Gipuzkoa

Asteburu ederra Lasturren

2017/04/26
Azken urteetan bezala Gipuzkoako bertso-eskoletako gazteek Lasturren hiru egunez gozatzeko aukera izan zuten.

Apirilaren 21etik 23ra izan zen aurtengo Lasturko egonaldia. Bertan bildu ziren Gipuzkoako bertso-eskoletako 14-18 urte bitarteko gazteak. 

Ekintza eta gonbidatu desberdinak izan ziren aurtengoan ere. Lehenbiziko egunean Mikel Markezen bisita jaso zuten eta berarekin denbora luzez berriketan egon ondoren euskal kantagintzaren bilakaera aztertzeko aukera izan zuten. Ondoren, ez zen kanturik falta izan.

Larunbatean berriz, Julio Soto eta Eneko Lazkozek Nafarroako finaleko buruz burukoa errepikatzeko aukera ederra izan zuten, Lasturretik Endoiara oinez joan eta bertan egindako bertso bazkarian.

Nola ez, gazteek sormenerako tartea ere izan zuten eta beste behin ere lagun berriak ezagutu eta bertsoaz eta honen inguruaz gozatzeko aukera paregabea izan zen Lasturkoa.

Oroitzapen goxoekin eta hurrengoaren zain geratu dira guztiak!

Agenda

2018-02-23 Oñati Eskolartekoa

Gipuzkoako Eskolarteko Bertsolari Txapelketa. Kanporaketa. Bertso afaria

2018-02-23 Asteasu Bertso-berri jarriak

Pello Errotaren 100.urteurrena. Bertso jarrien afaria

2018-02-23 Alegia Jaialdia

Gaztetxearen 30. urteurrena. Bertso-saioa

2018-02-23 Urretxu Sariketa

Martxoan bertsoa. Kanporaketa. Historiaurrea: bilbosaurioak, gbe, patxi bakallo eta cia

Agenda osoa

BDB gaur

1992-02-22 Azkoitia

Andoni Egaña

Baztartxo zaharrak txukundu digu
bere eskaparatia,
ahal dan bezela kunplitu degu
Laxaron borondatia,
Lizasok dauzka dozena puru,
nik Ducados paketia,
erre ezinda erreta nago
amorrazioz betia,
hau da txoria gari artean
gosez hiltzen egotia. (BIS)

Gaurko honetan hori ez degu
nere problema bakarra,
honuntz nentorren eta neskatxak
hor zebiltzan barra-barra,
batek keinua egiten zidan,
beste batek irriparra,
baina eraztun bat ere badet
ta hori ez da txatarra,
hau da txoria gari artean
goseak egon beharra. (BIS)

Etxabe, Axentxio "Axentxio Txanka"

Jaio 1890-02-22

Ezkongabea. Josefa Lertxundi eta Inazio Mari Galo Etxaberen 4 seme alabetatik gazteena zen. Aita ere bertsolaria zuen, semea baina plazagizonagoa zen, parraldazale amorroatua. Axentxio berriz ez zen p...

Pozak txoratzen hementxe dago / Basilika berriarena

MUTIL KOXKOR BAT ITSUAURREKO I doinu bera da puntu gehiagotara luzatua. Basarriren bertsoa egokitu diot, 60 Txapelketakoa.