Gipuzkoa

Erabaki da Gipuzkoako Eskolarteko finalean ariko den zortzikotea

2018/03/19
Joan den ostiralean erabaki zen zein zortzi bertsolari ariko diren Lasturren, apirilaren 20an jokatuko den bat-bateko Gipuzkoako Eskolarteko Txapelketako finalean. Azken kanporaketa Anoetako Kuku Elkartean izan zen, eta Maddi Aiestaran nagusitu zen 60 entzule ingururen aurrean.

Xabier Agirre, Maddi Aiestaran, Hodei Munduate, Eder Iturralde eta Araitz Sagarna aritu ziren bertsotan ostiral gauean, Anoetako Kuku Elkartean. 65 entzule inguru bertaratu ziren eta Maddi Aiestaran beasaindarra izan zen saioko irabazlea. Apirilaren 20an, beraz, Lasturko finalean ariko da. Horrez gain, finaleko zortzikotea zein izango den ere argitu zen Anoetan. Honakoa:

- Imanol Albizu Gurrutxaga (Zestoako kanporaketako irabazlea)
- Haizea Arana Cardenal (Oñatiko kanporaketako irabazlea)
- Uxue Alkorta Iturbe (Orioko kanporaketako irabazlea)
- Aner Peritz Manterola “Euzkitze” (Ereñotzuko kanporaketako irabazlea)
- Maddi Aiestaran Iparragirre (Anoetako kanporaketako irabazlea)
- Oihana Arana Cardenal
- Aitor Tatiegi Loidi
- Oihana Labiano Sorazu

Finala ere, aurten lehenengoz, bertso afari formatuan izango da, Lasturren. Ohi bezala, txartelak www.bertsozale.eus webgunean izango dira salgai, apirilaren 18ko eguerdia bitarte.

Agenda

2018-08-14 Gabiria Jaialdia

Bertso jaialdia

2018-08-14 Donostia Berezia

Aste Nagusia. Xibaroen bertso saio musikatua

2018-08-15 Donostia Jaialdia

Aste Nagusia. Bertso saioa

Agenda osoa

BDB gaur

1994-08-14 Gabiria

Juan Jose Eizmendi "Loidisaletxe II"

I. Murua:
Errezilen zer moduz
dabiltza akerrak?
Loidisaletxe II:
Nahikoa gozatuaz
ahuntzari eskerrak,
pasatzen dizkiate
momentu ederrak,
gero azaltzen dituk
eindako okerrak.

Arraiza, Eugenio

Jaio 1936-08-14

Nafar kultura-ikertzaile eta eragilea da. Zientzia Zehatzak eta Marrazki Artistikoa ikasi zituen Madrilgo Unibertsitatean (1953-1954), eta ikasketak Zaragozako Unibertsitatean jarraitu zituen. Loiolan...

Capdeville, Piarres "Kattabil"

Jaio 1868-08-14

...

Eizmendi, Eusebio "Txapel" (1893-1969)

Jaio 1893-08-14

Errezilgo Antxubi-goikoa edo Antzizurbi baserrian jaio zen eta baserri honi ere Txapel izenez deitzen zioten, hortik bertsolariaren ezizena. Zestugile lanak Azpeitira eraman zuen eta bertan Josefa Iña...

Elizegi, Lukasia

Hil 1941-08-14

"Pello Errotaren itzala" liburutik: "Lukasia Elizegi, Pello Errotaren illoba, bera ere bertsolari polita zan; eta ederrak kantatu ere, kantatu izan zizkion bati baño geiagori, ez bearbada plazan, bañ...

Elizegi Maiz, Juan Kruz

Hil 1902-08-14

Pello Errotaren anaia. Gerratean karlistetan ibilia.Maria Juana Baraibar Ortizekin ezkondua ...

Txirrita

Jaio 1860-08-14

Gazteluene baserrian eman zituen azken urteak. Goizuetara bertsotara zihoala, buruko atakeak jota hil zen. 1936an Euskal Herriko txapeldun izan zen, hirurogeita hamasei urte zituela. Garai hartako Ber...

Elizanburu, Joan Batista

Jaio 1820-08-14

Labaien eta Sarasolaren ustez XIX. mendeko euskal poetarik onena izan zen. Larresoroko apazgaitegian egin zituen ikasketak. Alabaina, apaiz ikasketak utzi eta Frantziako armadan sartu zen, kapitain m...

Nere sentimentua

NERE SENTIMENTUA eta EUSKALDUNOK MUNDUAN, ez dute erritmo berdina.