Xiberoa, Lapurdi eta Baxenabarre

Loturaren helbidea: /eu/xiberoa-lapurdi-baxenabarre

RSS Twitter Facebook Instagram YouTube LinkedIn

 

BDB gaur

2002-07-31 Altzo

Amets Arzallus, Aitor Sarriegi

A. Arzallus:
Azkenaldian sortua zaigu
izugarrizko trantzea!
Nereari asko kostatzen zaio
etxetik ateratzea
ta zureari kostatzen zaio
berriz etxera sartzea;
konponbidea erreza dago:
etxez elkartrukatzea.

Sarriegi:
Zureak beraz lagun bat zer dan
ia-ia ez omen daki
soluzioa arin samarra
hor bota didazu aurki.
Nere aldean nik pentsatzen det
egiz zaudela ederki
nereak dauzkan lagunak baino
hobe baitu ez eduki!

A. Arzallus:
Nere alaba oraindik ez da
lagun artera nahasi
ta hori nahi dun ama batentzat
ez al da nahiko desgrazi?
Hiru karrera daduzka eta
denak aprobatu kasi
baina hala ere oraindik ez du
parranda zer den ikasi.

Sarriegi:
Gureak berriz adiorik ez
ostiralez irtetzean
asteburua guztiz urduri
erdi erotu antzean
eta azkenik asteburua
behin betiko bukatzean
bera lanera eta ni berriz
negar malkotan etxean.

A. Arzallus:
Nere alaba gaixoak ez du
ez lagun ta ez mutiko
zureak berriz batzuk hartuta
hoiekin eutsi betiko.
Ateratzea nahi nuke baina
beldur bat dut neurekiko:
behin ateratzen hasi ezkero
ez den berriz itzuliko.

Sarriegi:
Behin ateratzen hasi ezkero
ez da gero noski txantxa
gurea ere bihurtu baitzen
behin parrandazale latza
baina ez dugu ondo ikusten
arazoaren ardatza
zure kasuan eta nerean
gurea baita akatsa.

Kortajarena, Bautista "Ondartza"

Jaio 1903-07-31

Pello Errotaren biloba. Mikela Elizegiren semea. Bost arreba eta hiru anaia ziren. Ezkongabea. Asteasuko Ondartza-aurrena baserrian jaio eta bizitu zen; 40 urte inguru zituela Asteasuko Elizondo etx...

Taberna, Jose Ramon "Taberna"

Jaio 1886-07-31

...

Dozena bat bertso berri A

Erreparatzekoa da Piarres Lafittek egindako Manex Etxamendiri buruzko liburuan zenbaterainoko ardura duen bertsoei dagozkien doinuak ipintzeko, eta berdin esan genezake Mattin, Xalbador eta Ifarraldeko bertsozaleetaz orokorrean. Izan ere P. Lafitte ez zen edozein izan euskal kulturan eta gure arloan ere lan asko egin zuen, besteak beste Mariya, Kantuz kanta liburu popularrak argitaratuaz.