Xabat Galletebeitia Abaroa

Xabat gurasoa eta Lurdes hamabi urteko alaba zarie. Xabat, zuon etxean ateak beti dagoz zabalik, komunekoa bere bai. Aspaldion baina, Lurdes ateak ixten hasi da. Oraintxe bere, komunean atea kisketagaz zarratuta harrapatu dozu.

Ibai, aspaldiko musika talde bateko abeslaria zara eta Xabat zure betiko jarraitzailea. Ibai, juergan urten dozu gaur eta Xabat hamargarrenez gerturatu jatzu musika talde guztiak bueltatzen ari direla esanaz, eta ea zuek zergatik ez dozuen gauza bera egiten.

Mikel eta Xabat sarritan egon zarie turistifikazino masiboaren kontrako mobilizazinoetan. Gaur, oporretan joan eta alokatutako pisura heldu zarienean, bertako auzokide bat topatu dozue portalean pisu turistikoen kontrako kartelak ipinten.

1, Etorkizuna ezin dogunez igarri. 2, Momentua bizitzen behar da ikasi

Notizia bat emon deutsue. Ez dozu ondo hartu.

Xabat eta Oihana kultur alkarte bereko kideak zarie. Zuena moduko proiektuetarako gero eta diru-laguntza gitxiago dagoz. Xabat, zuk pentsetan dozu ekitaldi gitxiago antolatu behar zeunkiela. Oihanak, ostera, pentsetan dau ekitaldi kopuruari eustea garrantzitsua dala.

Imanol eta Xabat ezezagun bi zarie. Libre egoan taxira bakotxa ate batetik igon eta atea zarratu dozue.

Xabat eta Jone lagunak zarie. Xabat, gaur, Jonek arduratuta esan deutsu bikotekidea bere mugikorreko mezuak irakurten harrapau dauala.

Gorka, etxea erosi gura zendula-eta, Xabaten inmobiliariara joan zinen. 10 etxetik gora ikusi dozuez eta Xabatek beti daukoz danantzako berba politak, baina zuk bateri bere ez deutsazu ezer onik ikusten. Gaur, 20 metro karratuko etxe bat ikusten zagozie.

Mosu bi emoteko hurreratu jatzu. Atzera egin dozu.

Onintza langilea eta Xabat detektibe pribatua zarie. Onintza, zuk denboratxua daroazu bajan. Gaur jakin dozu lan egiten dozun enpresak Xabat detektibe pribatua kontratatu dauala zu zelatatzeko.

Xabat eta Aitor Bizkaiko Txapelketako gaijartzaile taldeko kideak zarie. Xabat, ordu asko emoten dozuz etxean lanean gaiak ondo prestatuta eroateko bilerara, baina Aitorrek beti esaten deutsu ez dabela konbentzitzen eta findu egin beharko zeunkiezala.

1. Guggenheim barik ondo bizi da Urdaibai 2. Balkoietatik kendu geinke banderola 3. Halandabe turista asko inguruan

Xabat eta Txaber, jaiotza erraldoia atondu dabe gabonetan zuen herrian eta kuriositatez hurbildu zarie gaur. Xabat, hara heldutakoan triste ikusi dozu Txaber. Esan deutsu ez dauala pentsau be egin gura zelan bizi diran gaur egun Bethlemen eta inguruetan.

Xabat, unibertsitateko ikaslea zara. Sare sozialei begira zagozala, euretako batean zure irakasle batek idatzitako mezu transfobo bat ikusi dozu. Profilean sartu eta halako gehiago daukozala ikusi dozu.