Gipuzkoa

Amets Aizpurua nagusitu da Eskolartekoko bigarren kanporaketan

2023/03/20
Hirugarren kanporaketa martxoaren 24an, ostiral honetan jokatuko da Errezilen.

Martxoaren 17an, pasa den ostiralean jokatu zen Gipuzkoako Eskolarteko Txapelketako bigarren kanporaketa. Zarauzko Urpekoak Elkartean 65 lagun inguru elkartu ziren afalosteko saioaz gozatzeko. Kantuan Urko Arakistain, Jakes Etxeberria, Maddi Lasa, Araitz Ramos, Sustrai Goenaga eta Amets Aizpurua aritu ziren, azkenean, azken honek irabazi zuen saioa. Honenbestez, saioa irabazita zuzenean pasa da Lasturren jokatuko den finalera, besteek gainontzeko kanporaketetako emaitzen zain egon beharko dute.

Gai jartzailea Joanes Zubia izan zen eta bertsolarien lanak epaitzen Zigor Leunda, Leire Beloki eta Bakarne Urreaga aritu ziren, kopletako ariketan laguntzeko trikitilariak, berriz, Araitz Etxaniz eta Onditz Alberdi izan ziren.

Hurrengo kanporaketa ostiral honetan, martxoaren 24an izango da Errezilgo Erniope Elkartean. Kanturan arituko diren bertsolariak ondorengo hauek izango dira:

Jon Mendiluze

Izar Zelarain

Jare Bengoetxea

Peru Alijostes

Beñat Zeberio

Egiar Otegi

Afarirako txartelak www.bertsosarrerak.eus atarian egongo dira salgai ostegun eguerdira arte (lehenago agortu ezean).

Zarauzko kanporaketako parte hartzaileak