Gipuzkoa

IX. BEE - Pasai Donibane (2013)

Lehenengo aldiz, bertso eskolen bi egun antolatu ziren 2013an. Bata, 14 urtetik gorakoentzat; eta bestea, gazteagoentzat. Orain artean, denentzat egun bakar bat antolatzen zen, baina haurrentzat antolatutakoa ez zen beti ondo doitzen gaztetxoen beharretara. Horregatik, eskaintza berezitua prestatu zen hain haurrak ez zirenentzat, eta 14 urtetik gorakoak Segurako aterpetxean elkartu ziren asteburu pasa, otsailaren 16 eta 17an.

5007dd37-05cd-4632-a316-2cd7fb7c89fd.jpg

Arrosaz tindatu zen Pasai Donibane, hori izan baitzen kamisetentzat hautatutako kolorea.

Festa giroarekin batera, kamiseta bat diseinatzen da urtero. Juanba Berasategik diseinatu zuen 2013koa. Bide luzea egin duen ilustratzaile sanjuandar horrek karramarroa hautatu zuen egunaren sinbolo moduan. Karramarroak atzeraka ibiltzen direnez, eta bertsoaren sortze prozesua ere atzekoz aurrerakoa denez, egokia zen sinboloa oso.

Egitaraua

Itsasoa izan zuen gai nagusi 2013ko bilkurak, eta goizetik arratsalderainoko egitarau oparoa antolatu genuen. Eguraldiaren iragarpena ona ez izan arren, eguraldi txukuna izan genuen azkenean.

  • 10:30ean iritsi ziren haurrak Pasai San Pedrora, eta txalupaz pasatu zire Pasai Donibanera. Han, eguneko kamisetak banatu ziren.
  • 10:45ean taldeko argazkia atera, eta, zanpantzarrekin batera, ibilaldia egin genuen herriko kaleetan.
  • 11:00etan, goizeko saioa izan zen. Lur Korta ipuin kontalariak itsasoari buruzko ipuinak kontatu zizkien haurrei, eta bertsolari gazteek (Paul Beitia, Beñat Azaldegi eta Jon Gurrutxaga) bertso musikatuak kantatu zituzten. Gipuzkoako bertso eskoletan osatutako bertsoei ahotsa eta musika jarri zieten.
  • 13:00etan, Bazkaria
  • 14:00etan, piraten jinkana. Haurrek, mapa bati jarraituz, hainbat proba egin behar izan zituzten.
  • 17:00etan itzuli ginen denak etxera.

300 haur inguru batu ziren Pasaian ospatu zen Gipuzkoako Bertso Eskolen IX. Egunean. Goizeko hamarretarako iritsi ziren autobusak Pasai San Pedrora. Autobusetatik jaitsi, taldetan banatu, eta kaira gerturatu ziren bertako motora hartu eta Donibanera iristeko.

Herriko plazan elkartu ginen, eta bertan banatu zitzaien egun horretarako egindako kamiseta bana. Ondoren, herriko bertso eskolak prestatutako ongietorria egin ziguten. Gerturatutako guztiei Agurra dantzatu zien herriko neska gazte batek.

Udaletxe zaharreko balkoitik, bertso eskolako gazte batek bertso bat bota zuen, eta, ondoren, zanpantzarrekin batera, zinema zaharreko aretora abiatu ginen herria zeharkatuz.

Lur Korta ipuin kontalariak, “Carmen” arrantzalearen emaztea  ipuina kontatu zien haurrei, eta ipuinaren inguruan Gipuzkoako bertso eskoletan osatutako bertsoei ahotsa eta musika jarri zieten Paul Beitia, Beñat Azaldegi eta Jon Gurrutxaga bertsolari gazteek.

Ekitaldi hori amaitu zenean, berriro denak plazan elkartu ginen, eta bertan elkarrekin bazkaldu genuen, bakoitzak etxetik ekarritako ogitartekoa.

Eguerdiko 14:00etan hasi genuen piraten jinka jolasa. Haurrek, mapa bati jarraituz, zenbait proba egin behar izan zituzten herriko hainbat puntutan.

Agenda

2019-03-22 Hernani Plaza librea

Gipuzkoako Gaztetxe eta Gazte Asanbladen Topaketak. Gaztetxeen arteko bertso saio irekia

2019-03-22 Oñati Eskolartekoa

Gipuzkoako Eskolarteko Txapelketa. Kanporaketa. Bertso afaria

2019-03-22 Errenteria Lagun-artekoa

Korrika Kulturala. Bertso afaria

2019-03-22 Deba Berezia

"Neretik" emanaldi berezia

2019-03-22 Donostia Berezia

Altzako XIX. Bertso Aroa. Bertso marraztuak

Agenda osoa

BDB gaur

1992-03-22 Luzaide

Fermin Mihura

Amerikarat joan nintzen bai
sos egitea espero
Euskal Herrian at al ikusten
han bildu nahi zonbeit grado
denbora joan eta han bertan
ez nintzala hainbat fido
adina etorri gero
orai ez naiz hainbat bero (bis)
nere gisarat baserri zaharra
ez dago gaurkoan ondo
pentsatzeko zen gizonik gabe
ongi ez zela izango (bis)

Amerikarat joan nintzan bai
ez nuen bildu gradua
sosa're hainbat ez nuen egin
gaur ni hunarat heldua
zoin xoroa guk batzutan dugun
izaiten hor helburua
xoroa bait da mundua
zonbatez daukat galdua (bis)
zorionketa harat joana
egin nahizik dirua
bihotza dagon lekuan dago
hobekienik burua (bis).

Aspaldi du bai leku hartara
nintzala hola abia
eta damua gaurkoan daukat
norat joan da familia
ni bezelaxe izan ditaike
bertze askoren aldia
eta gaur naiz etorria
daukat hainbat errabia (bis)
adinagatik gostura bota
behar dut nik izerdia
laparrak kendu eta loratu
dadin piskat baserria (bis).

Lopetegi, Martxelina

Jaio 1864-03-22

Oiartzungo Galtzarreta baserrikoa, bost senide ziren: Guadalupe, Nikolasa, Kanuta, Kaitano eta txikiena bera, Martzelina. Bertsotan aise jarduten omen zuen. 1907an, 43 urte zituela, Juan Kruz Irastort...

Aizazu Suantxa I

Oiartzungo Suantxa, beste herri askotan Juantxo edota Santxo ageri da bertso berdinean. Ikus Ai zazu Suantxa izeneko beste lau doinuak.