Gipuzkoa

Gipuzkoa

Albisteak

Zabalik dago Gipuzkoako Eskolartekoko izen ematea

2018/11/30

Urtarrilaren 20ra arte eman ahalko da izena bat-bateko txapelketan.

Gipuzkoa Bertsotan sailkapen fasean izena emateko epea zabalik

2018/10/31

2019ko irailetik abendura bitartean, Gipuzkoako Bertsolari Txapelketaren edizio berri bat izango da. Aurretik, maiatzean hasita, Gipuzkoa Bertsotan sailkapen fasea jokatuko da. Gaur hasi eta azaroaren 25era bitartean eman daiteke izena Gipuzkoa Bertsotan sailkapen fasean parte hartzeko.

Giro ederra izan zen Gipuzkoako Bertso Eskolen Egunean

2018/05/10

Joan den igandean ospatu zen 2018ko Gipuzkoako Bertso Eskolen Eguna, Tolosan. Eguraldi eta giro ederrarekin gozatu zuten ehun gaztetxo inguruk.

Oihana Arana txapeldun, Lasturren

2018/04/21

Oihana Arana Cardenak eskoriatzarrak irabazi du bat-bateko Gipuzkoako Eskolarteko Txapelketa. Aner Peritz Manterola “Euzkitze” zarauztarra izan da txapeldunordea. Cardenal eta Peritzek Euskal Herriko Eskolarteko Txapelketan abestuko dute ekainaren 9an, Saran (Lapurdi).

Erabaki da Gipuzkoako Eskolarteko finalean ariko den zortzikotea

2018/03/19

Joan den ostiralean erabaki zen zein zortzi bertsolari ariko diren Lasturren, apirilaren 20an jokatuko den bat-bateko Gipuzkoako Eskolarteko Txapelketako finalean. Azken kanporaketa Anoetako Kuku Elkartean izan zen, eta Maddi Aiestaran nagusitu zen 60 entzule ingururen aurrean.

Harremanetarako

Larramendi 7, Tolosa 20400 

(00) (34) 943 670 575

gipuzkoa[abildua]bertsozale.eus

 

Erosi sarrerak

Eskura itzazu saioetako sarrerak

Lanku

Saio bat antolatu nahi?

BDB

Bertsolaritzaren Datu Basea

Agenda

2019-01-20 Itziar Lagun-artekoa

Bertso poteoa eta bazkaria

2019-01-20 Irun Plaza librea

Sagardotegi denboraldiaren irekiera. Bertsolariak

2019-01-20 Amasa-Villabona Jaialdia

Bertso saioa

2019-01-25 Lezo Lagun-artekoa

Bertso-afaria

2019-01-25 Astigarraga Lagun-artekoa

Herri Urratsen alde. Bertso-afaria

Agenda osoa

BDB gaur

2013-01-20 Mungia

Arkaitz Estiballes, Xabi Paya

X. Paya

Mungira heldu ta pintadagaz
lotu gara harriturik
gastua aldatu behar ei dala
argi dino beste barik
ta egia esan horrek ez dauka
Arkaitz arrazoi faltarik
ondo hezia dan gizartean
ez baitago deliturik. 

A. Estiballes

Aspaldi hontan krisiak gogor
jotzen gaitu ttiki-ttaka
ta poliziak ugari daude
hau sartu besteai saka
guardia zibilak ta nazionalak
edo Ertzaintza aparta
hamabi mila polizi daude
eta medikuak falta. 

X. Paya

Hartu dagigun horko kuartela
adibide baterako
nahiz ta ez diran euren zulotik
horrek erraz aterako
hortxe hainbeste dagoz sartuta
gertu esateko “Alto!”.
Leku ederra ez al da hori
ikastola baterako?

A. Estiballes

Hezkuntza eta osasunean
zenbat partxe ta adabaki!
Dirua zertan gastatu behar den
zeinek ote du erabaki?
Errektore bat ere hortxe dago
ta berak ondo badaki:
presupuestoa zenbat murriztu
dizute aurten Iñaki? 

X. Paya

Azken bertsoa ostera Arkaitz
kantauko dot horren kontra
Euskal Herria berez dalako
geuretzat gaur herri mota
baina penintsula osoa hartuta
desbardina da erronka:
han polizia asko behar dabe
korrupto asko dago ta.

A. Estiballes

Poliziaren alde hasi da
ministro baten antzeko
ikusi ezkero bizkar zabala
ia badauzka bi metro
gorputza dauka sendo-sendoa
ta jarreraz beti terko...
Xabi pentsatzen ote zabiltza
zeu’re polizi sartzeko?

X. Paya

Nahiz eta erraz emon neiken nik
maderorako nibela
ez jat gustatu ez on ez txarra
poliziaren papela.
Zer nabil hemen Espainiagaz?
Hau hanka-sartze itzela!
Ebrora bota kokodriloak
ta konpondu daitezela!

A. Estiballes

Dudarik gabe sartu zaitezke
Xabi lasai Ertzaintzara.
Frantsesa daki inglesa daki
gaztelania, euskara
ta alemana eta griegoa
ikasten dau beharbada
polizi izan nahi luke baina
inteligenteegia da.

Dozena bat bertso berri A

Erreparatzekoa da Piarres Lafittek egindako Manex Etxamendiri buruzko liburuan zenbaterainoko ardura duen bertsoei dagozkien doinuak ipintzeko, eta berdin esan genezake Mattin, Xalbador eta Ifarraldeko bertsozaleetaz orokorrean. Izan ere P. Lafitte ez zen edozein izan euskal kulturan eta gure arloan ere lan asko egin zuen, besteak beste Mariya, Kantuz kanta liburu popularrak argitaratuaz.