Bertsozale.eus Bertsozale Elkartea

Xiberoa, Lapurdi eta Baxenabarre

Sustrai Colinak jantzi du berriro xapela

2016/11/12

1.600 lagun baino gehiago bildu dira gaur Baionako Laugan Xilabako finala jarraitzeko; hurbiltzeko aukerarik izan ez dutenek telebistaz, irratiz zein Internetez ikusi eta entzuteko aukera izan dute.

Jarraitu Xilabako finala zuzenean

2016/11/11

Irrati, telebista zein Interneten izango da bihar Baionan jokatuko den Xilabako finala ikusteko edota entzuteko aukera.

Donibane Lohizunen abiatutako XILABA, datorren larunbatean Baionako helmugara iritsiko da

2016/11/08

Irailaren 24an Donibane Lohizunen abiatu zen XILABA, datorren larunbatean azaroaren 12an iritsiko da Baionako helmugara. Bertan jokatuko den Finalean, Amets Arzallus, Maddalen Arzallus, Miren Artetxe, Odei Barroso, Sustrai Colina, eta Xumai Murua bertsulariak neurtuko dira. Joana Itzaina arituko da gai-emaile Baionako Lauga gelan. Epaile lanetak sei kide izanen dira bertsularien lanak neurtzeko ardura ukanen dutenak. Eta aurten, Panpili Trekuk, Mattin Treku bertsularien semeak, jantziko dio xapela xapeldun berriari.Saioa 17:00etan hasiko da.

XILABA V. Bertsulari Xapelketako Finala aurkeztu da Baionan

2016/11/03

Gaur arratsaldean aurkeztu da prentsaurreko baten bitartez Xiberoa, Lapurdi eta Baxenabarreko V. Bertsulari Xapelketako finala. Prentsaurreko horretan izan dira: Joana Itzaina, Bertsularien Lagunak elkarteko lehendakari anderea, Marikarmen Albizu, Bertsularien Lagunak elkarteko eragile anderea eta Antolakuntza arduraduna, eta sei bertsulari finalistak (Amets Arzallus, Maddalen Arzallus, Miren Artetxe, Odei Barroso, Sustrai Colina, eta Xumai Murua).

Xiberoa, Lapurdi eta Baxenabarreko 2016ko Bertsulari Xapelketaren FINALA-ren aurkezpena

2016/10/31

Heldu den ostegunean, azaroaren 03, Baionako Lauga gelan, Xiberoa, Lapurdi eta Baxenabarreko 2016ko Bertsulari Xapelketaren FINALA aurkeztuko da.

Larresoron argitu da nortzuk kantatuko duten azaroaren 12an Laugako finalean

2016/10/30

Sustrai Colinak irabazi du Larresoroko herriko gelan jokatu den Xilaba bertsulari xapelketako azken finalaurrekoan. Haren atzetik sailkatu dira Odei Barroso, Eneritz Zabaleta, Xumai Murua, Aitor Servier eta Ramuntxo Christy. Lau finalaurrekoetan bertsulari bakoitzak ateratako puntuak batu ondoren erabakita gelditu da zein seikotek kantatuko duen azaroaren 12an Baionako Laugan ospatuko den finalean.

Larunbatean ospatuko da Larresoron XILABA xapelketako azken finalaurrekoa

2016/10/25

Irailaren 24an Donibane Lohizunen abiatu zen Xilaba, Muskilditik, Baigorritik, Izturitzetik eta Aiziritzetik pasa ondoren, datorren larunbatean urriaren 29 iritsiko da Larresorora. Bertan jokatuko den azken finalaurrekoan Sustrai Colina, Odei Barroso, Xumai Murua, Eneritz Zabaleta, Aitor Servier, eta Ramuntxo Christy bertsulariak neurtuko dira. Maiana Irigoien arituko da gai-emaile lanetan Larresoroko Herriko gelan. Saioa 17:00etan hasiko da. Sarrerak bertan izanen dituzue salgai.

Aiziritzen emazteak kantuan

2016/10/24

Lehen agurrean izan zituen Miren Artetxek Aña Debrua eta Marie Hargain bertsulariak aipagai besteak beste, emazteen indarra saiorako lagun izanen zuela erranez. Hain zuzen ere, harekin batean, beste hiru emazte ziren kantari Aiziritzen, Maddalen Arzallus, Nahia Sasco eta Maddi Sarasua. Oholtza gainean kantulagun izan zituzten Egoitz Zelaia, eta Sustrai Colinaren orde kantatu zuen Amets Arzallusek, lehena aita izan berri zelako goiz hartan.

Larunbatean ospatuko da Aiziritzen XILABA xapelketako Finalaurrekoen bigarren itzuliko lehen saioa

2016/10/19

Irailaren 24an Donibane Lohizunen abiatu zen Xilaba, Muskilditik, Baigorritik eta Izturitzetik pasa ondoren, datorren larunbatean urriaren 22 iritsiko da Aiziritzera. Bertan jokatuko den finalaurrekoen bigarren itzuliko lehen saioan Egoitz Zelaia, Maddalen Arzallus, Maddi Sarasua, Miren Artetxe, Nahia Sasco, eta Sustrai Colina bertsulariak neurtuko dira. Pettan Prebende arituko da gai-emaile lanetan Aiziritzeko Herriko gelan. Saioa 17:00etan hasiko da. Sarrerak bertan izanen dituzue salgai.

Izturitzen, bigarren itzuliko saioak erabaki dira

2016/10/17

Xilaba Bertsulari Xapelketako finalaurrekoen lehen itzuliko bigarren saioa jokatu zen pasa den larunbatean Izturitzeko Herriko gelan. Amets Arzallusek eskuratu zuen lehen postua, sailkapenean bigarren izan zen Maddalen Arzallus, hirugarren Eneritz Zabaleta, laugarren Maddi Sarasua, bosgarren Nahia Sasco eta seigarren Ramuntxo Christy.

Albiste gehiago

 

Twitter ikonoa fb email