III. BEE - Oñati (2007)

Gipuzkoako Bertso Eskolen III. Eguna, Oñatin ospatu zen, apirilaren 1ean. Gipuzkoako Bertsozale Elkarteak eta Gipuzkoako bertso eskolek antolatzen duten egun bat da, ikasleek elkar ezagutzeaz gain elkarrekin saio bat ospatu eta herriaren aurrean elkarrekin aritzeko aukera bat izan dezaten.

BEsk eguna 07.jpg

Goizeko 11:00etan Oñatin bildu ziren Gipuzkoa osoko bertso eskoletako 250 haur, gazte, irakasle eta arduradun.
Zortzi gune prestaturik zeuden Oñatiko plazan; besteak beste, aulki jolasak, Iturengo trikitilarak, herri kirolak, txantxa jolasak eta graffiti guneaz gozatzeko aukera izan zuten eta baita egin ere, bertaratu ziren gaztetxoek gunerik gune ibiltzeko parada aprobetxatu baitzuten.

Oñatiko gazte lekuan denak batera bazkaldu ondoren, arratsaldeko ekitaldiari hasiera eman zitzaion: lehenik, Zestoa, Eibar, Asteasu eta Oñatiko bertso eskolek ekitaldi bereziak eskaini zituzten. Ondoren, 14 urtetik gorakoek bertso kalejiraz gozatu zuten Iker Zubeldia eta Iban Urdangarin bertsolariekin eta Iturengo trikitilariekin.

Gazteagoentzat, Oñatiko gazte lekuan, Txan Magoak, eta Andoni
Egaña eta Amaia Agirre bertsolariek eskainitako bertso magia
emanaldia izan zen.

Egun ederra igaro ondoren, arratsaldeko 17:30ean III Bertso
Eskolen Egunari amaiera eman zitzaion.

Egun ederra igaro ondoren, arratsaldeko 17:30ean III Bertso
Eskolen Egunari amaiera eman zitzaion.

Agenda

2019-06-25 Arrasate Jaialdia

Sanjuanak. Bertso sioa

2019-06-27 Zarautz Jaialdia

Sanpelaioak. Bertso saioa

2019-06-28 Donostia Berezia

"Eta... zer gehiago?" ikuskizuna

Agenda osoa

BDB gaur

2014-06-24 Andoain

Amaia Agirre, Iker Zubeldia

A. Agirre 
Gazte garaitan bazan
indar ta beroa
ta gaur berriz bakarrik
a ze endredoa!
Zerbezak ateratzen
momentu geldoa
oaindik bero al dago
zure kaineroa? (bis)

I. Zubeldia
Gozatu dizkidazu 
Amaia belarrik
orain ia ez daukat
lehen nuen indarrik
ibili zeralako 
urruti samarrik
ta ia gelditzen zait
aparra bakarrik. (bis)

A. Agirre
Zer dabil hau brometan
edota benetan?
Urruti ibili arren
gaur naukazu bertan
aparra jetxi zaio
beraz jardun zertan?
Ez naiz galduko zure
zurikerietan. (bis)

I. Zubeldia
Leheno nahikoa gendun
begirada hutsa
baina urte hauetan 
hau da aldakuntza!
Nolako orrazkera
nolako gorputza!
Asko mejorau dezu
ordutik honuntza. (bis)

A. Agirre
Pixka bat argaldu da
nere tripatzarra
ta gaur ligoteoan
gabiltz ttirri-ttarra.
Txapa denak itxita
ta ilunabarra
gaur ere ni naiz zure
bezero bakarra. (bis)

I. Zubeldia
Bueno bakarrik gaude
eta azken finen
igual ein dezakegu
saio bat sprinen
barra gainean edo
kainero eskinen
ia ahaztuta daukat
nola hasten ginen. (bis)

A. Agirre
Beraz hasi behar deu
orain eta hemen
hortarako badezu
behar hainbat kemen.
Galdera egin dezu
“Nola hasten ginen?”
bukatu egiten zendun
hasi baino lehen. (bis)

I. Zubeldia
Esprinista ona naiz
zure aditzera
gauza ez da aldatu
zuritik beltzera:
lehen eoskorra zinen
orain hala zera
pertsiana jetxi ta
banoa etxera. (bis)

Albizturtikan Bidaniraino

Zegama herriko eliz kantua, IRUTXETAKO TONTORREAN izenekoa, D.Venzeslao Maiora apaizak asmatua edo asmaerazitakoa, gero Kaxiano Ibargurenek zertxobait aldatua. Berez 12ko handia da doinu eta bertsoa.