I. BEE - Villabona (2005)

Gipuzkoako Bertso Eskolen lehenengo Eguna izan zen maiatzaren 28an Villabonan, eta benetan egun borobila atera zen.

 Bertso eskolek antolatu eta Gipuzkoako Bertsozale Elkarteak bultzatuta, 30 bertso eskoletako ume, irakasle eta gurasoak elkartu ziren Villabonako ekitaldian. Parte hartzeari dagokionez, goizean 150 ume inguru bildu ziren eta arratsaldean 200 inguru, 8-18 urte bitartekoak. Helburua zen egun hori Gipuzkoako bertso eskola guztien bilgune eta festa ederra izatea, Gipuzkoako bertso eskolak elkar hobetu ezagutu, dinamika berriak martxan jarri, eta aurrera begirako elkarlanaren oinarria izatea. Alde horretatik, eta egunak izan zuen erantzuna ikusita, helburua erabat bete zen. Bertso eskoletako arduradunak oso pozik azaldu ziren egunak utzi zuen emaitzarekin.

Goizeko 10:30etan hasi zen eguna Villabonako plazan eta lehenbizi elkar ezagutzeko jokoak egin zituzten. 11:30etan, bertso eskolen saio bereziak izan ziren Gurea zinean: Legazpiarrek hasi zuten saioa eta Bergarako bertso es­kola sortu berriak jarraitu zion, hango hizkeran kantatuta. Ondoren etorri ziren: Oiar­tzun, Arrasate, Zumarraga, Urretxu, Goierri, Hernani, Villabona, Errezil, Soraluze, Zes­toa, Azkoitia eta Asteasuko taldeak.

Saio biziak eta politak egin zituzten bertsolari gaztetxoek: Oiartzundik neska koadrila aritu zen kantuan trikitixa eta panderoa lagun zutela, eta mutilei aritu ziren kantuan. Baita larrutu polita eman ere. Erre­zildarrek Heidin inspiratutako saio berezia egin zuten, mozorro eta guzti. Hernaniarrek bertso eskolako aurrekontu eskasia izan zuten ber­tso gai, eta bertso eskolako ele­mentuekin umorezko saio polita egin zuten. Villabonako umeei anfitrioi lana egokitzen zitzaien, eta soinu eta dantzarekin lagunduta egin zuten beren saio berezia. Bertsolari helduenek libreko saioa ere egin zuten: Unai Gaztelumendi añorgarra, Oier Iruretagoiena, Oier Aizpurua eta Aitor Urkola zarauz­ta­rrak, Aritz Garin villabonarra eta Jokin Sudupe azkoitiarra aritu ziren bapatean kantari, aurretik besteek botatakoei erantzuten.

Bazkalondoan, umeek berriro ere jokoak izan zituzten, hasteko. Gero, arratsaldeko ekitaldi nagusian Anjel Mari Peñagarikanok, Nerea Elustondok eta Unai Gaztelumendik ber­tso-komiki saioa egin zuten, umeen gozagarri.

Agenda

2019-03-23 Eibar Lagun-artekoa

Korrika Kulturala. Bertso bazkaria

2019-03-23 Oñati Sariketa

VIII. Txinparta Bertsolari Txapelketa. Finalaurreko saioa

2019-03-23 Pasaia Berezia

"Arrastoan" dokumentalaren emanaldia eta bertso saioa, Laponiako Joik inprobisatzaile eta bertsolariekin

2019-03-23 Bergara Berezia

"Eta zer gehiago?" ikuskizuna

2019-03-23 Donostia Jaialdia

Donostian bertsotan. Gipuzkoa bertsotan, girotze saioa

Agenda osoa

BDB gaur

2007-03-23 Durango

Jone Uria Albizuri

Aupa koadrila! Hor zabiltzate
jende artean gordeta
nahiz ta gabiltzan etxerako lan
ta azterketez beteta
segi horrela beti parranda
jarri behar da arreta;
hartu bizitza lasaitasunez
presarik ez dago eta.

Manterola Beldarrain, Jose

Jaio 1849-03-23

Gazte hil bazen ere (35 urte) lan handia egindako gizona izan zen. Bere lehen liburua 22 urterekin argitaratu zuen. Donostiako Udal liburutegiko zuzendari izan zen. Bere lan nagusia Cancionero Vasco (...

Etxeberri, Augustin

Jaio 1849-03-23

"1849 ko martxoaren 23 Sarako Zubietan sortua, Jeanne Marie Etcheverryren semea zen Augustin Etcheverry, eta osaba Agustin Etcheverryrekin ikasi zuen zapataintza. 1871 ko urriaren 11 an ezkondu zen Jo...

Ama Birjina Erkudengoa I

Berez 6ko handia da eta ikus sail hartan ere. Joseba Tapiaren Agur Intxorta maite izeneko diskoan Basarrik Gernikako bonbaketaz egindako bertsoak kantatzen dizkigu S. Lizasok. Doinu honen musika joku ederra entzun daiteke Oskarbiren diskoan Eskutari izenekoan Bitoriano Gandiagaren Kezka izeneko bertso ederrak kantatzen.