Gipuzkoa

Historia

Gipuzkoako Bertsozale Elkartea 1993ko maiatzaren 17an sortu zen irabazi asmorik gabeko elkartea da. 1987an sortu zen Euskal Herriko Bertsolari Elkartea, eta haren helburua Euskal Herri osoko bertsolaritza bazen ere, Gipuzkoako dinamismoa hartu zuen oinarri, eta egoitza bera ere herrialde honetan kokatu izanak ez zuen erraztu Gipuzkoako Elkarteak bere nortasun propioa lantzeko egin beharreko bidea.

Gipuzkoako Elkarteak bere hastapenetik garatu duen lan ildo nagusia hedapenarena izan da, hala nola:

  • 1999an Herriarteko Bertsolarien Txapelketa. Ehun bertsolarik baino gehiagok hartu zuten parte, lehiak sortu ohi duen tentsio eta urduritasuna alde batera utzirik.
  • Bertsolari Txapelketa Nagusietarako herrialdeko ordezkariak hautatzeko antolatu diren txapelketa edo kanporaketak, 1991, 1995, 2001 eta 2003, 2007 eta 2011n.

BDB gaur

2004-08-19 Bilbo

Oihane Enbeita

Askatasuna falta danean
herri bat ez da bardina:
poza beti da pozgarriago
mingarriago samina.
Ikurrinagaz gu zeintzuk garen
adierazteko dau grina
nahiz Polizia alkatearen
aginduz jardun jakina
barriro bistan geratuko da
tiranoaren ezina.

Barrura asko sartu ohi dabez
baina badago kantera;
batzuk kanpora joan behar dabe
gu joaten gara kalera
pankarta baten bihotz barruan
nahi doguna idaztera
nahiz ta ikurrina oztopatzeko
gero etorri kargatzera
gure ganetik ez da pasako
Espainiako bandera!

Elizegi, Mikela "Mikela Zintzarri"

Jaio 1869-08-19

"Pello Errota" liburutik: "Mikela, Pello Errotaren seme-alabetatik laugarrena, 1869-ko abuztuaren 19-an jaio zan. 1893-ko urriaren 14-ean, Asteasuko Ondartza-aurrena baserrira, Antton Kortajarenareki...

Animoak ta eupadak

2005eko Txapelketa Nagusiko finalean, Barakaldon, plazaratu zuen Maialen Lujanbiok, goizez kartzelako ariketan. Lleida eta Tarragona inguruetako emakume taldeek santu batekin etxez etxe kantari erabiltzen zuten doinu tradizionala. CanÇo de pandero izeneko liburuxkan argitaratua omen dago. Doinuaren bigarren zatia, Maialen Lujanbiok moldatua omen da.