Albisteak
Abian dira Eskolarteko txapelketak
2013/04/26Nafarroan gaur jokatuko da 14-18 urte artekoen finala eta gainontzeko herrialdeetan maiatzean zehar jokatuko dira eskolarteko txapelketak. Idatzizko sariketak eta bat-bateko saioak izango dira, adin mailatan bereizita: 14 urtera artekoak eta 15-18 urte bitartekoak. Guztira 14 kanporaketa saio egingo dira herrialdeetan. Horietan 14 urtera arteko 35 taldek eta 15-18 urteko 100 bertsolari inguruk hartuko dute parte. Euskal Herriko Eskolarteko Txapelketaren finala Orion izango da, ekainaren 22an.
Mutrikuko eta Gasteizko gaztetxeetako saioak asteon Hitzetik Hortzeran
2013/04/24Plazatik Gaztetxera eguna ospatu dute Mutrikun; mendelaurdeneko ospakizunetan dira Gasteizen. Ostiral iluntzean eskainiko da ETB-1en. Datorren asteotan ez da igande bazkalostean HHrik izango txirrindularitza emango baitute. Eitb nahieran ere ikusgai duzue.
Gipuzkoako Bertso Eskolen Eguna ospatuko da igandean Pasai Donibanen
2013/04/24Gipuzkoako Bertsozale elkarteak azken urteetan egin duen moduan, Gipuzkoako bertso-eskolen eguna antolatu du Pasai Donibanen, datorren apirilaren 28an. Gipuzkoako Bertso Eskolen arteko harremanak sendotzea eta elkar ezagutzea da bilkura honen helburu nagusia. Itsasoa izango du gai nagusi aurtengo bilkurak eta goizetik arratsalderaino egitarau oparoa dago antolatuta.
Hitzetik Hortzera, Oteiza, Egaña eta Lujanbiorekin, Dokan
2013/04/18Agin Rezola eta Beñat Gaztelumendi ere bai, bertso bazkaritan, Urretxun. Igande bazkalostean etb1n. Eta eitb nahieranen. Saskibaloia dela eta ostiral iluntzean ez da izango paserik.
Bertso udaleku irekiak Bilbon Gabriel Aresti euskaltegian
2013/04/18Bilboko haurrengan bertsozaletasuna sustatu eta euskal kulturaz eta euskaraz gozatzeko beste aukera bat eskaini asmoz Zenbat Gara elkarteak eta Bertsozale Elkarteak, elkarlanean antolatuta, bertso udalekuak eskainiko dira Bilboko Gabriel Aresti euskalgegian 2013ko uda honetan.
Xenpelar Dokumentazio Zentroari buruzko hitzaldia UPV/EHUko Dokumentazio Jardunaldietan
2013/04/18UPV/EHUko Gizarte eta Komunikazio Zientzien Fakultateko Kazetaritza Sailak antolatutako Dokumentazio Jardunaldietan hartuko du parte Bertsozale Elkartearen Xenpelar Dokumentazio Zentroak. "Informazioaren komunikazioa eta datu eta bilduma digitalerako sarbidea" izenburupean antolatu den seigarren edizioa apirilaren 22 eta 23an izango da Leioan. Bertan, bertsolaritzaren sare dokumentalari buruz arituko da Nere Erkiaga, Xenpelar Dokumentazio Zentroko koordinatzailea.
"Inprobisazioa eta umorea eskenategian" tailerra egingo da ekainaren 28tik 30era. Izen ematea zabalik dago
2013/04/12Bertsozale Elkarteko Genero Taldeak sorkuntzari begirako formazio tailerra antolatu du. Oihulari Klown taldeko Virginia Imaz eta Karmelo Muñozek eskainiko dute tailerra: "Inprobisazioa eta umorea eskenategian" deritzo, eta asteburu pasako formatua du. Ekainaren 28tik 30era egingo da Bergarako Aibar baserrian (Oihulari Klownen aterpetxean).
Orixe eta Osinalde sariketak Hitzetik Hortzeran
2013/04/11Bertsolari gazteentzako daudenik-eta sariketarik garrantzitsuenetakoak dira Gabiriako Osinalde eta Añorgako Orixe. Bertso munduko udaberriko klasikoak. Bietako finaletan jasotako on aurkiak erakutsiko dituzte asteon Hitzetik Hortzeran.
Zabaltzen jarraitzeko urtea
2013/04/11Martxoaren 9an egin genuen Euskal Herriko Bertsozale Elkartearen Batzar Nagusia Elizondoko Arizkunenea Kultur Etxean. Iazko memoria eta balantzea eta aurtengo egitasmoa eta aurrekontua aho batez onartu ziren. Hauxe da, laburtuta, 2013rako onartutako egitasmoa.
Andoni Egañaren txapelketako ibilbidea aste honetako Hitzetik Hortzeran
2013/04/041985eko azaroaren 2an, Azkoitian, kantatu zuen lehen bertsoa txapelketa nagusian. 2009ko abenduaren 13an, Barakaldon, azkena. Tartean zazpi txapelketa eta zazpi final; lau txapel, eta dozenaka bertsoaldi antologiko. Aurten txapelketa urtea da eta finaleko eguna berezia izango da Andoni Egaña oholtzara kantura igoko ez delako, 1982koaz geroztik lehendabizikoz.
