Julio Soto Ezkurdia

Ekhiñe eta Julio, bikotea zarete. Orain arte, euskaraz jakin arren, zuen arteko harremana gazteleraz izan da. Haur bat izan berri duzue, eta zuen hizkuntza ohitura aldatzeko hautua egin duzue.

Julio eta Jabi, lagunak zarete. Julio, Jabi sortzailea da eta azkenaldian jarraitzaile asko pilatzen dabil. Jabiren profilean sartu eta ohartu zara kontatzen dituen bizipen guztiak zure bizitzan onarrituta daudela.

Sarai eta Julio, anai-arrebak zarete. Familia bazkari batean zaudete. Zuen senide bat, ohi den moduan, iruzkin desegokiak egiten hasi da. Sarai, nazkatuta, zuk zerbait esan nahi diozu. Juliok uste du ez duela merezi.

1. Dantzatuz sortzen dugu 2. Jota, arin arina edo zortzikoa?

Zeharka begiratu duzu ispilura. Ikusitakoak poztu zaitu.

Julio eta Patxi. Abeltzainak zarete. Bailarako beste abeltzainekin batera, oporraldiak betetzeko langile bat kontratatu duzue. Horri esker, lehenengo aldiz, astebeteko oporraldia hartu ahal izan duzue.

Kattin eta Julio, taberna batean egiten den Tribial partidara joan zarete elkarrekin. Kattin, Juliok kontsultatu gabe erantzuten ditu galdera guztiak. Ez du bakarra ere asmatu.

Julio eta Jabi, elkarrekin korrika egiten duzuen bi lagun zarete. Hasieran aisialdi moduan hartu arren, etengabe egindako markei begira zabiltzate orain. Lasterketa duzue bihar. Julio, Jabik behingoagatik erlojurik gabe korrika egitea proposatu dizu.

1. Zenbat etxe huts daude / zure inguruan? 2. Independizatzea / ez da hain erraza 3. Herria turistena / bihurtzen ari da

Zure bizitzan aldaketak eraginen ditu. Bertigoa ematen dizun arren, egin nahi duzu.