Bertsoa da gure sare soziala

RSS Twitter Facebook Instagram YouTube LinkedIn

 

BDB gaur

2014-03-08 Ormaiztegi

Nerea Elustondo, Jexux Mari Irazu Muñoa

N. Elustondo
Aintzindariak gara gu biok
iraganari begira
parekideak izan asmotan
beti hainbeste mobida.
Problema asko izan ditugu
gure patua hori da
tamalez gure bideak beti
paraleloak baitira.

J.M. Irazu
Batzutan bide paraleloak
eta nahiko apartean
desberdin ere bagera noski
onartu behar tartean.
Gizontasuna ez da egoten
sarri eskaparatean
baina gizona ez da kabitzen
eredu bakar batean.

N. Elustondo
Emakumeok ere antzeko
gisaraka bagabiltz ta
hortxe dabiltza gure kontrako
ez dakit zenbat artista.
Ez dakit nola joan gaitezkeen
bide berean aldizka
lehenago puta deitzen ziguten
ta orain inkonformista.

J.M. Irazu
Izenak hola ipintzen dira
ekar lezake zenbait gaitz.
Neure buruaz zalantzak eta
kezkak eduki ditut maiz
inkonformista izenarekin
konponduta zaude garaiz
pausu bat eman nuen nik eta
ja gizona ere ez naiz.

N. Elustondo
Orduan biok ere gabiltza
ardi galduak bezela
zu erdi gixon ni erdi eme
deitzen gaituzte horrela.
Gure mundua hain da raroa
eta hain dugu txepela
ez dira ohartzen berez problema
beraiena soilik dela.

J.M. Irazu
Batzuk markatu gintuztelako
nahi zuten ereduetan
kabitu ezinik sentitu gera
zu ta ni hastapenetan
bakoitzak bere bidea eginez 
biziz, sentituz benetan
normaltasunez bizi gaitezen
mundu anormal honetan.

N. Elustondo
Anormalean normal izaten
hortako ni nago prestu
nahiz ta oro har jendarte honek
ez digun ezer erreztu
toalla ezin botako degu
ta etsipena aurkeztu
oraindik ere etorkizuna
dagolako gure esku.

Zapirain, Juan Kruz (1867-1934)

Hil 1934-03-08

Juan Kruz Zapirain (Errenteria, Gipuzkoa, 1867ko urtarrilaren 3a - Errenteria, Gipuzkoa, 1934) bertsolari gipuzkoarra izan zen. Euskal Herri guztian sona handikoa izan zuen bertso sail luze baten egil...

Aintziburu, Angel (1930-2019)

Hil 2019-03-08

...

Gernikako arbola

Euskaldunon himno hau ez da bertsogintzarako egokia. Aipagarria da doinu honi Lafittek "Erromako aldetik zer da argi hori" deitzen diola bere Auspoa 109 liburuko 138 orrialdean. Doinua sortzaileari buruz izan da zalantzarik; Azkuek adibidez bere Euskalzale astekarian dio J.M.Altunak sortua dela, baina gaur ez da dudarik bertso eta doinu Iparragirre berarenak direla.