Eskolartekoa 2020

Otsailean hasiko du ibilbidea lurraldeetan eta ekainaren 13an elkartuko dira parte-hartzaileak 2020ko Eskolartekoaren festa-finalean.

Hiru hamarkadatako bidea egin du egitasmoak lurralde guztietan modu bateratuan egiten denetik, eta 32. aldia izango du 2020koa. Idatzizko zein bat-bateko txapelketak egin ohi dira Euskal Herriko ikastetxeetan; Ikastolen Elkarteak eta Bertsozale Elkarteak gauzatzen dugu elkarlanean bat-bateko egitasmoa. 15-18 urteko gazteek hartu ohi dute parte horretan.

Otsailaren amaieran bidea ekinda, ekainean amaituko da lurralde guztietako parte-hartzaileak elkartuko dituen jaiarekin.

2019-06-08 Sara

Lurralde bakoitzak bere txapelketa izango du, eta bat-batekoari dagokionez, zenbait lurraldek saio bat baino gehiago egingo dituzte: Gipuzkoako, Bizkaiko eta Lapurdi, Baxenabarre eta Zuberoako eskolartekoek, kasu.

Araban, bi egun gordetzen dituzte adin tarte ezberdinentzat.

Euskal Herriko festa-finala ekainaren 13an izango da; 2020an, Bizkaian.

Eskolarteko azken eguneko jaiak

  • Gipuzkoa. Eskolarteko bat-bateko txapelketaren finala apirilaren 3an, Lasturren.
  • Nafarroa. Eskolarteko bat-bateko txapelketaren finala apirilaren 24an.
  • Lapurdi, Baxenabarre eta Zuberoa. Eskolarteko bat-bateko txapelketaren finala maiatzaren 24an, Itsasun.
  • Bizkaia. Eskolarteko bat-bateko txapelketaren finala maiatzaren 30ean.
  • Araba. Eskolarteko bat-bateko txapelketaren finala (gazteena) zein Bertsoa Bizi Gazte Eguna maiatzaren 23n, Legution. | Eskolarteko bat-bateko txapelketa (haurrak) ekainaren 6an, Zigoitian.
  • Eskolarteko bat-bateko txapelketaren Euskal Herriko finala eta festa ekainaren 13an.