XII. BEE - Eibar (2016)

DSC_5070.JPG

Goizeko 10:00etan hasi ziren Gipuzkoako txoko guztietako haurrak Eibarrera iristen. Guztiak elkartu, Bertso Eskolen Eguneko kamisetak banatu eta taldeko argazkia atera ondoren Eibarko txistulariek lagunduta Coliseora kalejiran joan ziren.

Eskolarteko Txapelketako finala, goizeko 11:00etan hasi zen Eibarko Coliseo antzokian eta ume, gazte eta helduz osatutako 300 entzule bertaratu ziren.

Finala bukatu ondoren bazkaria eta arratsaldeko jolasak Urkizu parkean egitea aurreikusita bazen ere, eguraldiak ez zuen askorik lagundu eta Urkizu eskolako patioan egin behar izan genituen.

Txoko desberdinetan banatu genuen arratsaldeko egitaraua. Izan ere, bertso-eskoletako ikasleen artean adin ezberdinetako jendea bildu zen eta guztien interesei erantzun asmoz honako txokoak antolatu genituen:

-       Eskulanak eta txapa tailerra

-       Mural margoketa

-       Munduko jolasak

-       Bertso musikatuak

-       Bertso antzerkia

 Pare bat ordu txokoz-txoko jolasean ibili ondoren etxera joan aurretik beste  tailerretan ibili ziren lagunei prestatutakoa eskaintzeko aukera izan zuten.

Arratsaldeko 17:00etan bukatu ziren eguneko ekintza guztiak, eta bertso-eskoletako ikasle zein irakasleek,  bakoitzak bere herrira itzultzeko autobusa hartu zuen.

Agenda

2019-05-25 Donostia Berezia

Elvira Zipitriaren omenezko ibilaldi musikatu, dantzatu eta bertsotua

2019-05-25 Bergara Txapelketa

Gipuzkoa Bertsotan. Sailkapen saioa

2019-05-25 Donostia Txapelketa

Gipuzkoa Bertsotan. Sailkapen saioa

2019-05-25 Aretxabaleta Berezia

"Humanity at music" sinfonia kooperatiboa

Agenda osoa

BDB gaur

2004-05-23 Zumaia

Sustrai Colina, Sebastian Lizaso, Maialen Lujanbio, Aitor Mendiluze, Xabier Silveira

M. Lujanbio:
Zer dan Hitzetik Hortzera hori
benetan aspaldi nekin
baina joan egin behar nuen ta
joan egin naiz behinepin.
Hau jende pila, hau bertso pila
dena formalegi ta fin...
nahiago nuke bertan lurrundu
zigarroan kearekin! (bis)

X. Silveira:
Begira orain pasa zaidana
gertatua izan zait lehen:
nik esateko asko eduki
ta ixilik egon hemen;
nere buruan buelta ta buelta
esaldi hori zegoen
ausardi falta onartzen det baina
eskerrik asko Maialen
zure beharrik ez baldin banu
neronek esango nien.

M. Lujanbio:
Bertso kantura atera eta
bi kopla eskas hasteko;
berriro jeiki ta bi bertso motz
bertso gosea pizteko.
Ezertan ez naiz horren azkarra
ez dezute ba usteko...
Beste bi ordu behar nituzke
gailurrera iristeko. (bis)

A. Mendiluze:
Hitz egokiak izango ziren
ni zer naizen azaltzeko
lehendabiziko ordua baita
beti denbora galtzeko;
beste lau ere gustora asko
nituzke hemen hartzeko
bertso gehiago botatzeko ta
berai eskutik heltzeko. (bis)

M. Lujanbio:
Hemen irrifar inda bakarrik
ez det papela beteko
baino umorea ere behar da
horren luze egoteko;
bertso sariak bateko eta
nobio plantak besteko
zenbat txoakei egin behar dan
telebistan irteteko! (bis)

S. Colina:
Ni telebistan ez naiz sartuko
ez, ez dut sartuko hankik
nahiz telebistan ez den faltako
glamurrik eta soldatik.
Aizu, Maialen, zuri begira
harritu egin naiz haatik
izerditan blai duzu eskua
eta ez dakit zergatik. (bis)

M. Lujanbio:
Arren ixildu zaitezte pixkat
konzentrazio erdia...
juan egin zait ta dena behar det
ariketa gehiegia;
honek zeozer pentsatzen dula
badakit, hoi da egia
baina ezin det ondo interpretau
azala lodiegia. (bis)

S. Lizaso:
Arrazoi dezu, urterik urte
kantari nabil jo ta ke
ta ibilerak ekartzen digu
nik ez dakit zenbat neke;
azala ere loditu egin zait
asko ibiltzean truke
meheago edukiko banuke
lotsatu egingo nintzake. (bis)

Basterra, Juanjo

Hil 1990-05-23

Ezkondua , Purirekin?. Lantegian hil zen istripuz. 3 seme alaba zituen ...

Elizegi, Jose Maria "Frailia"

Hil 1925-05-23

Antonia Aranbururekin ezkondua. Haren aurrekoren bat umeei doktrina erakusten-eta ibiltzen omen zen eta handik aurrera familia guztiari erantsi zioten "Frailia" izena. Altzoko Handia zerbait familiako...

Aita-semeak tabernan daude I

Bi 4ko handi desberdinez osatua. Koplatxu bat du deitura berez.