Badator Bizkaiko Eskolarteko Txapelketa
Bizkaiko eskolarteko bat-bateko txapelketa hastear dago. Bihar izango da lehenengo kanporaketa Deustuko Bidarte Kultur gunean, 17:00etatik aurrera.
Lau kanporaketa jokatuko dira:
• Maiatzak 7: Deustun, Bidarte kultur gunean, 17:00etan
• Maiatzak 8: Durangon, Kurutziaga ikastolan, 17:00etan
• Maiatzak 13: Lemoan, Jubilatuen gaineko aretoan, 16:30ean
• Maiatzak 15: Getxon, Erromoko kultur etxean, 17:00etan
18 urtetik beherako bertsolari bizkaitarrek parte hartu ahal izango dute Bizkaiko Eskolartekoan. Bertsolariek ariketa hauek egin beharko dituzte kanporaketetan:
• Lau oinak emanda bertso bat zortziko txikian
• Berba emanda bertso bat gehienez hamarreko handian
• Ofiziotan bina bertso zortziko txikian
Saio bakoitzean parte hartzen duten bertsolarietatik, lauk aurrera egingo dute, eta horiek, ariketa hauek kantatu beharko dituzte saioaren bigarren atalean:
• Ofiziotan zortziko handian bina bertso
• Kartzelako lana: bakarka gehienez 10eko handian gai bati erantzunez
Finala, Abadiñon
Kanporaketak jokatu ostean, zortzi bertsolari pasatuko dira finalera. Finala maiatzaren 25ean jokatuko da Abadiñoko probalekuan, Bizkaiko Taldekako finalarekin batera. Egitarau zabala egongo da egun horretan:
• 10:00etan: Eskolarteko idatzizko finala frontoian
• 11:30ean: Eskolarteko bat-bateko finala
• 14:30ean: Bazkaria: frontoian
• 17:00etan: Bizkaiko Taldekako finala
Finaleko egunean egingo den bazkarirako txartelak www.bertsosarrerak.eus atarian daude salgai, 10€-en truke.
