Albisteak
Aramaiok hartu zuen larunbatean Gorbeialdeko eskolarteko topaketa
2013/05/20Aurreko asteburuko bi topaketen ostean, Arabako eskolartekoaren azken-aurreko topaketa ospatu zuten larunbatean Aramaion. Bertan Aramaioko bertso-eskolako haur eta gazteek eta Legutioko bertso-eskoletako gazteek hartu zuten parte.
Eskolartekoak aurrera darrai
2013/05/16Saio andana izango da datozen bi asteotan Araban, Bizkaian, Gipuzkoan eta Iparraldean. Hona hemen datozen ekitaldien agenda.
"Bertsopilota" ikuskizun berria aurkeztu da gaur
2013/05/16Iker Urmeneta pilotariak eta Beñat Gaztelumendi bertsolariak bertsoa eta pilota batzen dituen ikuskizuna aurkeztu dute Donostian. Ereñozun ariko dira datorren ekainaren 15ean.
Gazeta eta Azkarateko bertso afariak “Hitzetik Hortzera”-n
2013/05/15Mikel Irizarrek erakutsi dio Elorrioko Gazeta auzoa Jon Artanori, eta elkarrekin joan dira afaritara.
Abian da Arabako bertsolari gaztetxoen eskolartekoa
2013/05/13Ostiralean, maiatzaren 10ean, abiatu zen arabako bertsolari gaztetxoen eskolartekoa, Gasteizko Armentia ikastolan. Biharamunean, maiatzaren 11n, Zaduondoko Lazarraga jauregian izan zen Lautadako bertso-eskolen eskolarteko topaketa eta festa eguna. Datorren asteburuan izango da azken topaketa Aramaion eta Araba osoko eskolarteko festa ekainaren 1ean izango da Legution.
Nafarroako Bertso Eskolen eguna eta 14 urte arteko eskolarteko bertsolari txapelketa Donezteben
2013/05/13Bertso Eskoletan dabiltzan 14 urte arteko Nafarroa osoko gaztetxoek larunbatean ospatu zuten Nafarroako Bertso Eskolen Eguna. Doneztebeko zinema aretoak 80 gazte bildu zituen, besteak beste, Lesaka, Arantza, Igantzi, Doneztebe, Sunbilla, Baztan, Leitza, Altsasu, Iruñea, Barañain, Berriozar, Antsoain eta Atarrabiatik etorritakoak. Bertsoaren inguruan elkar ezagutzeko eta ikasturteari amaiera emateko festa izan zen larunbatekoa.
"Hango eta hemengo" bertso saioa Hitzetik Hortzeran
2013/05/08Bertso eskolak eta Ttakun euskara elkarteak antolatuta, ohiko moldeetan sartzen ez den bertso saioa egin ohi dute Lasarten urte sasoi honetan. Bertsotan, Ane Labaka eta Unai Muñoa herritarrak aritu dira aurten ere. Eta haiekin batera Andoni Egaña, Jon Maia eta Xabi Paya. Algortarra, kantatu ez duen bertsoaldietan, kideen bat-bateko jarduna gaztelerara itzultzen aritu da, Lasarteko kultur etxera bildutako erdaldunei saioa jarraitzen laguntzeko. Bertan izan da Hitzetik Hortzera.
Eskolarteko bertsolari txapelketan murgilduta dabiltza gaztetxoak
2013/05/08Nafarroan Bertso Eskolen Eguna ospatuko da larunbatean Donezteben; bertan, besteak beste, 14 urte arteko eskolarteko finala jokatuko da. Bizkaian bertso jarrien finala ospatuko da ostiralean Gernikan. Gipuzkoan eskolarteko kanporaketa saioa izango da ostiralean Zarautzen eta Araban Gasteizaldeko eta Lautadako eskolartekoak ospatuko dira, ostiralean eta larunbatean, hurrenez hurren.
70 haur inguru Iparraldeko bertsu-eskolen topaketetan
2013/05/02Lapurdi, Baxenafarroa eta Zuberoako bertsu eskola ezberdinetako haurrak bildu ziren bi egunez, apirilaren 29 eta 30ean, Baigorriko Oronozia Etxartean. Bertsoaren aitzakian elkartu, elkar ezagutu eta ongi pasatzea ziren Topaketen helburuak. Lehen egunean jolasak, tailerrak eta Oscar Estangaren bisita ukan zituzten. Bigarren egunean, goiza Xiba eta bertsolaritzaren inguruko jolasekin iragan zuten eta arratsaldean Bertsulari Gazteen Xapelgoko bi kanporaketak iragan ziren.
Patxi Vilaren omenaldia Hitzetik Hortzeran
2013/04/30Ibardinen izan da beratararren omenezko bertso afaria, eta bizikletaz igo dira Artano eta biak. Ostiral iluntzean ikusi ahal izango dugu etb1en. Eta nahi dugunean eitb nahieranen. Italiako Giroko emankizunak direla eta igande bazkalostean ez da izango HHrik datozen asteetan.
