabea,
naiz ta pixka bat zimeldua dan
zure sasoiko lorea,
bertsotarako oraintxe zaude
sekula baino hobea.

Aizazu Suantxa I

Oiartzungo Suantxa, beste herri askotan Juantxo edota Santxo ageri da bertso berdinean. Ikus Ai zazu Suantxa izeneko beste lau doinuak.