IRUÑEA | Azaroak 29

Ekhiñe eta Eki, egunero joaten zarete elkarrekin autoz lanera. Gaur ere, irratian entzun duzue su etenaren ondoren hildako palestinarren kopurua gora doala.

Julio eta Saioa, senideak zarete. Zuen familiako kide bat estatuaren torturaren biktima izan zen. Bere omenezko plaka bat jarri behar duzue herrian. Debekatzeko eskaera egin dela jakin duzue.

Joanes eta Xabat, Billabesetako gidariak zarete. Hilabeteak dira greban ari zaretela. Gaurko lanuztean, zerbitzu minimoak betetzea egokitu zaizue.

Eneko eta Sarai, hezitzaileak zarete. Emakumeen kontrako indarkeriari buruzko tailerrak ematera joaten zarete ikastetxeetara. Azken urteetan, gazteen partetik geroz eta jarrera negazionista gehiago ikusten ari zarete.

Saioa eta Ekhiñe, bi lagun bertsozale zarete. Nafarroako finala ikustera joateko plana egin zenuten elkarrekin. Saioa, finala hasteko ordu erdi faltan Ekhiñek deitu dizu harrituta, esanez Anaitasunara iritsi dela eta han inor ez dagoela

Eki liburuzaina zara eta Julio, liburutegiko erabiltzailea. Eki, Julio liburu bat itzultzera etorri da. Sisteman begiratu duzunean, ikusi duzu 10 urteko atzerapenarekin ekarri duela.

Xabat dendaria zara eta Eneko bezeroa. Xabat, Enekok duela aste batzuk, oposizioak gainditzeko, zorte ona ematen duen amuleto bat erosi zizun. Gaur etorri zaizu kontu eske, ez dituelako gainditu.

Sarai eta Joanes, gimnasioko bi lagun zarete. Sarai, konturatu zara pisuekin ariketak egiten dituzuenean Joanesek beti hartzen dituela zureek baino kilo gehiago dituzten pisuak, nahiz eta gero ezinean ibili.

1, Lagunak dira gure altxor handiena. 2, Lagunak gutxi eta ezagunak mila. 3, Noiz bilakatzen ote da norbait laguna?

1, Korrika izango da martxoan berriro. 2, Furgonetan ariko al zara bertsotan? 3, Lekukoa hartzea zinez da polita

1, Zahartzaroak sortzen du kezka ugari. 2, Ehun urtera ez da erraz ailegatzen. 3, Zein da gaztetasuna mantentzeko giltza?

1, Jolasean pasatu dugu haurtzaroa. 2, Inoiz galtzen al dugu jolasteko grina? 3, Tranpak ere egoten dira jolasean

1, Kontsumisten eguna da ostiral beltza. 2, Sarean erosten da dena klik batean. 3, Ez al dugu erosten maiz beharrik gabe?

1, Esku-pilota gure herriko kirola. 2, Frontoietan giroa ez al da aldatu? 3, Apustu egitea ez da derrigorra

1, Liburu bakoitzean mila abentura. 2, Irakurtzea izan daiteke plazera. 3, Digitala, papera zein duzu nahiago?

1, Hegazkinez joaten gara edonora. 2, Kanpora bidaiatzen al dugu gehiegi? 3, Ez da jasangarria gaurko eredua

Ekhiñe, jantoki sozialeko langilea zara eta Julio boluntarioa. Ekhiñe, Juliok esan berri dizu gaindituta dagoela eta uztea pentsatzen ari dela.

Eki semea/alaba zara eta Saioa, gurasoa. Eki, gaur Saioak galdetu dizu babesik gabeko egoeran dagoen haur bat etxean hartzea zer iruditzen zaizun.

Joanes adinekoentzako eguneko zentroko erabiltzailea zara eta Eneko bertako monitorea. Joanes, Enekok esan dizu lana utziko duela eta hurrengo astetik aurrera euskaraz ez dakien beste monitore bat etorriko dela.

Xabat gurasoa zara eta Sarai semea/alaba. 6__________________, mugimendu antimilistaristan aritu zinen soldaduska indarrean zegoenean. Europako herrialde batzuetan soldaduska berreskuratzen ari direla eta, 8________________k esan dizu beldur dela hona ere itzuliko ote den.

Gurasoa zara. Ezin izan zenuen goi mailako ikasketarik egin. Gaur zure alabaren graduaziora joan zara.

Gaur lagunekin atera zara. Zure bikotekideak berriz ere mugikorrean zuzeneko kokapena bidaltzeko eskatu dizu.

Gaixotasun sendaezin bat duzu. Zure ingurukoak elkartu eta bizitza ospatzeko, besta bat egin nahi duzula erabaki duzu.

Txikitan egurra ematen zizun irakaslearen eskela argitaratu dute egunkarian. Irakurri duzunean, bakean sentitu zara.

Bakarrik bizi zara. Azken aldian, gauero, adimen artifizialarekin husten dituzu zure barrenak. Geroz eta ordu gehiago ematen dituzu berarekin hizketan.

Abortuak egiten dituzten klinika bateko langilea zara. Klinikaren aurrean errezatzera eta protestara etorritakoen jazarpena bizitu behar izan duzu.

Ospe handiko pertsona zara Euskal Herrian. Lasaiago bizitzeko zure bizilekutik aldentzea erabaki zenuen. Erabakiaz harro zaude.

Garai bateko bideo zinta zaharrak topatu dituzu ganbaran. Bizikletan ibiltzen ikasi zenueneko irudiak agertzen dira. Irribarre batek ihes egin dizu.

Joanes, San Saturnino eta Xabat San Fermin zarete. Joanes, gaur Xabat jeloskor hurbildu zaizu Nafarroako Bertsolari Txapelketako finala zure egunean egiten ari direlako.

Xabat eta Joanes politikariak zarete. Nafarroako hurrengo ustelkeria kasua diseinatzen ari zarete.

Harrera gozoa egin dizute.

Harrera gozoa egin dizute.