Ahots Baten sormen egonaldia

2021ean, egitasmoa leheneratu eta lau eguneko egonaldi izango da berriro ere.

Abenduaren 27tik 30era izango da 2021eko Ahots Baten. Aurreko urtean, pandemiaren eraginez egun banatako bi saio egin baziren ere, aurtengoan berriro ere lehengo forma hartuko du: lau eguneko egonaldia izango da.

Urte guztian antzerkian, bertsolaritzan, kantagintzan eta kontalaritzan edota literaturan aritzen diren gazte sortzaileei zuzendua dago Ahots Baten sormen egonaldia. Tarteko bi egunetan, egonaldiko bigarrenean eta hirugarrenean, alegia, kultur diziplina horietan aditu diren gonbidatuak batuko dira taldera, eta partekatzeko, esperimentatzeko, hitz egiteko... aukera izango dute.

  • Noiz: Abenduak 27-30
  • Non: Amaiurko aterpetxea (Amaiur, Nafarroa)
  • Norentzat: 1999-2006 urteetan jaiotakoentzat
  • Prezioa: 100 euro
  • Gonbidatuak: Aurten gurean izango dira...
Abenduak 28: Abenduak 29:
- Ane Labaka bertsolaria eta Maialen Belarra gai-jartzailea
- Intza Alkain aktorea
- Joseba Larratxe Josevisky komikigilea
- Miren Narbaiza kantari eta musikagilea (MICE)

Mintzolatik egin izan da izen-ematea orain arte, baina Mintzolaren azkentzea dela eta, atari honetatik bertatik bideratuko da oraingoan.

Ahots Baten 2021_kartela