Finala, osatuta
2025/11/22
Markina-Xemeingo finalaurrekoa jokatu eta gero, erabakita geratu da Bilboko Casillan ariko diren zortzi bertsolarien zerrenda. Abenduaren 20an jokatuko da finala; ETB1en ere zuzenean jarraitu ahalko da.
Bizkaiko Bertsolari Txapelketak parez pare du finala: bederatzi saio jokatu eta gero, finala baino ez zaio geratzen. Markina-Xemeingo finalaurrekoa jokatzearekin bat, osatu da finalisten zerrenda. Hauexek dira:
- Aitor Bizkarra Ruiz
- Aitor Etxebarriazarraga Gabiola
- Jone Uria Albizuri
- Xabat Galletebeitia Abaroa
- Onintza Enbeita Maguregi
- Oihana Bartra Arenas
- Txaber Altube Sarrionandia
- Gorka Pagonabarraga Agorria
Abenduaren 20an jokatuko da finala, 17:00etan, Bilboko Casillan. Sarrerak www.bertsosarrerak.eus atarian daude eskuragai. Bestalde, ETB1en zuzenean jarraitzeko aukera ere egongo da, finalaurrekoekin ETB4n gertatu bezala: Ilaski Serranok aurkeztuko ditu saioak, Ainhoa Urien Telletxe aditua alboan duela.
