Bilbo | Abenduak 20

Jone auzokidea eta Gorka dendaria zarie. Zuen auzoa inork bizi gura ez dauan auzoa izatetik modako auzo izatera pasau da. Gero eta gitxiago zarie betiko dendak eta auzokideak. Jone, gaur Gorkak esan deutsu alokairuaren prezioa asko igon deutsiela denbora gitxian.

Aitor amama eta Oihana biloba zarie. Aitor, duela hamarkada batzuk Londonera joan behar izan zenduan abortatzera. Gaur Oihana bilobak esan deutsu haurdun dagoala eta ez dakiela haurdunaldiagaz aurrera egin gura daben.

Onintza langilea eta Xabat detektibe pribatua zarie. Onintza, zuk denboratxua daroazu bajan. Gaur jakin dozu lan egiten dozun enpresak Xabat detektibe pribatua kontratatu dauala zu zelatatzeko.

Aitor gurasoa eta Txaber hamabost urteko semea zarie. Aitor, arduratuta zagoz ez dozulako Txaber ondo ikusten. Institututik urten eta haren gelan pasetan dau eguna. Gaur, baimena eskatu deutsozu eta gelan sartu zara beragaz berba egiteko.

Gorka aurten Santomasetara joatea erabaki dozu. Urtero bezala, jendetza dago eta taloa erosteko ia ordubete daroazu ilaran. Aitor ikusi dozu heltzen eta zuzenean joan da barrara, ilara guztia saltatuz.

Oihana eta Jone dantzariak zarie. Bilboko La Salve zubian antolatzen dabeen salto lehiaketa inauguratzeko, hasi aurretik agurra dantzatzeko eskatu deutsue. Plataformatik itsasadarrera 24 metroko altuera dago. Laster hasiko dala eta plataformara igotzeko esan barri deutsue. Estu-estu zagozie; ez dago leku handirik.

Xabat eta Aitor Bizkaiko Txapelketako gaijartzaile taldeko kideak zarie. Xabat, ordu asko emoten dozuz etxean lanean gaiak ondo prestatuta eroateko bilerara, baina Aitorrek beti esaten deutsu ez dabela konbentzitzen eta findu egin beharko zeunkiezala.

Txaber eta Onintza lagunak zarie. Beti izan zarie urruneko herrialdeetara bidaian joan zaleak. Euskal Herria ezagutzen ez dozuela eta, aurton alderik alde zeharkatzeko plana egin dozue. Bidaiaren erdi-aldean harrituta zagozie ze ezezaguna jatzuen etxekoa.

1. Migrazioa dago askoren ahotan 2. Azal kolorea da sarritan problema 3. Arrazakeria be da klase kontua

1. Bizkaia da handia eta da anitza 2. Zer da zentroa eta zer periferia? 3. Leku guztietatik gatoz gaur Bilbora

1. Europa preparetan dabil gerrarako 2. Soldaduska barriro Ipini nahi dabe 3. Arma enpresentzat da horren etekina

1. Pantxoa eta Peio barriz oholtzara 2. Belaunaldi ezberdin askoren musika 3. Kantuz Lepoan hartu ta segi aurrera

1. Faxistak libre dabiz gure kaleetan 2. Herria gai ete da aurre egiteko? 3. Jendarte bat nahi dogu guztion neurrira

1. Guggenheim barik ondo bizi da Urdaibai 2. Balkoietatik kendu geinke banderola 3. Halandabe turista asko inguruan

1. Minbiziak ez dauko kolore larrosa 2. Izan inurrirena da inurri lana 3. Apurtu behar doguz horrenbeste tabu

1. Sarri zama bihurtzen jaku txapelketa 2. Baina badau zeozer gustoko doguna 3. Publikoak eskaintzen deutsue babesa

Jone eta Aitor lagun bi zarie. Zuen kuadrillan datorren astean Euskalgintzaren Kontseiluak deitutako ekitaldian parte hartzeko plana egiten zabizie. Jone, Aitorrek esan deutsu kuadrillakoak ekitaldietara joateko prest egoten dirala beti, baina nekatuta dagoala hizkuntzarekiko daukien jarreragaz.

Gorka eta Oihana politikagintzan aritu zarie azken urteetan. Gorka, zuk kargua itxi barri dozu. Gaur Oihanak esan deutsu enpresa bateko administrazino kontseiluan lana topatzen lagunduko deutsula.

Onintza eta Aitor lagunak zarie. Orain dala urte batzuk zuen lagun bat hil zan Pirinioetan. Onintza, gaur Aitorrek proposatu deutsu zuen laguna hil zan mendi hori bera igotea, haren omenez.

Xabat eta Txaber, jaiotza erraldoia atondu dabe gabonetan zuen herrian eta kuriositatez hurbildu zarie gaur. Xabat, hara heldutakoan triste ikusi dozu Txaber. Esan deutsu ez dauala pentsau be egin gura zelan bizi diran gaur egun Bethlemen eta inguruetan.

Jone, Gernikako bonbardaketako biktima zara. Gaur Gernikara etorri da Alemaniako presidentea, besteak beste, egindakoagatik barkamena eskatzera. Oraingoan bere ez zaitue gonbidatu.

Gorka, zuen gurasoek laguntza behar dabe. Neba-arrebek esan deutsue umerik ez daukozunez zuk hartu beharko zeunkela gurasoen ardura.

Aitor, bizitza osoa emon dozu itsasoan beharrean. Gaur zure alabak esan deutsu berak be(re) ogibide hori izan gura dauala.

Oihana, aktorea zara. Hilabete honetan ez dozu emanaldirik egin eta laurehun eurogaz egin behar izan dozu hilabetea.

Onintza, adinean aurrera zoaz eta gero eta gehiago kostetan jatzu zure gorputzaren aldaketak onartzea.

Xabat, unibertsitateko ikaslea zara. Sare sozialei begira zagozala, euretako batean zure irakasle batek idatzitako mezu transfobo bat ikusi dozu. Profilean sartu eta halako gehiago daukozala ikusi dozu.

Aitor, familia aberats batean jaio eta hezi zara. Gaur herentziari uko egitea erabaki dozu.

Txaber, hogei urtegaz atxilotu zinduezan. Bost egun emon zenduzan komisaldegian eta torturak salatu zenduzan bertatik urtendakoan. Oraindik bere igarten dozuz horrek fisikoki eta psikologikoki itxitako ondorioak.

Aitor eta Onintza Bizkaiko Bertsolari Txapelketako finalistak zarie. Aurten, Bizkaiko Bertsozale Elkarteak, oholtza gaineko elkarren arteko konfiantza, zaintza eta segurtasuna bultzatzeko, mintegi bat antolatu dau finalistakaz. Dinamizatzaileak binaka jartzeko eskatu deutsue, konfiantza lantzeko ariketa bat egiteko. Zuei, batera tokatu jatzue. Aitor, dinamizatzaileak azaldu deutsue zuk zure burua atzera bota behar dozula eta Onintzak eutsiko deutsula. Aitor, atzera bota eta lurrean amaitu dozu.

Onitza eta Aitor pertsona bera zarie, baina Onintza berrogei urtegaz eta Aitor hamazortzigaz. Onintza, gaur Aitorrek esan deutsu kritikatu izan dozun dana egiten zabizela.

Begietara begiratu eta holan esan deutsu: onena zara!

Begietara begiratu eta holan esan deutsu: onena zara!