IV. BEE - Usurbil (2008)

Gipuzkoako Bertsozale Elkarteak eta Gipuzkoako Bertso Eskolen Sareak antolatuta, eta Foru Aldundiak, Kutxak eta Usurbilgo udalak lagunduta, Gipuzkoako Bertso Eskolen IV. Eguna ospatu genuen bi mila zortziko apirilaren hogeian, Usurbilen. Giro ederrean joan zen eguna.

01.jpg

Goizeko 10:30tan bildu ziren Gipuzkoa osoko Bertso Eskoletako neska mutilak, arduradunak eta irakasleak Usurbilgo frontoian. Guztira 300 lagun inguru elkartu ziren.

Usurbilgo frontoian bildu orduko, Gipuzkoako Bertso Eskolen Eguneko kamisetak banatu zitzaizkien Gipuzkoako Bertsolari Txapelketako DVDarekin batera. Ondoren goizeko jolasei hasiera eman zitzaien. Batetik Gipuzkoako Bertso Eskolen Sareko lan taldeak antolatutako Ginkana jolasean murgildu ziren hamalau urtetik beherakoak, eta bestetik, Xiba elkartearen eskutik antolatutako herri kiroletan hartu zuten parte hamalau urtetik gorakoek.

Usurbilgo frontoian denok elkarrekin bazkaldu ondoren, denbora librea izan zuten, baina nahi zutenek, Oskar Estangaren kantaldia izan zuten aukeran. Beste zenbait kirol eta jolas egiteko aukera ere izan zuten, esku pilota, mahai jokoak, tertulia... Ondoren arratsaldeko saioei hasiera eman zitzaien.

Hamalau urtetik beherakoek, Kike Amonarrizek gidatutako bertso trama berezi batean gozatzeko parada izan zuten. Jon Maia eta Uxue Alberdi izan ziren bertsolariak eta Unai Gaztelumendik marrazkiak inprobisatu zituen bertsolariekin batera. Hamalau urtetik gorakoek aldiz, Gu Ta Gutarrak taldearen kontzertuan hartu zuten parte. Bi ekitaldiak arrakastatsuak izan ziren, ikus-entzulez lepo egon ziren bi aretoak (Sutegi eta ikastolako areto nagusia) eta balorazio oso onak jaso ditugu parte hartzaileen eskutik.

Egun eder bat igaro ostean, 17:30ak  aldera autobusak iritsi ziren eta bakoitza bere etxera abiatu zen.

Agenda

2017-11-21 Errenteria Berezia

"Adin adin" egitasmoa. Bertso tailerra

2017-11-22 Usurbil Berezia

"Adin adin" egitasmoa. Bertso tailerra

2017-11-22 Azpeitia Berezia

Erradikalak gara. Bertsoa eta bakarrizketa

2017-11-23 Donostia Plaza librea

Sinnergiak. Bertsolariak

Agenda osoa

BDB gaur

1982-11-21 Gernika-Lumo

Imanol Lazkano, Jon Lopategi, Jon Mugartegi

Lazkano: Gauzak bigurri zijoazten ta
azkena gendun jakina
hau izandu da krisis gaiztoak
ekarri dun eragina
hustu didate nere fabrika
eman didate makina
lehen diferentzi pixka bat bazan
orain biona berdina.

J. Lopategi: Gu langileok plako gabiltza
eta nagusia mardo
holako zerbait gerta leikeela
pentsatzen nengon lehenago
beti zintzo ta fin lan egin det
badut hortan nahiko grado
ni lanerako gertu naiz baina
nere makina nun dago?

Mugartegi: Nere barrenak sentitutzen du
orain une berezia
ta biontzako eman nahi nuke
erabagi berezia
hemen aitortu beharra daukat
neure begiz ikusia
biak nagiak dirade hemen
langile ta nagusia.

Lazkano: Hobe genduen makina hori
lehendikan gorde bagendu
hori gaberik gure martxarik
ezin baileike mantendu
hartzeko zale genun bankuak
beti hori egiten du:
eguzkitako aterkia eman
euria danean kendu.

J. Lopategi: Era horretan gure fabrika
ez zitekeen joan gora
nagusi honek beraniatzen
pasatzen baitu denpora
halako baten erreminta hoiek
fabrikatikan kanpora
eta azkenian miseri denak
langilearen lepora.

Mugartegi: Egiak erten beharra zuen
orain edo geruago
nik neure barrena askatu arte
neure onian ez nago
langile txarrak ez ditut maite
eta onak gutxiago
nagusi txarra dagon lekuan
langile onik ez dago.

Lazkano: Ni ere noizbaiten lotu bainintzan
inbiriaren katean
eta burruka egina daukat
hogeita bost bat urtean
azkenik dena gertatua zait
neronentzako kaltean
nere ametsa bukatuko da
miseikordiko atean.

J. Lopategi: Gauza hoiekin komeniko zan
gogoratzea lehen garaiz
nagusi jauna ez da azaltzen
orain itxura hain alaiz
Euskal Herrian holako gauzak
gertatutzen zaizkigu maiz
familitxoa nola haziko det
lan gabe gelditzen banaiz?

Mugartegi: Nik ere hasi beharra daukat
neure egiak aitortzen
holakorikan gertako zanik
hemen ez nuen pentsatzen
orain hasi naiz zuen hutsekin
ni neure kontuak hartzen
gutxienian jakin zazute
alkar errespetatutzen!

Lazkano: Hutsa urteak pasa banitu
guztiz eroso ta lasai!
Egoaldi ona nahi nuen baina
ekaitza zegon nere zai
lehenago lagun ziranak ere
orain jarri zaizkit etsai
herrian ez det zer eginikan
Anbotora noa artzai.

J. Lopategi: Behar bezela ez du eraman
negozio karrusela
ta hona hemen makina bila
beste hau etorri zela
nola batek ta nola besteak
jokaturik edozela
bien artean da langilea
Kristo kurtzean bezela.

Mugartegi: Nik nagusia izaten ditut
errespetuz ta aintzako
lehen ere bihotz ona nendukan
zerbait zuri eskintzeko
baina ez dezu burutasunik
bide hortan ibiltzeko
ta azken orduan diran guztiak
izan dira neretzako.

Lekuona, Mixel

Jaio 1930-11-21

1930eko azaroaren 21ean jaio zen Biriatuko Agerre Bordan, eta Kanboko Arditegia apaizen egoitzan zendu zen 2013ko irailaren 5ean. 1954an apaiztu zen eta Makeako herrian erretore izan zen 1976tik 2003r...

Lertxundi, Joxe Agustin "Errikotxia"

Hil 1932-11-21

Pedro Inazio usurbildarra eta Maria Martina berastegiarra zituen guraso. 8 senide ziren eta bera laugarrena zen. Karlisten gerratean Iparraldera ihes egin zuen familia guztiak. Urruñan bizi izan zire...

Ilun ikarak azken argia

Imanol kantariaren kasetetik transkribatua da doinua.