Oihana Bartra Arenas

Aissa zapataria zara. Zapatak konpontzeko denda txiki bat daukozu. Oihana sarritan etorten da zugana. Gero eta jende gitxiago sartzen da zure dendara eta asko eskertzen dozu Oihanaren bisita bakotxa. Orain be badator.

Oihana eta Bittor, lagunak zarie eta oporretan alkarregaz joan zarie. Oihana, bidaia guztia zeuk antolatu dozu eta erabagi guztiak zeuk hartu behar izaten dozuz. Bittor inoz ez dago konforme egiten dozuenagaz.

Jone eta Oihana nerabeak zarie eta denboratxua daroazue alkarregaz urteten. Lehenengoz narrutan egiteko geratu zarie gaur. Alkarren ondoan zagozie, urduri, nondik hasi ez dakizuela.

Munduaren azkena / gaur izanez gero 2. Datorrena ez daiten / izan hain iluna

Ezetz esan deutsue. Halanda be, zuk zeurean segiduko dozu.

Xabat eta Oihana kultur alkarte bereko kideak zarie. Zuena moduko proiektuetarako gero eta diru-laguntza gitxiago dagoz. Xabat, zuk pentsetan dozu ekitaldi gitxiago antolatu behar zeunkiela. Oihanak, ostera, pentsetan dau ekitaldi kopuruari eustea garrantzitsua dala.

Txaber eta Oihana aspaldiko lagunak zarie, gaztetan motxila lepoan hartuta munduko baztar danetan ibilitakoak. Urteetan alkarren barririk euki barik egon eta gero, Benidormen egin dozue topo, bakotxa bere familiagaz.

Oihana eta Gorka zuon herrian frankismo garaiko gurutze bat dago. Oihana, Gorkak esan deutsu erakundeek orain arte ez dabenez ezer egin, zuek bota beharko zeunkiela.

Oihana eta Imanol, herriko azoka egunean txosnan txanda egitea egokitu jatzue, bata bestearen ostean. Oihana, Imanol orain dala ordu erdi sartu behar zan txosnara eta inguruan dabilen arren, ondino ez da sartu.

Mosu bi emoteko hurreratu jatzu. Atzera egin dozu.

Aitor amama eta Oihana biloba zarie. Aitor, duela hamarkada batzuk Londonera joan behar izan zenduan abortatzera. Gaur Oihana bilobak esan deutsu haurdun dagoala eta ez dakiela haurdunaldiagaz aurrera egin gura daben.

Oihana eta Jone dantzariak zarie. Bilboko La Salve zubian antolatzen dabeen salto lehiaketa inauguratzeko, hasi aurretik agurra dantzatzeko eskatu deutsue. Plataformatik itsasadarrera 24 metroko altuera dago. Laster hasiko dala eta plataformara igotzeko esan barri deutsue. Estu-estu zagozie; ez dago leku handirik.

1. Pantxoa eta Peio barriz oholtzara 2. Belaunaldi ezberdin askoren musika 3. Kantuz Lepoan hartu ta segi aurrera

Gorka eta Oihana politikagintzan aritu zarie azken urteetan. Gorka, zuk kargua itxi barri dozu. Gaur Oihanak esan deutsu enpresa bateko administrazino kontseiluan lana topatzen lagunduko deutsula.

Oihana, aktorea zara. Hilabete honetan ez dozu emanaldirik egin eta laurehun eurogaz egin behar izan dozu hilabetea.