Erandioko bertso topaketa izan da gaur Merkartu Zaharrean
4 ikastetxetako 180 bat gaztetxo batu dira gaur Erandion bertsoekin eta kantuekin gozatzera; Altzaga Ikastola, Goikolanda LHI, Ignacio Aldekoa LHI eta Jado-Compasión ikastetxeko ikasleak.
Josu Landeta Egurrolaren gidaritzapean, ikastetxeetan landutako bertso sortak ekarri dituzte gazteek oholtzara. Horrez gain, Beñat Aiartzaren gitarra lagun, abesti zahar eta berriak abestu dituzte, bai gaztetxoek eta baita irakasle eta udaleko teknikariak ere.
Topaketetan ohikoa den moduan, gaurkoan ere bat-bateko bertsoak entzuteko aukera izan dute bertaratutakoek. Peru Vidal Gurrutxaga eta Jone Larrinaga Dañobeitia bertsolaritak aritu dira gaurkoan.
Erandioko udalak antolatutako bertso-paper lehiaketaren sari banaketa ere gaur egin da. 4 sari eman ditu udalak, eta ikastetxe bakoitzeko gaztetxo banak jaso du saria, zorionak!
Hurrengo topaketa bihar, maiatzak 29, izango da Muskizen.
Hiruka.eus-en Topaketako bideoa ikusgai.
