Eki Mateorena Zozaia

Herri txiki batean bizi zareten bi lagun zarete. Gurasoen etxea utzi eta pisu bat alokatu nahi duzue herrian. Etxe huts aunitz dauden arren, inork ez du bere pisua alokairuan jarri nahi.

Eki, telesail bateko aktorea zara eta Aitor gidoilaria. Eki, atzo Aitorrekin eztabaida izan zenuen. Gaur, hurrengo kapituluko gidoia jaso berri duzu, eta, bertan, irakurri duzu zure pertsonaiaren heriotzaren eszena.

Egoitz eta Eki, aurtengo ikasturtean saltsa ikastaroan elkarrekin eman zenuten izena. Hilabete daramazue eta taldekideen mailatik oso behera zaudete. Egoitz, uzteko gogoa duzu. Ekik jarraitu nahi du.

1, Zenbat bizipen daude kafe baten bueltan? 2, Tartetxo horietan zainduz harremanak

Zure txikitako idoloa ezagutu duzu, ez da espero zenuena.

Eki eta Ekhiñe. Herrikideak zarete. Herriko ibai ertzean pilatzen den zikinkeriaz arduratuta, ibaia garbitzeko auzolanerako deialdia egin duzue. Harrituta zaudete deialdiak izan duen oihartzunaz.

Saioa, eta Eki lankideak zarete. Laneko derrigorrezko formazio bezala, motibazioa lantzeko “coach” batengana bidali zaituztete. Saioa , lehenengo saioaren atsedenaldian Ekik alde egiteko asmoa duela ikusi duzu.

Eki eta Julen lagunak zarete. Erabiltzen duzuen arroparen kontsumoa murriztu nahian zabiltzate. Eki, Julenek proposatu dizu oinarrizko joskintza tailer batean izena ematea.

1. Errepidean daude radarrak sobera 2. Ez al gara joaten sarri azkarregi? 3. Presaz gabiltza baina ez goaz inora

Berriz ere lekuz kanpo sentitu zara. Hala ere, bertan gelditzea erabaki duzu.

Ekhiñe eta Eki, egunero joaten zarete elkarrekin autoz lanera. Gaur ere, irratian entzun duzue su etenaren ondoren hildako palestinarren kopurua gora doala.

Eki liburuzaina zara eta Julio, liburutegiko erabiltzailea. Eki, Julio liburu bat itzultzera etorri da. Sisteman begiratu duzunean, ikusi duzu 10 urteko atzerapenarekin ekarri duela.

1, Korrika izango da martxoan berriro. 2, Furgonetan ariko al zara bertsotan? 3, Lekukoa hartzea zinez da polita

Eki semea/alaba zara eta Saioa, gurasoa. Eki, gaur Saioak galdetu dizu babesik gabeko egoeran dagoen haur bat etxean hartzea zer iruditzen zaizun.

Gaur lagunekin atera zara. Zure bikotekideak berriz ere mugikorrean zuzeneko kokapena bidaltzeko eskatu dizu.