Aitor Etxebarriazarraga Gabiola

Txaber presoa zara. Urte asko daroazuz kartzelan eta espetxealdiaren zati handi bat Aitorregaz batera egin zenduan. Hilabete batzuk dira Aitorrek askatasuna berreskuratu ebala. Gaur bisitan etorri jatzu.

Aitor eta Maite lapurrak zarie. Orain arte gauza txikiak ostu izan dozuez. Aitor, Maitek Louvrekoa entzun dabenean Guggenheimen sartzeko proposamena egin dautsu.

Gorka eta Aitor, adin bereko bi neraberen gurasoak zarie. Zuon seme-alabak txikitatik joan dira alkarregaz eskolara eta lagunak dira. Hilabete batzuk dira zuok biok alkarregaz zabiziela eta bikote harremana egonkortu guran zabizie. Zuon seme-alaberi kontau behar deutsazue.

1, Behin honaino helduta, zer dozu galtzeko? 2, Zer galdu ez daukona da arriskutsua

Azkenean lortu dozu amaitzea. Oso harro zagoz zeure buruagaz

Aitor eta Aissa lagun minak zarie eta plan asko egiten dozuez alkarregaz. Gaur, Euskal Herria-Palestina futbol partidua dago Bilbon eta Bizkaiko Bertsolari Txapelketako finalaurrekoa Bermeon. Bietara joan gura zeunkie, baina ezin. Aitor, Bilbora joango zara zu. Aissa Bermeora.

Aitor eta Ibai barraketan alkarren ondoan montau zarie. Martxan zabiziela, barraka matxuratu da eta buruz behera eskegita gelditu zarie.

Unai eta Aitor auzokideak zarie. Gaur, etxetik urten dozuenean, polizia ikusi dozue etxe inguruan. Zuon auzokide bat etxegabetuko dabela jakin dozue. Unai, Aitorrek esan deutsu bertan geratu beharko zeunkiela berari babesa emoteko.

Bizkarra, entrenatzaile pertsonala zara. Etxebarriazarragak duela aste batzuk deitu eutsun zugaz entrenetan hasteko. Geratzen zarien bakotxean, nekatuta dagoala esaten deutsu.

Platera erdizka itxi dozu, altxatu eta alde egin dozu.

Aitor amama eta Oihana biloba zarie. Aitor, duela hamarkada batzuk Londonera joan behar izan zenduan abortatzera. Gaur Oihana bilobak esan deutsu haurdun dagoala eta ez dakiela haurdunaldiagaz aurrera egin gura daben.

Gorka aurten Santomasetara joatea erabaki dozu. Urtero bezala, jendetza dago eta taloa erosteko ia ordubete daroazu ilaran. Aitor ikusi dozu heltzen eta zuzenean joan da barrara, ilara guztia saltatuz.

1. Europa preparetan dabil gerrarako 2. Soldaduska barriro Ipini nahi dabe 3. Arma enpresentzat da horren etekina

Jone eta Aitor lagun bi zarie. Zuen kuadrillan datorren astean Euskalgintzaren Kontseiluak deitutako ekitaldian parte hartzeko plana egiten zabizie. Jone, Aitorrek esan deutsu kuadrillakoak ekitaldietara joateko prest egoten dirala beti, baina nekatuta dagoala hizkuntzarekiko daukien jarreragaz.

Aitor, bizitza osoa emon dozu itsasoan beharrean. Gaur zure alabak esan deutsu berak be(re) ogibide hori izan gura dauala.

Aitor eta Onintza Bizkaiko Bertsolari Txapelketako finalistak zarie. Aurten, Bizkaiko Bertsozale Elkarteak, oholtza gaineko elkarren arteko konfiantza, zaintza eta segurtasuna bultzatzeko, mintegi bat antolatu dau finalistakaz. Dinamizatzaileak binaka jartzeko eskatu deutsue, konfiantza lantzeko ariketa bat egiteko. Zuei, batera tokatu jatzue. Aitor, dinamizatzaileak azaldu deutsue zuk zure burua atzera bota behar dozula eta Onintzak eutsiko deutsula. Aitor, atzera bota eta lurrean amaitu dozu.

Onitza eta Aitor pertsona bera zarie, baina Onintza berrogei urtegaz eta Aitor hamazortzigaz. Onintza, gaur Aitorrek esan deutsu kritikatu izan dozun dana egiten zabizela.

Begietara begiratu eta holan esan deutsu: onena zara!