Bertso Udalekuak

87374c8a-621c-4666-ba68-a7aac590899a.jpg

Euskal Herri osoko haur eta gazteek hartzen dute parte bertso udalekuetan. Euskalki aniztasuna da udalekuon ezaugarrietako bat. Bertsolariekin zuzeneko harremana dute udalekuetan.


Txanda bakoitzean bertso afari bat egiten da, eta gaztetxoek aukera dute beren erreferente direnekin jolasteko, hitz egiteko eta bertsotan jarduteko.

Kantugintza da beste zutabe garrantzitsuetako bat. Txanda bakoitzean kantuak sortzen dituzte, eta guztien artean udalekuetako diskoa osatzen dute.

Begirale-sukaldariak: bertso mundukoak eta aisialdian esperientzia dutenak dira.

Agenda

2018-08-16 Donostia Berezia

Aste Nagusia. "Hor konpon Marianton" haurrentzako emanaldia

2018-08-17 Deba Plaza librea

Jaiak. Bertsolariak

2018-08-17 Donostia Jaialdia

Aste Nagusia. Bertso saioa

Agenda osoa

BDB gaur

2000-08-16 Gernika-Lumo

Jon Maia

Gazte nintzela festa izan zen
nere lehenengo baldintza,
jendearekin elkartu eta
elkarri trukatu hitza;
orain ordea hitza motel dut
ta memoria ere hitsa;
musika handik entzun dezaket,
leihotik sartzen zait printza...
hiltzen ari den kantu zahar bat
ote da nere bizitza? (bis)

Entzun dezaket burrunda eta
algara dagola nunahi;
entzun dezaket herri osoa
kalejiran pozik alai;
ikus dezaket gazte jendea
goitik beheraino festaz blai...
ta ni ohean etzanda nago
ordua noiz helduko zai;
egindakoen damurik ez det,
ez egindakoena bai! (bis)

Ez naiz hasiko alper-alperrik
joandako denboren bila;
armarioan gordeta daukat
pasiatzeko makila;
orain eguna ez da izaten
lehen bezain borobila...
Ni banijoa baina atzetik
badatorku gazte pila;
gure herria odol berriaz
luzaro bizi dadila! (bis)

Salaberria, Sebastian

Hil 2003-08-16

"Sebastian Salaberria (Oiartzun, Gipuzkoa, 1915eko abenduaren 26a - Hernani, Gipuzkoa, 2003ko abuztuaren 16a) bertsolaria eta euskal idazlea izan zen. Kontakizun modu tradizionala erabili zuen Neronek...