Gipuzkoa

Gipuzkoako Eskolartekoa

EH-eskolartekoa2014.jpgOrain arte, Ikastolen Elkarteak eta Bertsozale Elkarteak, nork bere bidetik landu du bertsolaritza. Orain bi urte, baina, elkarrekin bide oparo bat egiteko elkartu ziren bi erakundeak. Lankidetza horren ondorio da, besteak beste, 2014ko Eskolarteko Txapelketa eta Bertso Eskolen Eguna elkarrekin antolatzea

Berrikuntza: filosofian eta formatuetan

Kanporaketa egun bakoitzean, hiru ekimen antolatuko dira herri berean.

                 -Idatzizko sariketa, ohi bezala egingo dena: ikastetxe batean herri ezberdinetako ikastetxeetako ikasleak elkartu, eta bertsoak jartzeko gaia emango zaie, eta denbora jakin bat. Lanak bertan aurkeztuko dituzte, eta lan hautatuak bat-bateko txapelketaren final egunean sarituko dira.

                 -Saio didaktikoa, lehen aldiz egingo dena. Idatzizko lanak egin dituzten ikasle horiek elkartuko dira hurbileko areto batean, eta eurentzat neurrikoa (erakargarria) izango den saio bat eskainiko dute inguruko bertso-eskoletako haurrek eta bi bertsolari ezagunek. Gai jartzaileak publikoa ere inplikatzeko ariketak jarriko dizkie.

                 -Bat-bateko txapelketaren kanporaketa. 15-18 urteko gazteek hartuko dute parte (15 urtez beherakoak ez dira bat-batekoan lehiatuko). Herriko elkarte batean bertso afari formatuan egingo dute bat-bateko kanporaketa saioa, arratseko 19:00etan hasita.

Agenda

2019-10-20 Irun Txapelketa

Gipuzkoako Bertsolari Txapelketa. Final-laurdenak

2019-10-23 Tolosa Plaza librea

"Adin adin" egitasmoa. Bertsolariak

2019-10-24 Zestoa Plaza librea

"Adin adin" egitasmoa. Bertsolariak

2019-10-25 Tolosa Berezia

"Ama-alu-lur festa 10 urte zikloian" emanaldia

Agenda osoa

BDB gaur

2016-07-30 Algorta

Amets Arzallus, Arrate Illaro Etxebarria, Sebastian Lizaso, Iker Zubeldia

S. Lizaso
Bertsolaria saio denetan
ahalegintzen da benetan
urtean zehar eta udaran
haseran buruhaustetan
ta sentimendu bikoitza ohi da
sarri herriko festetan:
osagarriak gera batzutan
betegarriak bestetan. (bis)

A.Illaro
Baina festetan gauza politak
izaten dira gehienak
nik estimatzen ditut aurrean
izaten ditugun denak
baina badira pertsona batzuk
nire ustetan onenak
kriston ajea izanda ere
huts egiten ez dutenak. (bis)

I. Zubeldia
Etxetik irten goizean eta
abitzen naiz tirri-tarra
badakizue bizimodu hau
degula golfo xamarra.
Igo oholtzara eta agurra
hor sortzen da zoritxarra
bertsoarekin nahiko lan ez ta
mikroai heldu beharra. (bis)

A. Arzallus 
Eta batzutan tonbolaren  bat
panpin eta erregali
beste batzutan petardo batzuk
haur batzuk goruntz bidali.
Bertsolariak isiltasuna
nahi du bertsotan irauli
isiltasunik ez dagonean
ezin da ezer itzuli. (bis)

S. Lizaso
Gaur bezelaxe nunahitan ohi da
entzule talde fidela
beste batzuek gelditzen dira
paseatzen doazela.
Nahiz eta ohartu gure esanik
ulertzen ez digutela
guri begira gelditzen dira
hontza trenari bezela. (bis)

A.Illaro
Joan eta inork ez entzutea
badakit zer den ondo nik
eta badakit nor egoten den
sarri egin barik lorik.
Lehenengo rondan gauza onik nik
ez dut ez entzun askorik
baina Algortan ez da izaten
kexatzeko motiborik. (bis)

I. Zubeldia
Gauza txarrak dauzka ta gauza onak
nola bata ta bestea
dena ez degu beti alaia
ta dana ez da tristea
ez da erreza errepidean
honuntzaino iristea
baina ederra da etorri ta zai
zaudetela ikustea. (bis)

A. Arzallus 
Festa giroak arretarekin
badu arazo sakona
kolapsatuta daude gainera
Bilbo, Donosti, Baiona
aipatu dugu paseokoen
geldirik ezin egona.
Hainbeste gauz txar ta gu bertsotan
zerbait badu oso ona. (bis)

Lekuona, Manuel

Hil 1987-07-30

Baliarrainen eman zien hasiera apaizbideko ikasketei (1904). Gasteizko apaizgaitegian burutu zituen bere ikasketak 1915ean. 1916an eman zuen meza berria. Gasteizko Apaizgaitegiko euskara irakaslea iz...

Zabaleta Lekuona, Juan (1894-1950)

Hil 1950-07-30

Monika Galarragarekin 1922an ezkondua. Eskolan bi urte besterik ez zituen egin, baina ikasteko izugarrizko gogoa ekarri zuen txikitandik. Mahaian ere irakurtzen jarduten zen. Belar-txortenak hautsi e...

Maitatua sobera I / Uharte jauregia I

Bertso hauek UMORE EDERRIAN izeneko doinuan ere kantatu izan dira Ikus. Mariya 31; Unatua heldu naiz¿dakar izenburu Pedro Joan Etxamendi luzaidetarrak Auspoa 288 doinu bildukako 60 garrenean.