Albisteak
Donostian jokatuko da Txapelketa Nagusiko seigarren finalaurrekoa
2013/11/22Bigarren itzuliko bigarren finalaurrekoa izango da Donostiakoa. Aforo handitze aldera azkenean saioa Gaska kiroldegian izango da eta ez hasieran iragarrita zegoen moduan Atano III. pilotalekuan. Sarrera guztiak aurretik saldu dira, hortaz ez da takila zabalduko igandean. Saioa zuzenean segitzen ahalko da Hitzetik Hortzera eta Bertsoa.com-en bitartez.
Txapelketako azken finalaurrekoa aurkeztu dute Maule-Lextarren
2013/11/22Maule-Lextarren jokatuko da azaroaren 30ean Bertsolari Txapelketa Nagusiko azken finalaurrekoa. Saio horren berririk eman dute Michel Etchebest, Maule-Lextarreko aüzapezak; Joana Itzaina, Bertsularien Lagunak Elkarteko lehendakariak eta Jon Agirresarobe, Bertsolari Txapelketa Nagusiko koordinatzaileak Maule-Lextarreko Herriko Etxean egin duten agerraldian.
Elizondon abiatuko da larunbatean finalaurrekoen bigarren itzulia
2013/11/21Txapelketa Nagusiko bosgarren finalaurrekoa da Elizondon larunbatean jokatuko dena, bigarren itzuliko lehena. Sei bertsolari igoko dira oholtzara finalean posturen baten bila. Elizondoko saiorako sarrera guztiak amaitu dira, larunbatean ez da takila zabalduko. Saioa Hitzetik Hortzeran edo Bertso.com-en segitu daiteke zuzenean.
Abenduaren 7an urteurren festa!
2013/11/20Abenduaren 7an, 18.00etatik 19.00etara, Durangoko Azokan egingo dan bertso ekitaldi labur batekin ospatuko dugu Bizkaiko Bertsozale Elkartearen 30. urteurrenaren harira antolatu ditugun ekintzen amaiera.
Donostiako finalaurrekorako sarrerak amaitu dira
2013/11/19Txapelketa Nagusiko seigarren finalaurrekoa jokatuko da igandean Donostian eta dagoeneko saldu dira sarrera guztiak. Igandean ez da lehiatilarik zabalduko.
Donostiako finalaurrekorako azken sarrerak salgai
2013/11/19Datorren igandean Donostian jokatuko den finalaurrekoa Gaska kiroldegian izango da. Atano III pilotalekuan izatekoa zen, baina sarrerak berehala saldu zirenez, bertsozale gehiagori aukera eman nahian leku aldaketa bideratzen aritu da txapelketako antolakuntza. Aldaketa emateko baimen guztiak eskuratu dira eta salgai dira, beraz, Donostiako saioa ikusteko azkeneko sarrerak www.bertsosarrerak.eu atarian.
Elizondoko finalaurrekorako sarrerak amaitu dira
2013/11/18Txapelketa Nagusiko bosgarren finalaurrekoa jokatuko da larunbatean Elizondon eta dagoeneko sarrera guztiak saldu dira. Hortaz, ez da lehiatila zabalduko. Igandean Donostian jokatuko den finalaurrekoa Gaska kiroldegian jokatuko da, Atano III pilotalekuaren aforoa bete baita. Oraingoz, Donostiarako sarrera salmenta etenda dago, behar diren baimenak bideratu arte.
Xalto sariketako finala Goizuetan jokatuko da azaroaren 22an
2013/11/18Xabier Maia, Oier Amiano, Iker Gorosterrazu, Iban Garro, Mikel Lasarte eta Amaia Elizagoien arituko dira Goizuetako Umore Ona elkartean egingo den finalean
Sustraik Colinak Murgian irabazita, osatu da finalaurrekoen bigarren itzulia
2013/11/17Sustrai Colinak irabazi du Txapelketa Nagusiko laugarren finalaurrekoa. Haren atzetik Beñat Gaztelumendi, Aitor Mendiluze, Unai Agirre, Fredi Paia eta Xabier Silveira sailkatu dira. Finalaurrekoen lehen itzuli azken saioa zen Murgiakoa, eta erabakita utzi du du bigarren pasa diren 18 bertsolariak.
Aitor Sarriegi nagusitu da Oiartzungo hirugarren finalaurrekoan
2013/11/16Aitor Sarriegik irabazi du Oiartzunen jokatu den finalaurrekoa. Donostian kantatuko du bigarren itzulian. Haren atzetik Alaia Martin, Agin Laburu, Jon Maia, Odei Barroso eta Beñat Lizaso sailkatu dira. Murgian jokatuko da bihar lehen itzuliko azken finalaurrekoa.
