Gipuzkoa

Gipuzkoa

Albisteak

Karidadeko Bentak irabazi du Gipuzkoako Herriartekoa

2017/05/27

Azpeitian izan da Gipuzkoako Herriarteko finala Izarraitz pilotalekuan. Karidadeko Benta (Asteasu eta Zizurkil) taldeak irabazi du otsailean hasi zen bertso dema. 38 taldek eman zuten izena eta bi iritsi dira finalera: Karidadeko benta (Asteasu, Zizurkil) eta Am…ona! (Amasa-Villabona).

Am…ona! eta Karidadeko Benta aurrez aurre, larunbatean Azpetiko Izarraitz pilotalekuan

2017/05/23

Gipuzkoako Herriarteko finala jokatuko da larunbatean Azpeitiko Izarraitz pilotalekuan. Aurrez aurre ariko dira, Am…ona! Amasa- Villabonako taldea eta Karidadeko benta Asteasuko eta Zizurkilgo taldea. Saioren ostean, festarekin jarraitzeko, Sanagustin kulturgunean herri afaria egingo da.

Am… ona! Herriarteko finalera sailkatu den bigarren taldea

2017/05/13

Gipuzkoako Herriarteko bigarren eta azken finalaurrekoa izan da Bergarako pilotalekuan 17:30ean hasita. Osinalde (Gabiria) eta Am…ona! (Amasa-Villabona) taldeak lehiatu dira bertan. Am…ona! taldeak irabazi du eta Karideko benta taldearekin batera abestuko du Azpeitian maiatzaren 27an izango den finalean.

Osinalde eta Am… ona aurrez aurre, larunbatean Bergaran

2017/05/08

Gipuzkoako Herriarteko azken finalaurrekoa izango da larunbatean, Bergarako pilotalekuan, 17:30ean hasita. Bertan erabakiko da Azpeitian maiatzaren 27an izango den bigarren taldea zein izango den.

Karidadeko benta sailkatu da Herriarteko finalera

2017/05/06

Gipuzkoako Herriarteko lehen finalaurrekoa izan da Alegiako frontoian 17:30ean hasita. Erniarraitz 1 (Azpeitia) eta Karidadeko benta (Asteasu, Zizurkil) taldeak lehiatu dira bertan. Karidadeko benta gailendu da saioan, beraz Azpeitian egingo den finalean abestuko dute.

BDB gaur

2011-06-23 Tolosa

Bixente Gorostidi, Jexux Mari Irazu Muñoa

J.M. Irazu:	
Goizean jeiki ta enkargutara
		lehen ohiturik ez nun berez
		ta eguardian biloban bila
		semea baitabil lanez
		gero afaia prestatu behar	
		zerbaitetan jardun errez.
		Hauxe da marka jubilatuta
		ezertarako betik ez! 

B. Gorostidi:	
Ni berriz lehen ibiltzen nitzen
		makina baten neurrira
		orain goizean paseotxo bat
		eta garaiz erretira
		arratsalde eta iluntze osoan
		gelan jira eta bira
		mundua erabat geldi ikusten det
		nere leihotik begira.

J.M. Irazu:	
Bixajea’re triste xamarra	
		Bixente ez al daukazu?
		Berrogei urte lanean pasa
		trote galanta da aizu!
		Mundua geldi ikusten dezu
		hargatikan zaude izu
		etorri zaite nere etxera
		laister mugituko zaizu!

B. Gorostidi:	
Zure etxera joatea Irazu
		ez dakit ba komeni dan
		bilobatxoei segitu ezinik
		pasilloan jira-biran.
		Ni mantso-mantso lana utzita
		jubilatu ta segidan
		bizi nahia ta animoa’re
		jubilatu egin ziran.  

J.M. Irazu:	
Zeure buruai poz pixkat eman
		proiektu batzuek hartu
		jarri loreak edo txakurrak
		ta denbora bideratu.
		Neri eguna moztu egin zait
		hala’re majo osatu!
		Lehen nekatu egiten nintzan
		ta orain berriz gozatu.
		
B. Gorostidi:	
Indarberritu egin zera zu
		zu bai zerala tipoa!
		Baino bizitzan nik bukatu det
		lanaren mente itoa 
		urte asko ez degu aurretik eta
		orain hori betikoa:
		denbora soilik daukagu eta
		hoi gure kontra dijoa. 

J.M. Irazu:	
Txikito batzuk hartu ohi ditut
		tarteka lagun artean
		afari batzuk egin ere bai	
		nere herriko elkartean.
		Zutik nekatzen segitu nahi det
		ikastolako atean
		ta deskantsua iritsiko zait
		kanposantura joatean. 

B. Gorostidi:	
Eta hara noiz joango geran
		nola ez guri ardura
		baino hobeto pentsatzeko’re
		igual garaia heldu da
		ta animoak berreskuratu
		zuk esandako modura
		nere pena ta tristura denak
		botaz sanjoanen sura. 

Lujanbio, Juan Jose "Saiburu"

Jaio 1874-06-23

Gerrate erdi-erdian jaio baitzen, Hernani setiatua, Aranora eraman zuten bataiatzera. Basozabal baserrian denbora gutxi egon ziren. Handik Saiburura joan ziren. Saiburu eta Txirrita lehengusuak ziren...

San Martin, Juan

Jaio 1922-06-23

Eibarko Elgeta kaleko jaiotetxean egin zituen bizitzako lehen 14 urteak, 1936ko gerra piztu arte hain zuzen; aita eskupetagina, Errepublikaren alde armagintzan aritzera joan zen Valentziara, eta ama e...

Erramouspe, Peio "Manexene" (1880-1967)

Hil 1967-06-23

Peio Erramouspe Karrika "Manexene" edo "Harrixabal" 1880ko urriaren 30ean sortu zen Bankan. Eskola gazterik utzi eta laborantzaz bizi izan da. Peio Erramouspe ezkondu zen Joana Karrikaburu bankarrarek...

Nere sentimentua

NERE SENTIMENTUA eta EUSKALDUNOK MUNDUAN, ez dute erritmo berdina.