II. BEE - Oiartzun (2006)

Gipuzkoako Bertso Eskolen II. Eguna, Oiartzunene ospatu zen, apirilaren 2an. Iazko Villabonako lehen edizioa bezala, Gipuzkoako Bertsozale Elkarteak eta Gipuzkoako bertso eskolek antolatu duten egun bat da, ikasleek elkar ezagutzeaz gain elkarrekin saio bat ospatu eta herriaren aurrean elkarrekin aritzeko aukera bat izan dezaten.

Bertso Eskolen Eguna - Gipuzkoa - 2006.jpg

Eguna bi zatitan banatu zen, goizean ikasleek prestatuko saioa eta arratsaldean ikasleentzat prestatutakoa. Goizeko 10etan bailara ezberdinetatik zetozen autobusak elkartu ziren Oiartzungo plazan, 200 ikasle inguru eta 25 irakasle eta guraso, eta bertan kamisetak banatu eta taldeak osatu ziren.

Hortik Haurtzaro ikastolako pilotalekura joan ziren, eta bertan beraiek prestatutako saioa eskaini zuten 11:00etan. 13:00etan bertan prestatuko mahaietan bazkaldu genuen denok eta jolasak antolatu ziren, talde giroa eta harremanak lantzeko asmoz. 15:30ean gazteenek bertso antzerkia izan zuten udaletxeko batzar aretoan, eta helduenek bertso kalejira izan zuten herriko kaskoan zehar, Oiartzungo trikitilarien laguntzarekin. 17:30ean autobusak etorri eta oparitxo bana hartuta bakoitza bere herrira itzuli zen.

Agenda

2018-09-22 Lazkao Berezia

Lazkao TxikiRI eta Lazkao TxikiREKIN, bertso kantari

2018-09-23 Errenteria Berezia

Atlantikaldia. Galiziako Reguefeirak eta bertsolariak

2018-09-23 Larraul Berezia

'Lau sasuak' emanaldi berezia

Agenda osoa

BDB gaur

2012-09-22 Aizarnazabal

Anjel Mari Peñagarikano

Garai batean gaztea nintzan
eta barruak zer sua!
Neska gertuan sentitu ezkero
hura zan paradisua!
Nere begiak dirdir eginez
eta luzatuz besua
erregalia nerekin daukat
bitxia eta goxua:
nola azaldu behar dizut zuri
nere lehenengo muxua? (bis)

Egia da bai izan nituen
gaztetan lige ugari
oraindik ere haiek oroituz
hemen nago adi-adi
ta oroitzeko zenbat buelta
eman behar buruari!
Behin eskutitz bat jaso nuen nik
nere maitasun opari
ta sinadurak hala zioen
"Maite zaitut Anjel Mari". (bis)

Ordun ligeak izango nitun
gaur hamar bihar dozena
izanez ere hori gaztetan
da jokabide zuzena.
Gogoratzen naiz erdi rubia
nigandik gustatzen zena
berarengandik jaso nuen nik
erregalorik onena:
nere etxean lo geratu da
eta Jokin du izena. (bis)