Larunbatarekin jokatuko da 14-18 urte artekoen Arabako Eskolarteko finala Aramaion
XXXI urte dira Araban bertsolari gaztetxo eta gazteen Eskolartekoa jokatzen dela. Hainbat izan dira modalitate eta ereduak urte luze hauetan.
14-18 urte artekoak
Hiru saio jokatu dira adin tarte honetan, Aramaio, Gasteiz eta Kanpezun. 6 gazte aritu ziren Aramaio eta Gasteizen eta 18 gazte Kanpezun taldeka.
Aramaioko Sastiñan jokatu zen lehen saioa, Sabin Abarrategiren aginduetara aritu ziren 6 gazteak. Gasteizko saioa Izaskun Arrue Kulturgunean jokatu zen, Samu Rodriguezen aginduetara aritu ziren gazteak. Bi saioak jendez lepo egon ziren.
Hirugarren saioan, Kanpezuko aretoan, 18 lagun aritu dira 3 taldetan banatuta.
Hau honela, finalerako txartela Anitz Abarrategi, Jokin Onaindia, June Astegieta, Maia Ortiz de Zarate, Oinatz Basabea eta Urko Lafuente eraman zuten lortutako puntuazioaren arabera eta honenbestez maiatzaren 23an jokatuko den finalean arituko dira, Aramaiko Kultur Etxean, arratsaldeko 19:00etan.
14 urtetik beherakoek
Bi modalitate ezberdinetan arituko dira, idatzizko bertso sortak kantatuz eta bat-batean. Eskualde bakoitzean topaketa bat burutuko da.
