Gipuzkoa

Gipuzkoa

Albisteak

Karidadeko Bentak irabazi du Gipuzkoako Herriartekoa

2017/05/27

Azpeitian izan da Gipuzkoako Herriarteko finala Izarraitz pilotalekuan. Karidadeko Benta (Asteasu eta Zizurkil) taldeak irabazi du otsailean hasi zen bertso dema. 38 taldek eman zuten izena eta bi iritsi dira finalera: Karidadeko benta (Asteasu, Zizurkil) eta Am…ona! (Amasa-Villabona).

Am…ona! eta Karidadeko Benta aurrez aurre, larunbatean Azpetiko Izarraitz pilotalekuan

2017/05/23

Gipuzkoako Herriarteko finala jokatuko da larunbatean Azpeitiko Izarraitz pilotalekuan. Aurrez aurre ariko dira, Am…ona! Amasa- Villabonako taldea eta Karidadeko benta Asteasuko eta Zizurkilgo taldea. Saioren ostean, festarekin jarraitzeko, Sanagustin kulturgunean herri afaria egingo da.

Am… ona! Herriarteko finalera sailkatu den bigarren taldea

2017/05/13

Gipuzkoako Herriarteko bigarren eta azken finalaurrekoa izan da Bergarako pilotalekuan 17:30ean hasita. Osinalde (Gabiria) eta Am…ona! (Amasa-Villabona) taldeak lehiatu dira bertan. Am…ona! taldeak irabazi du eta Karideko benta taldearekin batera abestuko du Azpeitian maiatzaren 27an izango den finalean.

Osinalde eta Am… ona aurrez aurre, larunbatean Bergaran

2017/05/08

Gipuzkoako Herriarteko azken finalaurrekoa izango da larunbatean, Bergarako pilotalekuan, 17:30ean hasita. Bertan erabakiko da Azpeitian maiatzaren 27an izango den bigarren taldea zein izango den.

Karidadeko benta sailkatu da Herriarteko finalera

2017/05/06

Gipuzkoako Herriarteko lehen finalaurrekoa izan da Alegiako frontoian 17:30ean hasita. Erniarraitz 1 (Azpeitia) eta Karidadeko benta (Asteasu, Zizurkil) taldeak lehiatu dira bertan. Karidadeko benta gailendu da saioan, beraz Azpeitian egingo den finalean abestuko dute.

Agenda

2017-08-18 Donostia Jaialdia

Jaiak. Bertso saioa

2017-08-19 Irun Plaza librea

Moskuko jaiak. Bertso-triki-poteoa

2017-08-20 Irun Jaialdia

Moskuko jaiak. Bertso saioa

2017-08-22 Elgoibar Bertso-saio musikatua

"Ez da kasualitatea" bertso-saio musikatua

Agenda osoa

BDB gaur

1991-08-17 Zizurkil

Jon Enbeita

Mundu hontako denbora,
erdi arantz, erdi lora,
batzuek inoiz bizi ez eta
besteak gerora,
Otaño dator gogora,
esan dudanaren froga,
gure iloben ilobekin be
hura biziko da. (BIS)

Baina askok hortik aparte,
ez lan ta ez borondate,
sekula bizi gabe hiltzeko
martxa daramate,
beste asko etxe kalte,
anaien kontra jo-ta-ke,
eurak bakarrik hilgo balira
gaitzerdi litzake. (BIS)

Bihotz barnean daukat min,
gertatua ahaztu ezin,
odol gorria inorentzako
ez baita atsegin,
bada hainbat langile fin,
ejenplu ona Donostin,
hiltzen direnak euren Herria
bizi izan dedin. (BIS)

Aita Bonifazio Ataun

Hil 1984-08-17

Bidegileak bilduman: http://ttiki.com/31934...

Gu gara Euskadiko

AITA ZER EGIN DUZU doinua ere honekin dator, kantu bereko zatia da.