Sahara doinu eta neurri librean bertso-paper lehiaketa
Arabako Bertsozale Elkarteak, Arabako SEADen Lagunen Elkartearekin elkarlanean sentsibilizazio kanpaina bat abiatu du gaia gizarteratu eta hausnarketarako leihoa zabaldu asmoz.
Espoliazioaren arazoa gaitzat hartuta bertso paper lehiaketa jarri da martxan nahi duen orok parte har dezan. Honekin batera hiru bertso eskola ireki eta hitzaldi emango dira gaia ezagutzera emateko asmoz. Ondorengoak:
Martxoaren 16an, 19:30ean, Laudioko Faktorian
Martxoaren 21ean, 19:30ean, Gasteizko Iparralde Gizarte Etxean.
Martxoaren 23an, 19:30ean, Zekuianoko Txokoan
Bi hilabetez luzatuko da bertso sortak jasotzeko epea. Epaimahaiaren lan aukeratua ekainaren 30ean emango da ezagutara jendaurrean aurkeztuz. Saria bi pertsonentzako bidaia izango da Tindufera (Argelia). Espoliazio eta gatazkaren ondorio diren errefuxiatu kanpamenduak ezagutzera.
Maiatzaren 10ean horma-irudi baten margoketa hasiko da. Honen margoketan nahi duen orok izango du parte hartzeko aukera.
Ekainaren 30ean horma-irudiaren inaugurazioa eta bertso-paper lehiaketako sari banaketa egingo da bertso-jaialdi batekin batera.
Horma irudiaren inguruko informazio gehiago nahi izanez gero jarri kontaktuan Arabako SEADen Lagunekin. administrazioa@saharaelkartea.org 945147853 / 660299622.
Ikus hemen lehiaketaren oinarriak
