Euskal Herriko Bertsozale Elkarteak ikus-entzunezkoen teknikaria behar du

Lanpostuaren eginkizunak:

Bertsozale Elkartetik pentsatzen eta garatzen diren ikus-entzunezko proiektuen lan teknikoa eta zabalkundea, nagusiki bertsoa.eus webgunerako eta Hitzetik Hortzera telebista saiorako. Hala ere, Bertsozale Elkarteak ekoizten dituen bestelako ikus-entzunezkoetan ere hartuko du parte.

Lanpostua Komunikazio eta Hedapen sailean kokatuko da.

Eginkizun nagusiak:

• Bertso saioen grabazio lanak.
• Ikus-entzunezko edukiaren edizio lanak.
• Ikus-entzunezko proiektuen post-produkzioa.
• Sare sozialetarako ikus-entzunezko edukien sorkuntza eta kudeaketa.
• Erredaktore lanak.

Eskatzen da:

• Bertsogintzaren ezagutza.
• Euskal Kulturgintzaren ezagutza.
• Lanpostuarekin zuzenean lotutako ikasketak izatea.
• Ediziorako programen ezagutza: Final Cut, Photoshop edota antzerakoak.
• Ikus-entzunezkoak askotariko euskarrietan sortzeko gaitasuna eta bisioa.
• Jarrera konprometitua eta euskara ondo menderatzea.
• Komunikaziorako, jendaurreko harremanetarako gaitasuna.
• Gidatzeko baimena eta autoa.
• Urteko zenbait asteburutan lan egitea. ;)

Kontuan hartuko da:

• Bertsozale Elkartea eta bertsogintzaren ekosistema ezagutzea.
• Bertsozale Elkartearen zehar-lerro estrategikoen inguruko formazioa: feminismoa, lurraldetasuna eta belaunaldiartekotasuna.
• Elkartegintza ikuspegia eta ezagutza.
• Kazetaritzari eta ikus-entzunezkoen lanari lotutako trebakuntzak eta esperientzia.
• Gizarte mugimenduetan eskarmentua.
• Hizkuntzen ezagutza.

Eskaintzen da:

• Egun osoko lan kontratua Amasa-Villabonako egoitzan.
• Ikus-entzunezko proiektuek aldian-aldian eskatzen dituzten joan-etorriak egoitzatik kanpora.
• Lan ordutegi malgua.
• Hasteko aurreikusitako data: 2026ko ekainean.

Interesatuok bidali Curriculum Vitaea eta motibazio gutuna 2026ko maiatzaren 31 baino lehen ondorengo helbideetara:

• Euskal Herriko Bertsozale Elkartea, Kale Nagusia 70, Amasa-Villabona (Gipuzkoa)
• koordinazioa@bertsozale.eus

Informazio gehiago behar izanez gero, idatzi mezu bat aipatutako helbide elektronikora edo deitu 943 694129 telefono zenbakira.